Lucas 8:54 - Dios Chani

⁵⁴ Jatsi xotaco mëquë Jesú biniquë. Bichi tsi, —Bësohuë, caí —i ja qui ja niquë.

Lucas 8:54 ပူးပေါင်းရင်းမြစ်များ

Mateo 9:25

Jatsi quiha cacha nohiria Jesú raaniquë. Raahax naquëtë qui ja jiconiquë. Jatsi jahi pistia mëquë ja biniquë. Joitapiniquë jahuë jahi ra.

Marcos 1:31

Jatsi jisi Jesu caniquë. Caxo tsi quiha jahuë mëquë ja biniquë joimaxëna. Jatsi janacatapiniquë jahuë iquini ra. Joixo oriquiti taatsijahuaniquë pa.

Marcos 8:23

Jatsi yaca cacha Jesú joni mëpiniquë. Mëpixo tsi quiha jahuë bëro qui Jesu coshohaniquë. Jatsi jahuë mëquë jahá janaxo Jesú nicaniquë: —¿Jahuë tsayahai? —iquiina.

Marcos 9:27

Jatsi pë Jesú jahuë mëquë achaniquë. Achaxo tsi quiha baquë ja joimaniquë. Niiniquë baquë ra. Jënima quiha ja iniquë ra.

Lucas 8:51

Jatsi xobo qui ja cahëniquë. Cahëhax, —Nohiria ë bëta jicoyamano —i ja niquë. Jatsi quiha Pedro, Juan, Jacobo, jahini jahëpa, jahuë jahëhua, tihi cabo roha Jesu ya jiconiquë.

Lucas 8:53

—Arayamacana. Bëso xo ra. Oxa roha —i jato qui Jesu niquë. Jatsi quiha nohiria bá osaniquë, ja rësoni nori ja cahëcani quëshpi na.

Lucas 8:55

Jatsi ja bësotëquëniquë. Ja niitapiniquë. Jatsi quiha, —Pimahuë —i jahuë nabo qui ja niquë.

Juan 11:43

Jatsi Jesú quënaniquë: —Huajahuë, Lazaró —iquiina.

Juan 5:21

Jasca, noho Jahëpá bësoyama cabo bësomahai jascaria tsi ë qui jia cabo bësomaxëquia ëa ri.

Hechos 9:40

Naquëtë qui jicoxo tsi quiha Pedró nohiria bo raaniquë cacha. Raahax ja mëniniquë bëhox-xëna. Bëhoxhax tsi quiha bësoyama ca yoxa quiri ja bësoniquë. —Tsahohuë, Tabitá —i ja qui ja niquë. Jatsi quiha ja bëpëquëniquë. Pedro jisi tsi quiha ja tsahoniquë.

Romanos 4:17

Jabi ¿tocayamayamahi ni Quënëhacanish cabo ra? naa “Huëstima ca nohiria ba jahëpa mia manëmaquia” i Abraham qui Dios nina. Parayamaniquë Dios. Jabi Dios, naa rësonish cabo Bësomahai ca Dios Chani qui Abraham chitimiyoini quiha. Jahuë Chaní tsi jatiroha ca nëhohuanish ca Dios tsi xo naa.