Hechos 13:9 - Diosa' kiika; Génesis Éxodo y El Nuevo Testamento

^9-10 Tsenñu Saulo, ya' kama mumuya Pablo, Espíritu Santo' mityaa tiba kiikemu jutu, juntsa rukunu ya' kajuunu keetaditu tsandimi: Ñu, Dyabulu' na juuñuu jumu, firu' chachi, anbukuinda kemu ruku, tiba ura' juulanu kundaa tyamu chachi, ¿Naamaa Bale Ruku tyee kesa tyañuba juntsaa kikaren chukaanujtuuyu?

Hechos 13:9 ပူးပေါင်းရင်းမြစ်များ

Hechos 4:8

Tsenñu Espíritu Santo Pedronu tsandikaañu, entsandi pakami: Ñulla bale rukula bain, chachilla' mitya Diosnu kalen jimu bale rukula bain,

Hechos 2:4

Tsenmala Espíritu Santo kumuinchi yalanu vi' tsandikaañu, main main naaju vee vee palaachiba depadundaila.

Hechos 7:55

Tsaaren Estebanya Espíritu Santo tene tyuwaju' mitya kai'sha ke'laatu, Diosnu tsamantsa aa bale ruku juu uina katalaami, naa Jesúsnu bain ya' urandyasha uyuna.

Marcos 3:5

Jesús ya' keetala uinamu chachillanu ajaatya' keemi, tsejturen mika pensandyami, yala' tenbukashaya firu' deju' aseetanguenu detyatyuñu' mitya. Tsejtu juntsa dii rukunu entsandimi: Ñu' tyaapa usakide, timi. Tsandiñu juntsa ruku ya' tyaapa uskenmalan tsaa narai mandimi.

Hechos 4:31

Tsejtu yala juntsandi' Diosba dekuindake' dyañu, yala' wa'nanunu kala ken tsanguiñu, kumuinchi chachilla Espíritu Santo' mitya tene kemu detiyatu, yala Diosa' kuinda mijakaandu jelajtu papatila.

Lucas 20:17

Tsenñu Jesús yalanu keetu tsandimi: Tsaashu juntsaya, Diosa' kiikanu: Ya kemula' kepu shupukaa kayu deenamishtimu shupuka tiyaive, ti' pillaashu juntsa ¿naa titundin?

Mateo 10:20

Matyu pa' bain ñullaa panu dejutyuve, ñulla' Apa' Espíritu ñullanu pumaa panu tsuve.

Marcos 8:25

Tsandiñu Jesús manen juntsa ruku' kapukanu ya' tyaapachi manda'kañu, umaa narake danware' ura' tiya', tinuba narake katamu tiyami.