Hechos 2:30 - Dios Chani

³⁰ Jabi Dios shina cahëxëni ca David yamabo iniquë iquia. “Mi chahitaxocobo huësti ca janaxëquia, mi trono xo tsi ja yonano” i ja qui Dios ni ca ja cahëniquë. Jasca, quiayamahai ca Dios ini ca ja cahëniquë.

Hechos 2:30 ပူးပေါင်းရင်းမြစ်များ

Mateo 22:43

Jatsi Jesú nicaniquë: —Dios shina rëamëquí tsi ¿jahuë chahitaxocobo “Ibo” David yamabá quënayamayamani? ¿Jënihax “Ibo” i ja ni, jahuë chahitaxocobo yoati tsi chanihi na?

Mateo 27:35

Jatsi cruzó tsi Jesu ja tooxacaniquë. Tooxaxo tsi quiha jahuë sahuëti bo ja oquëxnamacaniquë i-ihai cató no.

Marcos 12:36

Espíritu Santo rëamëhax tsi ¿David yamabo nëcayamayamani? “‘Mia oquëhuanox pari tsi, jariapari mia pasomaha cabo bëboxëquia, jato mi yonano’ i noho Ibo qui Dios ni quiha” i David yamabo niquë pa.

Lucas 24:44

Pihax jato qui Jesu chaniniquë: —Mato bëtapama tsi ëmë yoati tsi Quënëhacanish cabo tëquë ë yoayamëquë. “Jatihuahacati iqui quiha ëmë yoati Quënëhacanish cabo tëquë” i mato qui ë yamëquë —iquiina.

Hechos 1:16

—Jatihuahacati nori quiha Quënëhacanish cabo iquë ra, naa Espíritu Santó David yamabo chanimanina. Jabi Judas yamabá, naa Jesu qui tsamicanish cabo mëpinish cató ani ca yoati David yamabo chanini quiha.

Romanos 1:3

Jatsi maí tsi jahuë Baquë Jesu coniquë ra. Cohi tsi chama David yamaba chahitaxocobo ja iniquë.

Romanos 15:12

Carayanabo yoati tsi Isaías yamabá quënëniquë jaa ri. “Jisiquixëhi quiha Isaí chahitaxocobo. Jisiquixo tsi carayanabo yonaxëhi quiha. Jatsi ja qui chitimicaxëcani quiha carayanabo ri” i ja ni quiha.

2 Timoteo 2:8

Jabi naa Chani jia ca mi shina-bënoyamano, naa ë yoahai cato: Rësonish cabo quima Jesucristo tërohacaniquë iquia. Jaboqui bëso xo ra. Jasca, chama David chahitaxocobo ja ini quiha.

Hebreos 1:1

Siri tsi quiha noba naborëquëbo qui Dios chanipaoniquë. Toatiyá tsi quiha joni bo, naa jahuë Chani yoacanaibo ja raapaoniquë nohiria bo qui. Toca tsi Dios Chani nohiria bá nica-nicapaoni quiha toatiyá no. Huëstima ca jato qui ja yoani quiha toca ca quiniá no.

Hebreos 3:7

Oquë-oquëria ca Jesu nori iqui tsi ja qui no nicaxëti xo ii quiha Espíritu Santo Quënëhacanish caba ó no: “Jaboqui jahuë joi pi nicahi tsi

Hebreos 4:7

Jatsi jicoti toa nicamisxëniria cabo caniaquë tsi quiha xaba huëtsa Diós jananiquë nohiria huëtsa bo bax na, ja jicocano iquish na. “Jaboqui” toa xaba quënahacani quiha. Naama tsi quiha, naa Josué quirëquë David yamabá tsi toa xaba Diós janatëquëni quiha, “Jaboqui ëa nicacana. E quima casoyamacana” i ja niquë no. Toca tsi ii quiha Quënëhacanish cabo ó no.

Hebreos 6:17

Jabi tocaniquë Dios ri, ja parayamahai ca Abraham chahitaxocobo jismaxëna. Rarinatimaxëni ca Dios ja ini ca ja jismacasni quiha.

Hebreos 7:21

Jama, Arati Ibo-iboria Jesu manëquë tsi quiha Dios nëcaniquë: “Noho janë́ tsi mia parayamaquia. Rarinamahacatimaxëni xo noho shinana ra. I-ipaohai ca Arati Ibo-iboria ixëqui mia ra” i Jesu qui ja ni quiha.

2 Pedro 1:21

Jama, noqui mëbihi quiha Espíritu Santo, no cahëyoino iquish na. Jabi Dios bax joni bo chaniquë tsi quiha Espíritu Santó jato mëbiniquë. Toca tsi Dios Chani yoi ca ja yoacani quiha.

Apocalipsis 17:14

Jatsi Cordero ya nianacaxëcaqui. Jama, jato bëboxëqui Cordero, Ibo-iboria ca Chama-chamaria ca ja nori iqui na. Jato pasomaha Cordero yahax tsi nianaxëhi quiha ja qui chitiminish ca quënahacanish cabo ri —nëa tsi ë qui ángel nëcaquë.

Apocalipsis 19:16

Jasca, jahuë sahuëti, jahuë bamisco, tihi cabo ó tsi huësti ca janë quënëhacaquë. “Chama-chamaria, Ibo-iboria” ja quënahacaha quiha.