1 Corintios 10:29 - Diosa' kiika; Génesis Éxodo y El Nuevo Testamento

²⁹ Entsanditu ñu' pensanu laapu' patyumujchi, veraa ti pensa kenuuñuba juntsanu laapu' pataa tsandiyu ya' tenbu' pensasha vera' tyakaan jutyu. Tsaashu juntsaa, naa iya ti ken denñuba tsanguenuu ju'ba, in mityaren veela firu' pensanguenu deenmalaya, iya yala' mityan tsa tsanguenuu jutyuyu.

1 Corintios 10:29 ပူးပေါင်းရင်းမြစ်များ

1 Corintios 9:19

Naa maali nejuu chumu chachi ju' bain, naajulachi bain taawasha kemu chachi juuñuu tiyaiyu, tsejtaa Cristonu keenguemu chachi kayu serawaanu.

2 Corintios 8:21

Tsaju' lalaya Bale Ruku' ajuushan deechu' kiiketyumujchi, naa ne chachilla' ajuusha bain tsaren deechu' katawainuuya kiikendetsuyu.

1 Corintios 10:32

Naa munu bain Diosnu keengue' jinutala tujlewaakenuuya kityudei: naa judíolanu bain, naa judío chachi jutyulanu bain, naa lala tsaa, Diosnu keranguemu chachillanu bain.

1 Tesalonicenses 5:22

Ti bain urajtu juulanuya tsanguen jutyu deju', tsaa baka' jiiñude-i' meranguityudei.

Lucas 4:18

Bale Ruku inu mi'ke' kañu' mitya, ya' Espíritu inu chuve. Juntsa Espíritu Santo inu kuwamiya lastemaa chumulanu yachi mika ura kuinda mijakaanaa tsanguive, tsenmin veelachi kaya' ji' manda-in chumulanu bain livee iwaanu, tsenmin kapuka dandajtulanu bain danguikaanu,

1 Corintios 9:1

¿Iya ti kendenñuba tsanguenu jutyuwa? ¿Jesús' mitya kuinda kenu lara' eramu ruku jutyuwa? ¿Lala' Bale Ruku Jesúsnu iya kata' kerajtuwa? ¿Iya Bale Rukuchi taawasha kes neñaa ñulla keranguemu chachi tiyamu dejutyuu?