Lucas 9:42 - Dios Chani

⁴² Jatsi baquë basimano tsi yoshiní mai qui baquë nianiquë. Caxo ja amahacani quiha. Jatsi yoshi Jesú raahaniquë. Raahaxo tsi quiha ja jënimahuaniquë. Jaquirëquë jahuë jahëpa qui jahari ja aniquë.

Lucas 9:42 ပူးပေါင်းရင်းမြစ်များ

Marcos 9:20

Jatsi Jesu qui jahuë baquë ja bëcaniquë. Jatsi pë Jesu jisi tsi quiha yoshiní baquë caxo amaniquë. Paquëniquë baquë. Maí tsi ja robi-robiniquë, ja bacoxhaina.

Lucas 7:15

Jatsi quiha bësoyama ca joni tsahoniquë pa. Ja chanitapiniquë. Jatsi quiha jahuë jahëhua qui jahari baquë Jesú aniquë.

Lucas 9:39

Noho baquë qui yoshini tsamihaca tsi sai-saihitapihi quiha noho baquë rë. Jatsi noho baquë caxo amahi quiha. Jatsi bacoxhi quiha rë. Natohuahi quiha. Natohuaxo tsi jisbayahi quiha ra.

Lucas 9:41

Jatsi Jesú quëbiniquë: —Chitimitimaxëni ca yosaxëni ca nohiria xo mato pë. ¿Jahuë tihi tsi mato tënëxëhi ni ëa pë? Mi baquë nëri bëhuë —nëa tsi Jesu nëcaniquë.

Lucas 9:43

Jatsi Dios chama-chamaria qui nohiria tëquë ratëyoniquë tsayahax na. Jari Jesú ani ca yoati tsi nohiria chaninano tsi quiha jahuë rabëti bo qui Jesu chaniniquë:

Juan 6:19

Pabasi huaaxaxo tsi quiha ianë́ ca tsi Jesu cohai ja jiscaniquë. Jato noti qui basimahi ja ini quiha. Jatsi quiha ja raquëcaniquë.

Hechos 9:41

Jatsi Pedró mëhachahaca tsi ja nimaniquë. Jatsi toá ca mani ca chahahuacanaibo, bënë imanish ca yoxa bo, tihi cabo ja quënaniquë. Quënahax, —Nëá xo mato Tabita ra. Bëso xo ra —i jato qui ja niquë.

Apocalipsis 12:12

Jaha tsi raniyocana, mato naipá ca raca cabá. Jama, cohuënacana mato mai, iahua, tihi cabá tsi raca cabá. Mato qui botëquë Satanás ra. Jaboqui caxaxëniria xo, jatiti basima jahuë xaba nori iqui na. Toa cahëhi quiha ra —nëa tsi naipá ca joi nëcaquë.