Filipenses 1:30 - Diosa' kiika; Génesis Éxodo y El Nuevo Testamento

³⁰ Tsenñu challa Jesucristo' mityan naa ñui bain, i bain juntsa taajuren kendetsuyu; kaspele naake taaju kemuwaañuba ñulla katamuwa deeve, tsenmin chaikama bain iya juntsa taajuren kentsuñuba ñulla kuinda mija mijadeive.

Filipenses 1:30 ပူးပေါင်းရင်းမြစ်များ

1 Tesalonicenses 2:2

Lala kaspele ñulla' pebulusha kayu jaindyutu, Filipos pebulubi firu' pakaya', naa tituba taaju imuwa deeñu bain ñulla mideeve. Tsejtu ñulla' pebulusha dejañu, veela kundaa tyantsumuwa deeñu bain, Dios lalanu daj pensa manguñuya, ñullanu ya' mika ura kuinda mijakaamuwa deeyu.

2 Timoteo 4:7

Iya vinguen tsanguendu mika ura' kiike' puiñuu-iyu; nuka tyuinajinaa tsaindu bain yumaa junbi tyuinajiiñuu-i' dekiyu; in ura' keranguenu pensa masmi' mangui'mujchi tsaaren jiyu.

Hebreos 12:4

matyu ñullaya naa keengue' jindu bain chaikamaba firu' kemulachi tituba de-i' peyainuuya indetyu' mitya.

Juan 16:33

Kumuinchi entsa ñullanu tsandimiya iba bulu deju' tiba bulla jutyu ura' dechusa tenñundiyu tsandimi. Entsa tusha ñulla mika taaju' chunu detsuve, tsaaren ¡bensa ityudei! Iya entsa tusha tiba firu' jumunu puiyu.

Apocalipsis 12:11

Diosnu keenguemu lala' naatalala Dyabulunu depuive; matyu Llupu Kaa Uveja tuta', ya' asa shajaakaañu' mityaa depuive. Tsenmin naa jela pubaatyu Diosa' mitya pas nendu', naa depeyaba i': Uwain ura palaave, ti' mijakaamuwa de' mitya bain, juntsan mityaa depuive.

1 Timoteo 6:12

Diosnu keenguen chun mityaa vinguikeñunguen chude, tsejtu naa-uwanuba Diosba ura' chunuu jumunaa ñuchin juu tire', kai'mujchi puitekeñuu kityude, matyu tsanguenaa ñunu Dios mikañu' mitya, tsenmin juntsa' mityaa ñu pure' chachilla' ajuusha uwain Jesúsya Dioschi Mi'ke' Kayamuve ti' narati pamuwa' mitya.

Colosenses 1:29

Tsa' mitya entsa taawashaa i bain kentsuyu Cristo inu naake dera kuñu bain, naake kikaantsuñu bain in pudengama tsanguendu.

Filipenses 1:13

Iya entsai' peesu viñaa kumuinchi romano uñi' yasha washnamu suutadula bain, naa kayu veela bain demijave, naa iya Cristo' mityaa tsaintsuñuba.

Colosenses 2:1

Naa iya ñulla' mitya bain, naa Laodicea pebulunu keranguemula' mitya bain, naa veela inu kerajtu chachilla' mitya bain tsamantsangue dera' kentsuñuba demijasa tenve.

Hebreos 12:1

Lala ura' mideeyu juntsa pure' chachilla uwain tsaave tya' keenguemula, naa tituba de-i' taaju kes jinduba, Diosnun keengues jintsumuwa deeñuba. Tsa' mitya laa bain tyee lalanu bulla kikeñungue' jeke ujcha lawaawaake' tsaa tanamuñuba, juntsanu demangasha' pukeñungue', daran nemula juuñuu dyatyumujchi ajkesha jisai.