Lucas 8:29 - Dios Chani

²⁹ Jabi nëca tsi quiha ja chaniniquë, “Ja quima tsëquëcahuë” i yoshi bo qui Jesu ni nori quëshpi na. Jabi huëstima tsi quiha yoshi bá naa joni qui tsaminiquë rë. Jatsi jahuë yoshi iqui tsi quiha nohiria bá jahuë mëquë bo, jahuë tahë bo, tihi cabo nëxapaoni quiha mëchichó no, ja paxayamano iquish na. Jama, mëchicho ja tësapaoni quiha. Jasca, xabaca, nihi, tihi cabo qui ja jabapaoni quiha yoshi iqui na.

Lucas 8:29 ပူးပေါင်းရင်းမြစ်များ

Marcos 5:8

Jabi toca tsi quiha ja chaniniquë Jesú yoaha iqui na, —Naa joni quima natsëquëhuë ra —i ja qui ja ni quëshpi na.

Lucas 8:28

Jatsi Jesu tsayahax ja sainiquë. Saihax ja bësojó tsi ja mëniniquë. Jatsi, —Ea huënahuayamahuë Jesú, mana ca Dios Baquë́. Ea tënëmayamahuë iquia —i Jesu qui joni niquë joi pistiamá no.

Lucas 8:30

Jatsi quiha, —¿Jahuë ni mi janë ra? —i toa joni qui Jesu niquë. —Seis Mil —i quiha joni niquë, huëstima ca yoshi ja qui jiconi nori iqui na.

Lucas 9:39

Noho baquë qui yoshini tsamihaca tsi sai-saihitapihi quiha noho baquë rë. Jatsi noho baquë caxo amahi quiha. Jatsi bacoxhi quiha rë. Natohuahi quiha. Natohuaxo tsi jisbayahi quiha ra.

Lucas 9:42

Jatsi baquë basimano tsi yoshiní mai qui baquë nianiquë. Caxo ja amahacani quiha. Jatsi yoshi Jesú raahaniquë. Raahaxo tsi quiha ja jënimahuaniquë. Jaquirëquë jahuë jahëpa qui jahari ja aniquë.