1 Corintios 5:9 - Diosa' kiika; Génesis Éxodo y El Nuevo Testamento

⁹ Kaspele ñullanu kiika erekeesu juntsanu ñullanu entsaa mu'baasa tsaimulaba buudityudei tiwayu.

1 Corintios 5:9 ပူးပေါင်းရင်းမြစ်များ

1 Corintios 5:10

Entsanditu ne vee matsaimulaba, ne tiba aa tadichi tyamulaba, ne taamulaba, ne chi dyuslanu aawa kure' keewaamulaba juuya jaiba buudityudei titundindyuwayu, matyu yaiba buudin jutyuu jumiya ñulla entsa tunu lu' ma jiitaa tsainuu dejuve.

1 Corintios 5:2

¡Tsaanuren ñullaya kayu jungajte ne dajtyan i-ideive! Ura pensanguituya llakinguinchee pure' llakinguiken chunuu dejuve. Tsenmala tsangue' chumu rukuya ñulla' kejtsapala tsaa juka'larainuuya juve.

1 Corintios 5:7

Tsa' mitya ujcha latin chunu kityudei. Matyu ujchaya tiba firu' dekikemu ju', pan pujkikaantsumi yumaa pumu llujpepe juuñuuve. Tsa' mitya ujcha latin chutyu detiyashu juntsaya, kasa chachi juuñuu demandiya' Dapulla' livee kiñu fandanguchi fifikentsumi pujkikarajtu kasa pan juuñuunu detsuve. Tsenmala Dapulla' livee kiñu fandangunu laapu' panmalaya, Cristaa Dapulla' livee kiñu fandanguchi tute' keewarentsumi llupu kaa uveja juuñuuve, yaa lala' mitya kuusanu yangara' tuta' mitya. Tsaju' ñulla fandanguchi fintsumi pujkikarajtu pan juuñuuya junu dejuve, ura patiñuya tiba anbukityu ju' uraaya kiikidei. Tsejtaa ñulla pan pujkikarentsumi yumaa pumu llujpepe juuñuu dejutyu', tiba uraaya kiikemu deju', veelanu firu' kiikemu jutyudei.

2 Corintios 6:14

Keranguityulabaya veta' veta' tiba kiiken chumu tiyanu kityudei; ñullaya yaiba ma pensaa dejutyuve. ¿Nejtaa manbarejuu junu dejun tiba ura jumu, urajtu jumuba? Tsenmin, ¿nejtaa danjuruu jumu, yapijuruu jumuba buudinuu jun?

2 Corintios 6:17

Tsenmin Bale Ruku entsa bain entsandive: Juntsa chachilla' kejtsapalaya malu' miji' baka' jiidei; Dioschi urajtu kurekaamu juulanuya jaiba ta'katyudei. Tsenmalaa iya ñullanu mika' inchi tirenu tsuyu.

Efesios 5:11

Diosnu kerajtu chachilla, dishkejtsa chun tsanamula tyee kiikemu deeñuba tsanguive'mu jutyudei; tsa jutyu', nejtaa uwain urajtu deeñuba tsa tsangue keeware' padei,

2 Tesalonicenses 3:14

Tsejtu mulaa entsa lala' piikiñu palaanu meenguityunmalaya, maa juntsañu bain keetadi', yaba buudityudei, tsejtaa yanu yujtyawaanu.

2 Tesalonicenses 3:6

Keranguemu naatalala, Bale Ruku Jesucristo' mitya ti', naaju naatalalaa tituba firu' kiiken dechu', lala yalanu naake demijakaañuba tsangue meenguen dechutyuñuba, juntsalanu baka' jiidei tindetsuyu.