Hechos 9:4 - Dios Chani

⁴ Mai qui paquëxo tsi quiha ja qui chanihai ca joi Pabló nicaniquë. —Jisa Pabló. ¿Jënixo tsi noho rabëti bo tënëma-tënëmahai rë? —i ja qui joi niquë.

Hechos 9:4 ပူးပေါင်းရင်းမြစ်များ

Mateo 25:40

Jatsi, “Nëa xo tsi ëbë xatë iriama cabo shomahuaquí tsi ë bax ma tocaquë ra” ixëquia.

Lucas 10:41

Jatsi Jesú quëbiniquë: —Huëstima ca jahuë bo yoati tsi shina-huëjënahi quiha mia rë. Jënima tsi xo mi acaina.

Juan 18:6

“Ja xo ëa ra” i Jesu quë tsi quiha ja chishtëquiri-caniquë. Mai qui ja paquëcaniquë ratëhi na.

Juan 20:16

Jatsi quiha, —Mariá —i ja qui Jesu niquë. Ja qui bësohax tsi, —Maestro pa —i María niquë.

Juan 21:15

No oriquiquë tsi quiha Simón Pedro Jesú nicaniquë: —¿Tëxë bo oquë tsi ëa noihai, Jonás baquë Pedró? —iquiina. Jatsi, —Jaahuë, Ibobá. Mia noiquia. Toa cahëqui mia ra —i Pedro niquë. Jatsi Jesú quëbiniquë: —Noho oveja bo, naa ëa chahahuacanaibo tiisimana —i ja qui ja niquë.

Hechos 5:10

Jatsi ja rësotapiniquë. Jatahë tsi quiha ja paquëniquë. Jatsi quiha shinapayobá jiconiquë. Jicoxo tsi ja jiscaniquë. Cacha boxo tsi quiha jahuë bënë ya raquëpina tsi ja maihuacaniquë.

Hechos 9:5

Jatsi, —¿Tsohuë ni mia, Ibobá? —i Pablo niquë. Jatsi, —Jesu xo ëa ra. Noho rabëti bo tënëmaqui mia rë. Niitsina. Yaca qui mi jicono ra.

Romanos 11:22

Japi Diós noihaina, ja caxahaina, tihi cabo qui tsayacahuë. Jaha nicayamacanaibo qui caxahi quiha Dios. Jama, Dios pi ma noi-noino tsi, ja qui ma chitimipino tsi mato mëbixëhi quiha ra. Jama, nicayamapihi tsi mëchish-hacaxëqui mato ri ra.

1 Corintios 12:12

Yora jascaria xo noqui chahahuacanaibo iquia. Huëstima ca jamëri ca xatë bo jaya quiha. Jascaria tsi xo Cristó maxo, naa noqui chahahuacanaibo. Huëstima ca jamëri ca nohiria bo jaya quiha noba maxo.

1 Corintios 4:7

¿Nohiria huëtsa bo oquë ni mato tiisi pa? ¿Jatiroha ca jahuë bo Diós mato ayamayamani? Ja quëshpi tsi ¿jënahuariahax “Oquë xo noa” i ma na, Dios quima mato tiisi ma biquë no?

Efesios 5:30

Jabi noqui ri otohi quiha Cristo ra, jahuë yora xatë bo no nori iqui na.