Lucas 3:14 - Dios Chani

¹⁴ Jatsi soldado bá nicaniquë: —¿Jënahuaxëhi ni noa ra? —iquiina. Jato ja quëbiniquë: —Nohiria roayamacana parata bixëna. Mato sueldo quëshpi tsi ranicana —iquiina.

Lucas 3:14 ပူးပေါင်းရင်းမြစ်များ

Mateo 8:5

Jaquirëquë quiha Capernaúm ca yaca qui Jesu jiconiquë. Ja jicoquë tsi quiha ja qui caniquë romanoba capitán. Caxo tsi quiha Jesu ja bënarianiquë:

Lucas 19:8

Jatsi Zaqueo niiniquë. Niihax, —Jisa, Ibobá. Noitiria cabo qui noho jahuë mishni bo bëquëx ca axëquia ra. Huëstima cabo ë paraniquë rë, jato parata bichi na. Jaboqui cuatro veces huino jahari jato copixëquia ra —i Zaqueo niquë.

Lucas 3:10

Jatsi, —¿Jënahuaxëhi ni noa ra? —i Juan qui nohiria niquë.

Lucas 3:13

Jatsi, —Gobierno qui nohiriá mëati ca parata roha bicana. Huino ca biyamacahuë —i jato qui Juan niquë.

Hechos 10:7

Jatsi quiha ja qui chaninish ca angél jisbayaniquë. Jisbayajahuaquë tsi quiha dos ca yonati bo, huësti ca soldado, naa Dios qui arahai cato, tihi cabo ja quënaniquë, Pedro qui ja bocano.

Filipenses 2:15

Toca ca jabi jia ca pi jayahi tsi Dios xocobo yoi bo, naa quësohacatimaxëni ca mëstëxëni ca xocobo ixëqui mato ra. Tocaxëqui mato, janyama ca jochahuaxëniria ca maí ca nohiria bo xërëquë tsi ma bësoquë no. Jato xërëquë tsi huahuahai ca huishti bo jascaria ixëqui mato.

Filipenses 4:11

Mato parayamaquia. Ea ma mëbicatsai ca iqui tsi rani-raniquia, ë qui ma raani ca parata quëshpi tsi ja nomari. Naama tsi quiha jatiroha ca xabacá tsi raniti ë jabiniquë ra.

Tito 2:3

Jasca yoxa yosibo ri. Jia tsi jato ri mi yobano: Dios quinia ó tsi ja bësoti ca xo. Ranimisxëni ca jënë́-naxëni ca ja itima ca xo. Jasca, jabi jia ca ja tiisimati ca xo ja acai cató no.

Apocalipsis 12:10

Jatsi naipá ca joi-joiria ë nicaquë: —Tsëquëquë Dios bëboti xabaca ra. Jahuë chama ja jismaquë. Jasca, yonahi quiha jahuë Cristo ri. Mai qui niahacaquë noba xatë bo qui quësomisxëni cato ra, naa barihani, baquicha, tihi cató tsi Dios bësojo ax tsi jato qui quësohai cato.