Lucas 17:14 - Dios Chani

¹⁴ Jatsi Jesú jato jisniquë. Jisi tsi quiha, —Arati ibo bo qui bocata. Jato qui mato yora bo jismacana —i jato qui ja niquë. Capama tsi quiha ja jënimahuahacaniquë.

Lucas 17:14 ပူးပေါင်းရင်းမြစ်များ

Mateo 3:15

Jatsi Jesú quëbiniquë: —Jaboqui ëa mi ashimano. Nëca ca quiniá tsi jaha Dios quëëhai ca jatihuaxëqui noa —i Jesu niquë Juan qui. Jatsi Juán Jesu ashimaniquë.

Lucas 5:14

Jatsi joni Jesú yobaniquë: —Jënipimiha ca huëtsa bo yoayamaxëhuë. Bamaxoma tsi arati ibo qui mimë jismata. Moisés yoani ca jahuë ja qui ahuë tëpasti, naa mi bahuëxëhai ca quëshpi na. Tocapimino tsi jënima mi nori ca cahëcaxëcani quiha nohiria bo.

Juan 11:10

Jama, Dios bax noho yonocoti xaba jatiquë tsi ë qui tsamixëhi quiha ë qui caxacanaibo —nëa tsi Jesu nëcaniquë.

Juan 2:5

Jama, toá ca yonati bo qui jahuë jahëhua chaniniquë: —Mato ja yoahai ca acahuë —iquiina.

Juan 9:7

Sinohax, —Siloé icanai cato ca jënë́ tsi bëchocota —i bëco ca joni qui Jesu niquë. Jatsi joni caniquë. Bëchocohax tsi quiha ja taistëquëniquë. Jënima jahari ja joni quiha.