Marcos 5:31 - Dios Chani

³¹ Jatsi jahuë rabëti bá quëbiniquë: —Tsayahuë. Anomaria tsi xo toa nohiriá mia tijihacanaina. ¿Jëniriahax raca, “¿Tsohuë ëa motsaha?” i mi a pa? —iquiina.

Marcos 5:31 ပူးပေါင်းရင်းမြစ်များ

Lucas 8:45

Jatsi quiha, —¿Tsohuë ëa motsaha? —i Jesu niquë. —Yama tsi xo toa mia motsahaina ra —i quiha nohiria bo niquë. Jatsi pasi quiha nohiria bo iniquë. Jatsi, —Tsayahuë. Mi qui quëtsocani quiha nohiria bo ra, Maestró. Mia tijihacani quiha. ¿Jënahuariahax “¿Tsohuë ëa motsaha?” i mi na ra? —i Jesu qui Pedro niquë.

Lucas 9:12

Jaquirëquë yata tsi quiha ja qui jahuë rabëti bo bëcaniquë. Caquë quiha bari. Bëhax tsi jahuë rabëti bo ja qui chaniniquë: —Basima ca yaca bo, huai bo, tihi cabo qui nohiria raatsana. Oxati bo, piti, tihi cabo ja bicano ra. Yama tsi xo nëá ca racati ra —i Jesu qui jaca ni quiha.

Marcos 5:24

Jatsi Jairo ya Jesu caniquë. Banahuaniquë nohiria misco ri, ja qui quëtsocanaina.

Marcos 5:30

Jarohari tsi quiha jahuë chama natsëquëha ca Jesú cahëtapiniquë. Nohiria naxërëquë bopinaxo tsi quiha ja nicaniquë: —¿Tsohuë noho sahuëti motsaha? —iquiina.

Marcos 5:32

Jama, motsahax ca jari Jesú mëraniquë, nohiria tsayaquí na.