Lucas 19:44 - Dios Chani

⁴⁴ Jasca, mato yacata panë, mato xobo bo, tihi cabo potascaxëcani quiha rë. Jasca, mato ri quëyocaxëcani quiha rë. Matsamí, matsamí niiyamaxëhi quiha mato yacata panë maxax bo ra. Mai qui niahacayocaxëcani quiha jato tëquë, Dios xabahamati quinia ma niani iqui na —nëa tsi Jesu nëcaniquë Jerusalén ca nohiria yoati na.

Lucas 19:44 ပူးပေါင်းရင်းမြစ်များ

Mateo 24:2

Tsayapama tsi jato qui Jesú chaniniquë: —Jia tsi xo naa ma tsayacanaina. Mato parayamaquia. Potas-hacaxëhi quiha naa arati xobo bo tëquë ra. Matsami matsami niiyamaxëhi quiha jahuë maxax bo; huësti ca yama nomari —i Jesu niquë.

Marcos 13:2

Jatsi quiha Jesú quëbiniquë: —Jabija. Naa xobo tsayacahuë. Jaboqui nii xo. Jama, potas-hacaxëhi quiha naa arati xobo tëquë iquia. Matsami matsami niiyamaxëhi quiha huësti ca maxaxa ra —i Jesu niquë.

Lucas 1:68

—Oquë xo Ibo, Israél caba Dios. Jahuë nohiria mëbihi ja joquë ra, jocha quima noqui paquëmaxëna.

Lucas 1:78

Toca tsi ahi quiha Dios, noqui noiquí na. Ja quëshpi tsi mana ca Huëa nori ca noqui raaxëhi quiha,

Lucas 19:42

Arahax ja nëcani quiha: —Jishopë. Dios xabahamati quinia cahëyamayoiqui mato rë. ¿Jënahuariaxo mato ë cahëmana rë? Mato qui jonë xo rë.

Lucas 21:6

Jatsi Jesu jato qui chaniniquë: —Tsëquëxëhi quiha xabaca ra, naa ma tsayahai ca potas-hacaxëquë no. Poxahacaxëhi quiha jahuë maxax bo tëquë. Yamaxëhi quiha matsami matsami niihai ca maxax bo iquia ra —iquiina.

1 Pedro 2:12

Jasca, chahahuayamacanaibo ya racanabëquiquí tsi jabi jia ca jayacana. Jatsi mato pi ja ocahuacano tsi jato qui bëroriaxëhi quiha jia ca ma acana ra. Jasca, Cristo jono tsi ma acai ca quëshpi tsi Dios qui “Gracias” icaxëcani quiha jato ri ra toa barí no.