San Lucas 9:19 - Manitanati Tuparrü

¹⁹ Arrüma namatü: —Aboma bama namatü arrücü Juan Bautista. Aboma bama maquiataca namatü arrücü Elías. Namatito aemo bama maquiataca arrücü tamanti uturuqui bama antiburrü profetarrü, naqui süborico tato.

Manityanati Tupax

¹⁹ Axɨma iñumutama: –Aboma axɨbama namatɨ axɨkɨ tyonenti Kuan Bautixhta, makiataka namatɨ axɨkɨ tyonenti Elías, makiatakaityo namatɨ axɨkɨ axɨpekukimia axɨbama profetas tɨkañe, naki sɨborikoti tato.

San Lucas 9:19 ပူးပေါင်းရင်းမြစ်များ

San Mateo 14:2

Auqui nanti ümo manuma imostorrti: —Arrti maniqui ñoñünrrü tonenti Juan Bautista. Süboricoti tato eanaqui macoiñoca. Sane nauquiche ane nüriacarrti, nauqui asamuti milagrorrü.

San Mateo 3:1

Au manio naneneca tücañe, arrti Juan Bautista cuati au manu rroense Judea, nauqui anunecati.

San Marcos 6:14

Arrti yüriaburrü Herodes ipiatenti nanaiña arrüna sane, itopiqui namanaiña macrirrtianuca toncoimia nürirrti Jesús. Arrti Herodes nanti: —Arrti Jesús, tonenti Juan Bautista, süboricoti tato eanaqui macoiñoca. Sane nauquiche ane nüriacarrti.

San Marcos 6:15

Maquiataca namatü: —Arrti maniqui ñoñünrrü Jesús tonenti profetarrü Elías. Maquiataca namatü: —Arrti naqui profetarrti isiu naca bama profetarrü tücañe, bama manitanama ito au nürirrti Tuparrü.

San Lucas 9:18

Taman nanenese arrti Jesús anancati meaboti. Aboma ichepeti bama ñanunecasarrti. Auqui ñanquitioti pünanaquimia: —¿Urama sane macrirrtianuca iñemo?

San Lucas 9:20

Auqui ñanquitioti pünanaquimia: —¿Carü arraño, aburaño iñemo? Auqui arrti Pedro nanti ümoti: —Arrücü Cristo naqui tacümanauncunu uiti Tuparrü.

San Juan 1:21

Auqui ñanquitioma tatito pünanaquiti: —¿Ñacucümo? ¿Arrücü profetarrü Elías? Aiñumuti Juan: —Champürrtü arrüñü. Así que ñanquitioma tatito pünanaquiti: —¿Taqui arrücü maniqui profetarrü, arrti maniqui sopipiate que tiene que ayetitü? Aiñumuti tatito Juan, nanti: —Champürrtü arrüñü.

San Juan 1:25

Sane nauquiche manrrü ñanquiquirrimia pünanaquiti Juan, namatü: —Arrtü chütüpü Cristocü, ni Elías pücü, ni arrtipü maniqui profetarrü, ¿causane aunimia ümo genterrü?

San Juan 7:40

Sürümanama eana manu genterrü oncoimia arrüna sane nurarrti, namatü: —Ñemanauntu te, arrti naqui ñoñünrrü tonenti maniqui profetarrü, naqui coboi oñoncoi tiene que ayeti.

San Juan 9:17

Auqui ñanquitioma tatito pünanaquiti maniqui supuso tücañe, namatü: —Así que urrian tato nasata uiti. ¿Carücü uracü sane, isane nacarrti maniqui ñoñünrrü? —¡Au nirraquionco sucanañü ta tonenti te profetarrti! —nanti maniqui supuso tücaü.