1 Corintios 14:34 - Manitanati Tuparrü

³⁴ Arrtü apiyoberabacaño, tari ometayoi ba paüca, tapü panitana. Sane bacüpucurrü ümo namanaiña bama icocoromati Jesús au nanaiñantai. Tari pacoconaun ümo bama ane nüriacarrüma ñome. Sane ito nantü icu manu corobo nüriacarrü.

Manityanati Tupax

³⁴ axtɨ apiyoberabakaño au nɨrixhti Tupax, tapɨ panityana paɨka, tyopiki ui bakɨpukux uiti Moisés chichebopɨ ñome apanitya. Tari apakokonau ɨmo axɨbama ñopikianio.

1 Corintios 14:34 ပူးပေါင်းရင်းမြစ်များ

1 Corintios 11:13

Apapensa baeta ümo arrüna sane: ¿Aensapü urria arrtü meabo paürrü, y chütaburriopü nitanurrü?

1 Corintios 11:3

Pero caüma ane quiatarrü surapoboiboñü ausucarü: Arrti Cristo ane nüriacarrti ümo bama mañoñünca. Arrübama mañoñünca ane nüriacarrüma ñome ba nicüpostorrüma. Y arrti Tuparrü ane nüriacarrti ümoti Cristo.

1 Corintios 11:5

Tapü arrüba paüca tiene que autaburri, arrtü mupeabo o arrtü panitana uiti Espíritu Santo. Arrtü chütaburriopü niñutanurrü, champü ñupanauncurrü ümo bama ñopiquianio. Abe tacanarrtü butapaquio.

1 Corintios 14:21

Ane te corobo nurarrti Tuparrü sane: Rranitaca ümo na genterrü Israel auqui quiatarrü manitacaca turuqui bama extranjerurrü. Itopiqui arrüma chirranrrüpüma acoconauma iñemo, nanti Tuparrü. Chirranrrüpüma onsaperioma nisura.

1 Corintios 14:35

Arrtü murrianrrü atusi ñome, tari panquiriora pünanaqui bama ñopiquianio tato au nioyoporrü. Itopiqui champürrtü coñotü ümo paürrü anita fuerte au reunión.

Efesios 5:33

Pero arrüna manunecatarrü valeo ito saneantai oemo: Cadati taman ameanaqui, tari cuasürü ümoti nicüpostoti tacana nicuarrti ümotiatoe. Tapü arrüna nicüpostoti, tari ane ñanauncurrü ümoti iquiana.

Colosenses 3:18

Arraño paüca apacoconaun nurria ümo bama apiquianaño. Tone arrüna urria napachücoi, itopiqui apicococatito Señor.

Tito 2:5

Tapü causaneantai niñupapensacarrü. Tapü opisamute isiu niñurrancarrü iyo arrüba chomirriampü. Tari opipiaca nurria apicoñoco niyoporrü. Tari buenurrio, y tari pacoconaunrrü ümo yacüpucurrüma bama ñopiquianio. Arrtü opisamute sane, bien urria, sane tapü aboma bama manitanama churriampü ümo nurarrti Tuparrü.