Apocalipsis 19:8 - Diosa' kiika; Génesis Éxodo y El Nuevo Testamento

⁸ fibaba naraa ura linu jali tiba mayijtu pi'kelaa panaa chunave, tiidetiwa. (Matyu ura linu jaliya Diosa' chachilla' ura' kiidekiñu jumu ke' keewarave.)

Apocalipsis 19:8 ပူးပေါင်းရင်းမြစ်များ

Apocalipsis 3:18

Tsa' mitya uwain taruku tiyanu tenmalaya, ñichi nara tiwara uru inu ati'kadei. Tsenmin jali panajtu de' mitya, fiba jali bain inu ati'kadei ñulla' bulunu dishkaanu, tsejtaa ma yujpeyaa nen jutyu. Naa ñulla' kapukanu pu' ura' mandinu pi bain inu ati'kadei.

Romanos 13:14

Tsa jutyu' Bale Ruku Jesucristo naajuñuba juntsai tiyañu-i', ñullanu firu' kekaamu pensa tyee kesa tyañuba juntsaaya ke' sundyanu tyatyudei.

Marcos 9:3

Ya' jaliya pajta lu'puñu chakala' ken tsangue' fibaba tene iimi, tsaitu entsa tushaya muba naamika manbipu' bain, tsangue fiba' tiwaan jutyui fiba' tiyami.

Mateo 22:12

tsandimi: Ruku, ¿naa itaa fandangu neneinu jali panajtuba ñu engu vijatu iyu? timi. Tsandiñu, jaiba pakai'mi.

Apocalipsis 15:4

¿Maa ñunu jeetyatyuba juchudeenga, Bale Ruku? ¿Maa ñunu tsamantsa ura rukuve ti'chu deenga? Matyu ñuren main Dios juuve; naaju chachillaba ñu' ajuusha deja' aawa kure' keewaanu dejuve, naake kavitu kenu ju' bain ñu yumaa ke' keewaañu' mitya, tiidetiwa.

Hechos 1:10

Tsejtu junu Jesús kai'sha naa-i maluntsuñuba deke'laanaren, pai ruku fiba jali panaa tene katawatu,

Lucas 24:4

Tsejtu yala wapananchin naaken tsandyantsula. Tsaintsuren pai ruku jali pi'juruu tene yaiba kalen uyuna katala.

Romanos 3:22

Diosya munu bain Jesucristonu dekeenguiñaa yachi ura' kemu kuranuu detiremuve,

Mateo 17:2

Tsejtu yala keedenaren Jesús vera' tiyanchi iimi. Ya' kajuuya pajta tsangue pi'kenmala, ya' jaliya pajta lu'puñu chakala' ken tsangue' fibaba tene iimi.

Apocalipsis 15:6

Tsenñu Diosa' pupunanu yanu mandishpai anjee main main ma taaju puiwara tanamula, tiba mayijtu naraa linu jali, pi'kelaa tene panaa, tsenmin yala' ajpele kai'tala uru ajpeendee chuwachi tene telaa defaawa.

Apocalipsis 19:14

Tsenmala kai'sha chumu suutadula, fibabaa naraa jali, kayu ura linu jali tiba mayijtu panaaya ya' bendala fibaba kawallunu chuu deju' bendaa kendetsuwa.