Apocalipsis 10:6 - Diosa' kiika; Génesis Éxodo y El Nuevo Testamento

⁶ naa-uwanuba chumu ruku' mitya, naa selu bain kemu, naa tu bain kemu, naa lamaa bain kemu, tsenmin kumuinchi juntsalanu katawamu judeeshu juntsala bain dekemu ruku' mitya, uwain tsanguenbera kentsuyu ti' patu entsandiwa: Yumaa keekeenanu jutyuve; keenanu tinbu de-iive.

Apocalipsis 10:6 ပူးပေါင်းရင်းမြစ်များ

Apocalipsis 4:11

Bale Ruku, lala' Dios, uwain ñuya laachi tsandikayañu urave. Tsa' mitya laachi tsamantsaa keewarade, naa mu bain ñunu bale dekuresa, naa ti pudee bain ñuchi tene juusa, tiba jutyuwaanun ñaa challa judeeshu juntsa kumuinchi dekemu' mitya, tsenmin ñuren tsanguendya' keñuya entsa tusha tiba dejuñu' mitya.

Apocalipsis 16:17

Entsaba mandishpallu, tsenmin de-insha jumu anjee, ya' shullanu pumu, ishuwanu yuutsungaajiwa, tsenmalan Diosa' pupunanu kai'sha chumu yanu reila' chuchudinu chunjuusha main daran patu entsandiwa: ¡Yumaa de-i' puive! tiwa.

Apocalipsis 4:9

Tsenmala rei' chuchudinu chunjuunu chumu rukunu, matyu naa-uwanuba chunuu jumu rukunu entsa chumula tsamantsaa keeware' balengure' sunden keewaawaa deke',

Génesis 14:22

Tsenñuren Abram tsandimi: Aa kai'sha chumu Diosnu paka' uwain tsanguenbera kenu tsuyu ti', in tyaapa usake' naa selu bain, naa tu bain kemu Yavénu entsandintsuyu:

Éxodo 6:8

Tsenmin naa Abrahamnu bain, naa Isaacnu bain, naa Jacobnu bain kuwanbera kenu tsuyu tinu tusha tajinu tsuyu. Tsangue' juntsa tu ñullanu kuwanu tsuyu. Iyaa Yavéyu, tide, timi.

Éxodo 20:11

matyu iya, Yavé, mandishmain malunaa naa selu bain, naa tu bain, naa lamaa bain, tsenmin tiba katawamu judeeshu juntsala bain deketu, saaduma mandishpai malunu lekayu. Tsejtaa iya juntsa malunu yuj ura kurave ti', inchin juu tireyu.

Apocalipsis 1:18

Tsenmin iyaa naa-uwanuba chumuyu. Kaspele pemuwaayu, tsaaren challaya naa-uwanuba manbeyan jutyuu tiyayu. Tsenmin iyaa peyawaakenu ju' bain, naa peyawaan jutyu ju' bain tsanguenuu juyu, naa pemula' pupunanu tenachi juukenu llavi bain tanamu rukuyu.

Apocalipsis 4:10

naa-uwanu entsala tsa dekiñuba Diosa' chachilla' 24 bale rukula ya' ajuusha teedi' yala' uru mishmunderu kalare' tsure' naa-uwanuba chunuu jumu rukunu aawa kure' keewaatu entsa entsa detiwa:

Apocalipsis 6:11

Tsenñu entsalanu juyayaa fiba jali main main kuwatu: Jayu keenadei, chaiba ñuiba bulu keenguemula, matyu Cristo' mitya taawasha kemula, ñulla naa-i' depeñuba tsainuuren millai peyaindetyuve, tiwa.

Apocalipsis 12:12

Tsa' mitya kumuinchi selusha chumula sundyadei, tsaaren ñulla tusha chumula bain, naa lamaasha pumula bain taaju puinu detsuve, matyu Dyabulu yachi yumaa aa malu tsutyuñuba mija' mitya, ñulla' junga tsamantsa ajara vijave, tiwa.

Apocalipsis 21:6

Tsejtu bene inu entsandiwa: Yumaa tsaive. Naa peepuinsha bain iyaa jumu, naa de-insha bain iren jumuyu. Maa pi mutyañuba tu tainsha faamu naa-uwanuba chuwaamu pi ne kushkaanu tsuyu.