Hebreos 3:7 - Diosa' kiika; Génesis Éxodo y El Nuevo Testamento

⁷ Tsaañu' mityaa naatinga Espíritu Santo, Diosa' Kiikanu entsandishu: Tsandenna uma, ñulla Diosa' palaa mere'banguishu juntsaya,

Hebreos 3:7 ပူးပေါင်းရင်းမြစ်များ

Hebreos 3:15

Tsaañu' mitya entsandimuwaave: Tsandenna uma ñulla Diosa' palaa mere'banguishu juntsaya, ñulla' tenbuka puulawaatyudei, matyu tiba den chutyuinsha nendu, inu meenguityu chachilla naadejuñuba juntsaa jutyudei, timuwaave.

Apocalipsis 3:20

Iya ya juukapanu uina' de-eepusa tenñu palitintsuyu. Mun in palaa mere' juukiñu bain yaba vi', bulu chudi' panda finu tsuyu.

Hebreos 4:7

Tsenñu' mityaa Dios ma malu mangave titu, Diosnu chaiba keengue' meenguenuu dejuve titaa tsandive, tsenmalaa juntsa jumu malunu vinudetsu. Tsejtu bene pure' tinbu pullaiñu, lalanu entsangue' mijakaamiya Davidnaa tsandikaave, Diosa' Kiikanu kaspele entsandishu juntsa pillanu: Tsandenna uma ñulla Diosa' palaa mere'banguishu juntsaya, ñulla' tenbuka puulawaatyudei, timuwaave.

Juan 10:27

In uvejalaa in palaanu mera deeve; i bain yalanu entsa kerayu, tsenmin yalaa in bendaa jamu deeve.

Hebreos 3:13

Tsa' mitya tsaa dejutyu', veta' veta' keranguemishtin chu', ti kenu ju'ba ajchundyakaanuu tene malumere ke' tsa tsanguidei, matyu Diosa' Kiikanu “uma” tiitishu juntsa malu de-indyuya entsanditu, Diosnu chaiba keengue' meenguenuu dejuve titaa tsandive, tsejtaa ñulla ujchachi anbutikayan chutyu', tsa mijaaba indejutyu.

Mateo 17:5

Tsejtu Pedro tsandintsun, ma ñivijcha pi'kelaa ji', tsaa yalanu ñivish panbeesha pukiñu, junu palaa meejatu tsandimi: Entsaa in estyanu Nave. Ya' mitya yuj sundenve. Yanu meedidei, timi.

Juan 10:3

tsenmala uveja keenamu ruku veeta juukapa juukinmala, uveja washkemu rukaa tsaintsuñuba aseetanguenu dejuve uvejala ya' palaaren meekitun. Tsejtu uveja washkemu ruku ya' uvejalanu uvejamee mumunu pa' jin i-i' avindala dekalare' eenu juve.

Juan 5:25

Uwaindiyu juntsa ura jantsuve; ura patiñuya, yumaa jave juntsa ura, matyu pemu juuñuularen Diosa' Na' palaa mera merakenu ura, tsejtu mun ya' palaa mere' bain naa-uwanuba Diosba ura' chunu detsuve.

Juan 10:16

Entsa veetanu putyu kayu vee uvejala bain miyayu. Juntsalanu bain i demikanmala yai bain in palaanu meenu detsuve. Tsenmee ma veetanu tene punañu denanmala, uveja washkemu ruku bain iren main juunu tsuyu.

2 Pedro 1:21

matyu Diosa' mitya pamulaya ne maali yala' pensachi tsandindya' patyuwa deeve, tsaju' yalaya Dios tsandikaañaa Espíritu Santochi pamuwa deeve.

Hebreos 9:8

Entsanguitaa lalanu Espíritu Santo keewaantsuve naa Dioschin juu jumu sukuya juunatyuñuba, matyu Moisés' wandya leinu meenguendetsu', chaiba juntsa ajke' jumu sukunu naakendetsu'ba tsa tsangues jindetsushu juntsaa.

Mateo 22:43

Tsenñu Jesús tsandimi: Tsaanuba, ¿nenñaa, Espíritu Santo tsandikaañu, David Dioschi Mi'ke' Kayamunu patu, Bale Ruku timuwaatun? Matyu David entsandimuwaave:

Hechos 28:25

Tsejtu yai tenen uwain tsaave ti', ma pensaa kenu dejutyu' ura' kuinda kenu jutyulan demiinduda deiñu, Pablo de-insha entsandimi: Uwain Espíritu Santo Diosa' mitya pamu ruku Isaíasnu ura' pakaamuñuve ñulla' tinbu rukulanu, entsanditu:

Marcos 12:36

Matyu Davidren yanu Espíritu Santo tsandikaañu entsandimuwaañuba: Bale Ruku Dios in Bale Rukunu tsandive: In urandyasha chudide, kayu iya ñu' kundaalanu depuitu, ñu' neepa teetanainsha detsurendyuya, timuwaave.

Hechos 1:16

Keranguemu naatalala, Espíritu Santo Davidnu tsandikare' piikikaañu, Jesúsnu yala' kundaalanu wandi' kakaakishu juntsa Judas naa-inu tsuve ti' laapu' piikemuwaañuba juntsaitu ive.

Hechos 8:29

Tsenñu Felipenu Espíritu tsandimi: Ji' kawalluchi juyaashu juntsa karuunu mi'dide, timi.

Hebreos 10:15

Espíritu Santo bain tsaave ti', Diosa' Kiikanu entsandi piikekaave: