Marcos 7:34 - Dios Chani

³⁴ Jaquirëquë nai qui tsayapama tsi quiha ja ëësiniquë. Jatsi, —Papëquëhuë ra —i ja qui Jesu niquë.

Marcos 7:34 ပူးပေါင်းရင်းမြစ်များ

Marcos 1:41

Jatsi quiha Jesu cohuënaniquë tsayahax na. Noitiria ca joni ja ini quiha. Jatsi Jesú joni motsaniquë. Motsahax, —Acasquia ra. Bahuëhacahuë —i ja qui Jesu niquë.

Marcos 15:34

Jarohapa tsi a las tres quiha joi pistiamá tsi Jesú quënaniquë: —Eloi, Eloi, ¿lama sabactani?, naa “¿Jënixo tsi ëa mi jisbëriaha rë, noho Diós, noho Diós?” —i ja niquë.

Marcos 5:41

Jatsi jahini mëquë Jesú biniquë. Bichi tsi, —Talita, cumi, naa joihuë caí, iquia —i jahi pistia qui Jesu niquë.

Marcos 6:41

Tsahomaxo tsi quiha cinco ca mapari, dos ca sanino, tihi cabo Jesú biniquë. Bichi tsi quiha mana nai qui tsayahax tsi “Gracias” i Dios qui ja niquë piti quëshpi na. Jatsi mapari bo ja tëxënamaniquë. Tëxënamaxo jahuë rabëti bo qui ja aniquë nohiria bo taati. Jaquirëquë sani ja tëxënamaniquë nohiria bo taaxëna.

Marcos 7:35

Jatsi nicatapiniquë joni. Bëro tsi quiha ja chaniniquë ra. Jënima quiha jahuë pahoqui, jahuë jana, tihi cabo iniquë.

Marcos 8:12

Jato qui yosanahi tsi quiha jato qui Jesu nëcaniquë: —Jistí-naxëni xo mato pë. Mato bax ayamaxëquia ra —iquiina.

Lucas 18:42

—Taishuë. E qui mi chitimihai cató tsi mi jënimahuahacaquë ra —i ja qui Jesu niquë.

Lucas 19:41

Jerusalén basimapama tsi aratsi Jesu niquë jisish na.

Lucas 7:14

Jatsi quiha joni nanëhacani ca caja qui Jesu caniquë. Cahax caja ja motsaniquë. Jatsi niiniquë caja iahai ca joni bo. Jatsi, —Bësohuë, shinapayó —i Jesu niquë.

Juan 11:33

Araconaniquë María rë. Ara-araniquë ja bëta bëcanish ca jodiobo ri. Jaha tsi Jesu cohuërianiquë.

Juan 11:35

Jatsi aratsi Jesu niquë jaa ri.

Juan 11:38

Cohuëriahax Lázaro mai qui Jesu caniquë. Jabi macaná ca quiní tsi ja maihuahacani quiha. Jasca, jahuë maiquini qui maxax chahitaxëni tarahacani quiha japati.

Juan 11:41

Jatsi nohiria bá bahama maxax taraniquë. Jatsi nai qui Jesú tsayahaca tsi jahuë Jahëpa qui ja chaniniquë: —Ea nicaqui mia, noho Jahëpá. Ja quëshpi tsi “Gracias” iquia.

Juan 11:43

Jatsi Jesú quënaniquë: —Huajahuë, Lazaró —iquiina.

Juan 17:1

Jatsi quiha nai Jesú tsayaniquë bëhoxhi na. Tsayahax, —Tsëquëquë ë rësoti xabaca rë, Jahëpá —i Jahëpa Dios qui ja niquë—. Mi Baquë xo ëa ra. Noho oquë jismahuë, mi oquë ë jismano ëa ri.

Hechos 9:34

Jatsi quiha Pedro ja qui chaniniquë: —Mia jënimahuahi quiha Jesucristo, Eneás. Joihuë. Mi oxati shomahuahuë —i ja qui ja niquë.

Hechos 9:40

Naquëtë qui jicoxo tsi quiha Pedró nohiria bo raaniquë cacha. Raahax ja mëniniquë bëhox-xëna. Bëhoxhax tsi quiha bësoyama ca yoxa quiri ja bësoniquë. —Tsahohuë, Tabitá —i ja qui ja niquë. Jatsi quiha ja bëpëquëniquë. Pedro jisi tsi quiha ja tsahoniquë.

Hebreos 4:15

Jabi oquë-oquëria ca tsi xo naa noba arati ibo ra. Noba chamayama ca jabi cahëriahi quiha. Jasca, jatiroha ca quiniá tsi ja tanamahacaniquë, noqui jascaria. Jama, ja jochayamaniquë ja tanamahacaniquë no.