Gálatas 3:26 - Diosa' kiika; Génesis Éxodo y El Nuevo Testamento

²⁶ Tsaju' ñulla Jesucristonu ura' dekeenguemiya, kumuinchi Diosa' na tene judeeve,

Gálatas 3:26 ပူးပေါင်းရင်းမြစ်များ

Efesios 1:5

ya' na detirenu tyatu, Jesucristonu eemuwaave, matyu ajke' depeepunu tinbunuren tsanguenu tya' lalanu mi'ke' kamuwa' mitya.

2 Corintios 6:18

Tsejtu iya ñuichi Apa junu tsuyu, tsenmala ñullaya in nala bain, in na'mala bain junu detsuve, tive tiba kekaamu Bale Ruku, ti' pillave.

Filipenses 2:15

tsenmalaa mu bain ñullanu naa kuipa juu bain, naa tiba firu' kemu juu bain katan dejutyuve. Tsejtu naa tsamantsa firu' chachilla, anbukuinda kemu chachilla' kejtsapala dechu' bain, ti kuipaba jutyu dechu', Diosa' na juu chudei. Tsejtaa ñulla naa-uwanuba chuwaanu tiremu Diosa' kuinda mijakarendu, yala dandajtu juuñuu tusha chumu chachillachiya makara juuñungue danguenu detsuve. Tsenmalaa Cristo maanmala iya ñulla' mitya mika sundyanu tsuyu, iya tsangue' dera' taawasha ke' bain tsangui'ñuba ne uraañuu tiyan jutyu'ba mi' mitya.

Apocalipsis 21:7

Mun taaju kentsu' livee i' puiñu bain, enu patyeeshu juntsa yaichi junu tsuve, tsenmala iya ya' Dios junmala, yalaa in na junu detsuve.

Efesios 5:1

Ñulla Dioschi mika estyanu kailla juuñuu deju' mitya, ya naajuñuba ñui bain juntsaanu kidei.

Juan 20:17

Tsenñu Jesús entsandimi: Inu mandyallakika, kayu in Apa' junga maluindyuyu. In naatalala' junga miitu entsandide: Ñuichi bain Apa jumu, in Apa' junga, ñuichi bain Dios jumu, in Diosa' junga miintsuyu, tive, tide, timi.

Juan 1:7

chachillachi ñillu juuñuuve tinutala kuinda kes nenu, tsenmalaa yanu demeengue' ya' mityaren juntsa ñillu juuñuu jumunu kumuinchi dekeenguisa tyatu.

Romanos 8:1

Tsa' mitya Jesucristoba ma bulu juu chumulaya umaa ne ti' mityaba kavitu de-i' kuipa viiba in dejutyuve,

Romanos 8:19

Ti bain Diosa' keñu imulaya, lala Diosa' na dejutu naaju' tsamantsaa junu deeñuba tsaa katanu kumuinchi ajchundya' dekeenayu.

2 Corintios 1:1

Iya Pablo, Diosren tsaa mutyañuya, Jesucristochi kuinda kenu lara' eramu ruku, in keranguemu naatala Timoteoba Corinto pebulusha Diosnu kerangue' waku wakudimulanu bain, naa vejanla Acaya tusha keranguen chumulanu bain ura' dejusa tindetsuyu.

Gálatas 3:28

Tsaju' naa judío chachi deju' bain, griego chachi deju' bain, manda-i' taawasha kemu deju' bain, naa nejuu maali chumu deju' bain, naa unbee ruku deju' bain, naa supula deju' bain Diosa' ajuushaya vee vee dejutyuve. Jesucristoba bulu jushu juntsaa, kumuinchi ñulla main juuñu deeve.

Gálatas 4:14

Tsenñu naa iya diluñu, ñulla inu ne keeminchanguenuu juñu bain, tsangueba dekityuwa, tsenmin jatsa' kure' keekiba dekityuwa, naamika iya diluñu tsangue pensanguikaanuu juñu bain. Tsejtu tsangue pensanguityumee, ñulla inu Dioschi anjeeyaaba juñu mikan tsanguemuwa deju', Jesucristo juñu mikan tsanguemuwa deeve.

Gálatas 5:6

Jesucristonu keenguemulachiya Dioschi señas ju' bain, jutyu' bain nejuuve; ura pañuya, veelanu estya estyaindaa Jesucristonu ura' keenguemu ju'ba tsangue keewaanuu juve.

Gálatas 5:24

Tsenmala Jesucristochi judeeshu juntsa chachillaya, kaspele ujcha lan chutu naaken chumuwa deju'ba juntsa bain, naa firu' kenu pensa jumula bain kuusanu tu'pukiñuu dekive.

Efesios 1:1

Iya, Pablo, Diosren tsaa mutyañuya, Jesucristo' mitya kuinda kenu lara' eramu ruku, ñulla Éfeso pebulunu, Dioschin juu chudenashu juntsalanu, matyu Diosnu keenguemu deju' Jesucristoba ma bulu juuñuu judeeshu juntsa chachillanu, ura' dechusa tintsuyu.

Filipenses 1:1

Pablo, Timoteoba, lala Jesucristo' mitya taawasha kemu chachilla, Filipos pebulunu Diosnu keranguen chumulanu, matyu Jesucristoba ma bulu juu jumulanu, entsa kiika piike' ura' dejusa tindetsuyu. Naa keranguemulanu washkemu bale rukulanu bain, naa keranguemulachi tyeeba kemu chachillanu bain ura' dejusa tindetsuyu.

Filipenses 1:8

Tsenmin Diosya mive, Jesucristo tsanguikaañu, iya ñullanu mika estyamuñu bain.

Colosenses 1:4

ñulla Jesucristonu ura' keenguen dechu', naa kumuinchi Dioschin juu chachillanu bain mika estyan dechuñuba mijatu.

Colosenses 2:6

Tsaju', ñulla Jesucristonaa ñulla' Bale Ruku juu tiremiya, yachi naaju chudi' jintsunuu juñuba juntsaa jintsudei,

Filemón 1:1

Ñu, laaba bulu taawasha kemu, lala' estennu naatala Filemón, iya, Pablo, Jesucristo' mityan peesu pumu ruku, tsenmin Diosnu keenguemu lala' naatala Timoteoba, ñunu entsa kiika piikendetsuyu,

Filemón 1:9

tsandityu' laatala estyamu jutaa ñunu u'tandinu tenve. Iya Pablo, yumaa derukuuyu, Jesucristo' mityan peesu punaashu juntsa unbere,