Hechos 4:22 - Diosa' kiika; Génesis Éxodo y El Nuevo Testamento

²² Entsa-i' ura' mandiya' nemu ruku 40 añu pullaami.

Hechos 4:22 ပူးပေါင်းရင်းမြစ်များ

Hechos 9:33

Tsejtu junu ma ruku Eneas mumu, mandishpen añu dilu dedeelaa ju' tsunjuunun tsanamunu katajimi.

Juan 5:5

Tsenñu junu ma ruku 38 añu dilu bain tsumi.

Hechos 3:2

Tsenñu junu elesha vinu juukapasha main dedeelaa nakayamu chumi, yanu malumere aa eleshasha taji' chuchungaala “Naraa” mumu tinu juukapasha, tsenmalaa eleshasha vimu chachillanu lushi paki pakikenutsu.

Juan 9:1

Jesús dapulla' jindu ma ruku kapuka putyu nakayamunu katami.

Lucas 13:11

Tsenñu junu ma shinbu dilu pumi firu' bu'chullachi ikaturen, mantse'ke' deechu' uidinu jutyu', beenbushu wayuyuuren 18 añu dilu tsanamu.

Mateo 9:20

Tsaindetsun ma shinbu asa senduwaraa dilu chuturen 12 añu ma iintsumu shinbu Jesús' benesha ji' ya' jai kapanu ta'kakemi,

Hechos 4:21

Tsenñu bale rukula firu' kenu detsuyu ti' jeekaapu' ne mandyallakila, matyu naake' ti' mityaba kuipa pu' taaju puiwaren tsa deeñu' mitya; tsenmin kumuinchi chachilla bain, yala tyee keñu dekata' bain, juntsan mitya Diosnu yuj urave ti' papatindetsuñu' mitya.

Hechos 4:23

Bene Pedro Juanba demandyallatu, yaiba bulu nemula' junga miitu, chachilla' mitya Diosnu kalen jimula' bale rukula bain, naa judío bale rukula bain yalanu naadetiñuba tsangue kuinda kila.