2 Corintios 2:1 - Diosa' kiika; Génesis Éxodo y El Nuevo Testamento

¹ Tsa' mityaa ñulla' junga kama bijee maja' kere' bain, veta' veta' llakindyainuu jumiya jan jutyu pensanguiyu,

2 Corintios 2:1 ပူးပေါင်းရင်းမြစ်များ

Hechos 11:29

Tsenñu Antioquíasha keranguemu chumula Judeasha chumu keranguemu naatalalanu tyeeba ee-eekidaa ti' pala main main naa naake kundya'ba.

Hechos 15:2

Tsenñu Pablo Bernabéba yaiba daran vinbala, tsejtu bene Pablonu bain, Bernabénu bain, tsenmin kayu veelanu bain delare' Jerusalénsha eela, jungaa naa Jesús' mitya kuinda kenu lara' eramulaba, tsenmin keranguemula' bale rukulaba bain, juntsaatala kayu ura' kuinda kenudetsu.

Hechos 15:37

Tsenñu Bernabéya, Juan tityumee Marcos tinu rukunu bain miya' jinu tyami.

1 Corintios 2:2

Tsejtu ñuiba bulu putu ne vera juubillaya tiba pensanguiiken jutyu shuwa', Jesucristonu laapu' panu tiya', kuusanu tu'vi' peyañu kuindaa kayu mijakaanu pensangue' ma tsanguiwayu.

1 Corintios 4:21

¿Ñullanu naaju juuya ja' katawañu uranu jun? ¿Matyu i aangu jatu ñullanu ajaa kenaa jasa tenguen? Tsaityumee, ¿ñullanu estya' keeware' uraaya katawasa tenguen?

1 Corintios 5:3

Tsenmala inu laapu' panmalaya naa ñulla' junga in bulu putyu' bain, in pensaya ñuiba bulu puve. Tsa' mitya iya ñulla' junga punañuna', Bale Ruku Jesús' mityaren entsa rukunu naakeñaa uranuuñuba, iya yumaa tsangue' kuipa faawaayu. Matyu ñulla dewa'dinmala i bain in pensachi ñuiba bulu punu tsuyu, naa Bale Ruku Jesús' pudee bain ñuiba bulu punu tsuve,

2 Corintios 1:23

Tsaaren iya naa-intsunu pensa'ba juntsaa indyu' kayu Corintosha majaindyumiya, ñullanu ura' kenu tenñaa tsaayu. Tsaju' i anbutintsushu juntsaa Dios inu tu'sa ti', iya maaliren paka' uwain juntsaave ti', naa Dios bain uwain iya anbutindyuñuba yaa mive tintsuyu.

2 Corintios 13:10

Iya kayu ñulla' junga jai'mujchin entsa kiika piikemiya, ñulla' junga jatu tiba urajtu juuba dekata' na'baasa ken jutyu tenñaa tsanguiyu. Bale Rukuya inu tsanguenuu tiretu, firu' deke' tituba kityumujchi, keranguemu chachillanu kayu ura' keengues jiinuuya kekaanu tiretaa tsanguive.

2 Corintios 2:4

Tsaaren iya juntsa kiika piikendu pure' pensaa ju', mika llaki jutu warendindu piikemuwaayu. Tsejturen ne juntsa kiika ñullanu piike' ere' bain ne llakinguikaakenu erendyuyu, iya naa-i estyamu'ba juntsa dekeewaanaa tsanguiyu.

Tito 3:12

Iya Artemasnu, tsa jutyu'ba, Tíquiconu ñu' junga eenmalaya, ñu bain Nicópolis pebulubi inu keenu janbera inu kide, juntsa pebulunaa shu tinbu puinu pensa juyu.