1 Pedro 2:6 - Diosa' kiika; Génesis Éxodo y El Nuevo Testamento

⁶ Matyu Diosa' Kiikanu bain entsandive: Iya Sión pebulunu ma shupuka tsurentsuyu; entsaa ura deendanamu shupuka juve, tsenmin mi'ke' kaya ju', balen meneste-imu shupuka juve. Mun yanu keenguishu juntsaa nenñu iwa tya' ne yujpeyainu dejutyuve, tive.

1 Pedro 2:6 ပူးပေါင်းရင်းမြစ်များ

1 Pedro 2:4

Cristaa chumu shupuka juuñuuve, tsaanuren ya kemu rukulaya juntsa shupuka dekepuñu bain, Dioschiya mi'ke' kaya shupuka ju', balen meneste-imu juve. Ya' junga kalen jindu

Efesios 2:20

Laapu' pañu bain, ñulla kumuinchi keranguemu chachillaya ya juuñu deenmala, Jesús' mitya kuinda kenu lara' eramula bain, naa Diosa' mitya pamu rukula bain, yalaa yatyutya juuñu deeve, tsenmala Jesucristoya yatyutyalanu tansha deendanamu shupuka juuñuuve.

Marcos 12:10

¿Ñullaa, Diosa' Kiikanu entsa pillañu lengue' kerajdetuu? Entsandive: Ya kemula' kepu shupukaa kayu deenamishtimu shupuka tiyaive.

Romanos 10:11

matyu Diosa' Kiikanuren entsandiñu' mitya: Mun yanu keenguishu juntsaa nenñu iwa tya' ne yujpeyainu dejutyuve, ti' pillave.

2 Timoteo 3:16

Diosa' Kiikaya kumuinchi yaa tsangue depiikesa tya' pensanguikare' piikekaañu jumuve, tsaju' ura' kuinda mijakaanu bain, uumi'te' ura' mandirenu bain, Dios naakesa tyañuba tsanguen chumijakaanu tirenu bain baleve,

Juan 7:38

Naatinga Diosa' Kiikanuren, Mun inu keranguemula' tenbukashaya chumishtimu piren pijulaaba pun tsananu tsuve, ti' pillashu, tsaanu juve inu keranguemulanuya, timi.

Lucas 23:35

Tsenmala chachillaya uina' ne ke-eenala, tsenñu naa bale rukula bain deke-eenatu, Jesúsnu uukapundu tsa tsandila: Veelanu livee kemu' mitya, ya bain maalin juntsai livee isa, ya uwain Dioschi Mi'ke' Kayamu, livee kemu ruku jutuya, tiitila.

Mateo 12:18

Enu entsanave inchi taawasha kemu ruku; yanaa mi'ke' kayu; yaa in estyanu chachive; ya' mityan tsamantsa sundyamu juyu. Iya yanu in Espíritu kuwanu tsuyu, tsenmala nukaba inchi tyee urañuba juntsa mijakares nenu tsuve.

2 Pedro 3:16

Tsejtu naa-uwanuba ya' piikeñu kiikatalaya entsaatala laapu' pa' piikive, tsenñu manbelatalaya li'pu' ju' aseetanguenu' jutyuñu, aseeta jutyu, kedandaa chachillaya yai tenen tsanguendya' vera' aseetangue' wainmu deeve, naa Dioschi vejan kiika pilla pumulanu bain tsaren ke' vera' wainmu deetu, tsejtu yala tsangue' vera' wainmu deetu, yai tenen juntsangue' taaju i' pullainuuya tiyandetsuve.

2 Pedro 1:20

Tsaaren ti' mityaba entsanuya tengaya judei: Kiikanu Diosa' mitya pamu rukula' palaa pilla pumulanu ne maali ñulla' pensachi naake aseetangue' pandya'ba ne tsandinuu jutyuve,

Efesios 1:4

Entsa tu kayu juba jutyunu tinbunun Diosya lalanu Cristo' mityaren mi'ke' kamuwaave, tsangue' yachin juu chachi detire', tiba mushaañuu jutyu naraaya lalanu ya' ajuusha tananu. Diosya lalanu estyamunchin,

Hechos 1:16

Keranguemu naatalala, Espíritu Santo Davidnu tsandikare' piikikaañu, Jesúsnu yala' kundaalanu wandi' kakaakishu juntsa Judas naa-inu tsuve ti' laapu' piikemuwaañuba juntsaitu ive.

Génesis 49:24

tsaanuren Joséya dera pejpe tave. Jacob' tsamantsa pude Dios kivetentsuñu, Israelnu deendanamu shupuka juuñuuchi, matyu Israelnu washkemu Dios kivetentsuñu, ya' arku denguijtyuna tanave.

Lucas 20:17

Tsenñu Jesús yalanu keetu tsandimi: Tsaashu juntsaya, Diosa' kiikanu: Ya kemula' kepu shupukaa kayu deenamishtimu shupuka tiyaive, ti' pillaashu juntsa ¿naa titundin?

1 Pedro 2:8

Tsenmin keenguityulachiya juntsa shupuka juuñuu jumunu laapu' patu entsandive Diosa' Kiikanu: Ma shupukaa tyu'lekaanu tsuve, matyu ma lanbakinaa tsujinu detsuve, tive. Yala juntsa-i' tyu'lemiya Diosa' palaanu meedityutaa tsainu detsuve, tsenmin yala juntsainuu juwaataa tsainu detsuve.