Hechos 13:47 - Diosa' kiika; Génesis Éxodo y El Nuevo Testamento

⁴⁷ Bale Rukuren lalanu tsanguidei tiñu' mitya entsanditu: Ñunaa judío chachi jutyulachi ñillu juuñuu tiwaayu, tsenmalaa ñu yalanu livee inu kuinda mijakaanutsu, naa nuka chumu chachillanu bain, tive, tila.

Hechos 13:47 ပူးပေါင်းရင်းမြစ်များ

Lucas 2:32

Juntsa livee kemu ñillu tsaa dangare' veela Israel chachi jutyulanu aseetanguekaanu tsuve. Tsenmin ñu' Israel chachillanu bain balengurenu tsuve, timi.

Hechos 26:23

Dioschi Mi'ke' Kayamu taaju i' peyanu tsuve, tsejturen naa veelaya peya'ba mangujtyu deeñu bain yaa ajke' mangujnu tsuve, tsejtaa naa judíolachi bain, naa judío chachi jutyulachi bain yaa livee kemu ñillu juuñuu junu tsuve, tiitintsuyu.

Hechos 22:21

Tsaaren Bale Ruku inu tsandiwa: Enu lu' jide, iya ñunu judío chachi jutyula' jungaa baasha eenu tsuyu, tiwa.

Hechos 9:15

Tsenñu Bale Ruku pakatu tsandimi: Naa tsaañu bain jide; iya juntsanu mi'ke' kayu, tsenmala yaa naa judío chachi jutyulanu bain, naa yala' reilanu bain, tsenmin naa Israel chachillanu bain in mitya panutsu.

Hechos 1:8

tsaaren Espíritu Santo ñullanu jamiya, in mitya patinuu detirenu tsuve, tsejtu Jerusalénnu bain, Judea tusha bain, Samaria tusha bain, naa nuka bain in mitya pas nenu detsuve, timi.

Marcos 16:15

Tsejtu tsandimi: Nuka bain dene' naaju chachillanu bain Diosa' mika ura kuinda mijakares nedei.

Mateo 28:19

Tsa' mitya nukaba deji' naaju chachillanu bain in disipulu tiredei, in Apa' mitya bain, ya' Na' mitya bain, naa Espíritu Santo' mitya bain mungaakaakendu.

Lucas 24:47

Tsenmalaa ya' mitya naa nuka chumu chachillanu bain Diosa' palaa demijakare' pa' tsandinu dejuve: Ñulla veta' pensa demangue' Diosnu keranguidei ñulla' ujcha manbitsalanutsu, tidei. Tsaaren Jerusalénnaa peepu' jidei,