Marcos 5:34 - Dios Chani

³⁴ Jatsi Jesu ja qui chaniniquë: —Mi jënimahuahacaquë cai, mi chitimihai ca iqui na. Bëpasi tsi cata. Jaboqui jënima xo mia —iquiina.

Marcos 5:34 ပူးပေါင်းရင်းမြစ်များ

Mateo 9:2

Yaca qui ja cahëcaquë tsi quiha ja qui toá ca nohiria bá mohiyama ca joni bëniquë, jahuë oxatí no. Jabi Jesu qui ja chitimiriacani quiha. Ja chitimicanai jisi tsi quiha mohitimaxëni ca qui Jesu chaniniquë: —Chamahuë baquë́. Masahacaquë mi jocha ra —iquiina.

Mateo 9:22

Jatsi Jesu bopinaniquë. Bopinaxo tsi quiha yoxa ja jisniquë. Jisi tsi, —Chamahuë, noho jahiní. Mi chitimihai ca iqui tsi mi jënimahuahacaquë ra —i ja qui Jesu niquë. Jënimatapiniquë yoxa ra.

Marcos 10:52

Jatsi, —Cata. E qui mi chitimihai iqui tsi taisqui mia iquia —i ja qui Jesu niquë. Jatsi taistapiniquë joni. Bahí tsi Jesu ja banahuaniquë jaa ri.

Marcos 3:10

Jabi huëstima ca ja jënimahuaniquë toa barí no. Ja tsi xo toa ja qui nohiria quëtsoni quiha Jesu motsaxëna.

Marcos 5:29

Jatsi tocapijaniquë. Bismatapiniquë ja jimihaina ra.

Marcos 5:33

Jatsi raquëtsi yoxa niquë. Ja jënimahuahacaha ca ja cahëni quiha. Japi mëmë tsi Jesu qui ja joniquë. Johax Jesu tahë tsi quiha ja mëniniquë. Ja jënimahuahacaha ca ja yoaniquë, parayamaquí na.

Lucas 17:19

Jatsi bacanish ca qui Jesu chaniniquë: —Joihuë. Cata. Mi chahahuahai cató mi jënimahuahacaquë ra —iquiina.

Lucas 18:42

—Taishuë. E qui mi chitimihai cató tsi mi jënimahuahacaquë ra —i ja qui Jesu niquë.

Lucas 7:50

Jatsi quiha yoxa qui Jesu chaniniquë: —Mi xabahamahacaquë ra, mi chitimihai cató no. Bëpasi tsi cata —iquiina.

Lucas 8:48

Jatsi, —Mi jënimahuahacaquë caí, mi chitimiha ca quëshpi na. Bëpasi cata —i ja qui Jesu niquë.

Hechos 14:9

Toa xo tsi Dios Chani Pabló yoaquë tsi quiha jato chani naa joní nicaniquë. Nicaxo tsi quiha ja chahahuaniquë. Jatsi jënimahuahacati chahahuati mëtsa ja ini ca Pabló jisniquë. Jisi tsi quiha

Hechos 15:33

Ichariama bari no tsi ja chitëcani quiha. Jatsi jia tsi jahari Jerusalén qui ja raahacacani quiha.

Hechos 16:36

Jatsi Pablo qui preso obëso ca chaniniquë: —Joquë chani ra. Ma paquëmahacaxëti xo ii quiha yacatá ca chama bo. Jia tsi bocahuë —iquiina.