Lucas 6:8 - Dios Chani

⁸ Jama, ja shinacanai ca Jesú cahëni quiha. Jaha tsi mëquë choni jayanish ca joni qui ja chaniniquë: —Niihuë. Nëri johuë —iquiina. Jatsi joni joiniquë. Joihax toá tsi ja niiniquë.

Lucas 6:8 ပူးပေါင်းရင်းမြစ်များ

Mateo 9:4

Jama, ja shinacanai ca jahuë bo Jesú cahëniquë. Cahëhax jato qui ja nëcaniquë:

Marcos 3:3

Jatsi mëquë choni jayanish ca joni qui Jesu chaniniquë: —Niihuë. Nëri johuë —iquiina.

Lucas 13:12

Jisi tsi Jesú quënaniquë: —Mi jënimahuahacaquë, caí —iquiina.

Lucas 5:22

Jama, ja shinabëquicanai ca jahuë bo Jesú cahëniquë. Cahëhax, —¿Jëniriahax toca tsi shinacanai pa?

Lucas 6:9

Jatsi quiha fariseobo, yoba tiisimacanaibo, tihi cabo qui Jesu chaniniquë: —¿Yoi ni, jia ni, naa joiti barí tsi jia ca acaina? ¿Yoi ca axëhi ni noa? ¿Naa joni mëbixëhi ni noa? ¿Mëbiyamaxëhi ni noa? —i jato qui ja ni quiha.

Juan 2:25

Jabi nohiria bá shinahai ca tëquë ja cahëyoini quiha.

Juan 21:17

Jatsi quiha Jesú Pedro nicatëquëniquë pa: —¿Ea noiyoihai, Jonás baquë Pedró? —iquiina. Jatsi Pedro cohuëniquë, tres tsi “¿Ea noihai?” i Jesu ni iqui na. —Jatiroha ca cahëqui mia, noho Ibobá. Mia noiyoiquia. Toa cahëqui mia ra —i Jesu qui Pedro niquë. Jatsi quiha, —Noho oveja bo tiisimana —i ja qui Jesu niquë—.

Juan 9:4

Jatsi ëa raanish cato yonoco ë ati xo. Dios bax yonocoti xaba tsi xo naa ra. Joxëhi quiha baquicha. Ja jono tsi yama tsi xo toa Dios bax ë yonocoxëhaina.

Hechos 20:24

Jatsi ë qui iriama tsi xo toa preso qui ë nanëhacaxëhaina. Raquëyamaquia. E qui Jesucristó ani ca yonoco ë jatihuati xo ra, naa nohiria bo Dios noihai ca Chani yoahaina.

Hechos 26:26

Jasca, ë yoaha ca cahëhi quiha rey Agripa ri. ¿Jabija ma ni, rey Agripá? Naa jahuë bo tëquë cahëriaqui mia ra. Bëro tsi nohiria bësojó tsi tocani quiha naa jatiroha cabo.

Filipenses 1:28

Tocapihi tsi mato pasomaha cabo qui raquëyamaxëqui mato ra. Jatsi jato qui ma raquëyamahai ca jisí tsi “Jishopë” icaxëcani quiha. Jasca, raquëyamapimano tsi bëbohacati ó pasocaxëcani quiha ra. Tocaxëqui ra, Diós mato mëbihai iqui na.

Hebreos 4:13

Jabi Dios qui bëroria tsi xo toa nëhohuahacanish cabo tëquë. Yama tsi xo toa ja qui jonë cato ra. Jatiroha ca nais-hi quiha. Jasca, huësti barí tsi jatiroha ca no aca ca ja qui yoaxëqui noa ra.

1 Pedro 4:1

Shinaparicana. Anomaria Cristó tënëhai iniquë ra. Ja iqui tsi ja shinani jascaria tsi ma shinaxëti xo mato ri iquia. Jabi jocha chama quima paxaha nori quiha toa tënëhai cato ra.

Apocalipsis 2:23

Jasca, jahuë xocobo, naa jahuë yoba nicacanaibo quëyoxëquia ra. Tocahëno tsi ëa cahëyoicaxëcani quiha jatiroha ca iglesiá ca chahahuacanaibo. Jatsi nohiria bá shinahai ca tëquë naispihai ca ë nori ca cahëcaxëcaqui. Jatiroha ca nohiria bo copixëquia ra, ja acanai ca quëshpi na.