Lucas 6:11 - Dios Chani

¹¹ Jatsi quiha Jesu qui fariseobo, yoba tiisimacanaibo, tihi cabo caxarianiquë, joiti barí tsi toa joni ja jënimahuani iqui na. Jatsi chaninatsijacaniquë: —¿Jënahuariaxëhi ni noa sa Jesu qui? —iquiina.

Lucas 6:11 ပူးပေါင်းရင်းမြစ်များ

Mateo 16:7

Jatsi jato xërëquë tsi chaninatsijacaniquë: —Toca tsi chanihi quiha pë, mapari no shina-bënoha iqui na —iquiina.

Mateo 21:45

Jesu chani nicaxo tsi jato yoati tsi ja chanini nori jodioba chama bá cahëniquë.

Lucas 4:28

Jatsi Jesu qui caxarianiquë toa catiti xobó ca nohiria tëquë jahuë chani nicahax na.

Lucas 6:10

Bëro boho-bohoquí tsi quiha jato Jesú jisniquë. Jatsi, —Mi mëquë mëstëhuana —i joni qui ja niquë. Jahuë mëquë ja mëstëhuajahuaquë tsi quiha ja jënimahuahacaniquë.

Lucas 6:12

Jaquirëquë quiha maca bo qui Jesu caniquë bëhoxhi na. Toa xo tsi quiha baquicha ja raaniquë Dios qui bëhoxquí na.

Juan 11:47

Jatsi arati ibo ba chama bo, fariseobo, tihi cabo jato jodioba chama bá quënaniquë, jato bëta chaninaxëna. —¿Jënahuariaxëhi ni noa rë? Jisti yoi bo aqui quiha naa joni ra.

Juan 7:1

Jaquirëquë quiha Galileá tsi Jesu chitëniquë. Jodioba mai qui jiconoma ja ini quiha, jodiobá acasni iqui na.

Hechos 26:11

Toatiyá tsi quiha ë co-copaoniquë, noba catiti xobó ca chahahuacanaibo mërahi na. Jato ë copicasni quiha. Jasca, Jesucristo quima jato ë casomacasniquë pë. Caxaxëniria ë i-ipaoni quiha toatiyá no. Caxahax carayanaba mai qui jato ë chibaniquë jato achacasquí na.

Hechos 4:15

Jatsi quiha naquëtë cacha jato ja raacaniquë jamëhax chaninaxëna. Raahax,

Hechos 4:19

Jama, Pedro, Juan, tihi cabá quëbiniquë: —Shinaparicana. ¿Tsohuë nicayoixëhi ni noa ra? ¿Mato ni? ¿Dios ni?

Hechos 5:33

Jatsi quiha catinish ca yosibo caxa-caxaniquë ja yoacani ca nicahax na. Itsisnaniquë jato shinana ra. Jato ja acascani quiha.

Hechos 7:54

Esteban chani nicapama tsi quiha itsisnarianiquë jato shinana. Caxaxëniria ja icani quiha ra. Esteban qui anomaria ini quiha ja caxacanaina.

2 Timoteo 3:9

Jaha bësopa. Jatiti basima tsi xo toa ja tocacanaina. Bërohuahacaxëhi quiha ja yoyocanaina iquia, naa Janes, Jambres, tihi caba yoyo nohiria bá jisni jascaria.