Juan 11:46 - Dios Chani

⁴⁶ Jama, jato huësti huësti cabo bocaniquë Jesú ani ca yoati tsi fariseobo qui yoaxëna.

Juan 11:46 ပူးပေါင်းရင်းမြစ်များ

Juan 11:57

Jabi jodioba chama bá Jesu bicasniquë pë ja qui tsamicasquí na. Jaha tsi, —Jesu jono tsi noqui yoacaxëcahuë —i nohiria bo qui jaca niquë.

Juan 12:37

Jabi huëstima ca jisti bo Jesú aniquë nohiria bo bësojo xo na. Mahitsa quiha. Jisxo tsi quiha jari Jesu ja chahahuacasyamacani quiha.

Juan 7:32

Nëca tsi Jesu yoati tsi nohiria bo baxëxëquë tsi quiha jodioba chama bá ja chanicanai ca nicaniquë rë. Jaha tsi pë soldado bo ja raacaniquë Jesu qui tsamiti.

Juan 7:45

Jatsi raahacanish ca soldado bo jahari bocaniquë jato jodioba chama bo qui. Jesu yama ja bëcani quiha. Jatsi, —¿Jënixo tsi Jesu ma bëyamacana pë? —i soldado bo qui chama bo niquë.

Juan 9:13

Jatsi bëco inish ca joni nohiria bá boniquë jodioba chama bo qui.

Hechos 5:25

Jatsi quiha chani paxa jaya ca joni jiconiquë. Jicohax, —Jisi bocata. Arati xobo nabirí tsi nii quiha nanëhacahitahax ca joni bo ra. Toa xo tsi nohiria bo tiisimacani quiha ra —i jato qui ja niquë.