Hechos 14:9 - Dios Chani

⁹ Toa xo tsi Dios Chani Pabló yoaquë tsi quiha jato chani naa joní nicaniquë. Nicaxo tsi quiha ja chahahuaniquë. Jatsi jënimahuahacati chahahuati mëtsa ja ini ca Pabló jisniquë. Jisi tsi quiha

Hechos 14:9 ပူးပေါင်းရင်းမြစ်များ

Hechos 3:4

Jatsi joni Pedro Juan bëisniquë. Bëis-hax ja qui Pedro chaniniquë: —Noqui bëishuë iquia —iquiina.

Mateo 15:28

Japi Jesú quëbiniquë: —Jiaria tsi xo toa ë qui mi chitimihaina, yoxá. Mi bax acacaxëhi quiha jaha mi quëëhaina iquia —iquiina. Jatsi jënimaritsiniquë jahuë jahini ra.

Marcos 10:52

Jatsi, —Cata. E qui mi chitimihai iqui tsi taisqui mia iquia —i ja qui Jesu niquë. Jatsi taistapiniquë joni. Bahí tsi Jesu ja banahuaniquë jaa ri.

Marcos 2:5

Jabi Jesu qui ja chitimiriacani quiha toa joni ja jënimahuano. Jabi ja chitimicanai ca jisi tsi mohitimaxëni ca joni qui Jesu chaniniquë: —Masahacaquë mi jocha, noho baquë́ —iquiina.

Mateo 13:58

Japi jahuë yacata xo tsi jisti huëstima cabo ja ayamani quiha rë, ja qui ja chitimiyamacani iqui na.

Mateo 9:22

Jatsi Jesu bopinaniquë. Bopinaxo tsi quiha yoxa ja jisniquë. Jisi tsi, —Chamahuë, noho jahiní. Mi chitimihai ca iqui tsi mi jënimahuahacaquë ra —i ja qui Jesu niquë. Jënimatapiniquë yoxa ra.

Mateo 8:10

Jatsi Jesu ratëniquë, capitán quëbihaca nicahax na. Jesu qui jia ini quiha ja chanihaina ra. Jatsi banahuacanaibo qui Jesu chaniniquë: —Mato parayamaquia. Anomaria tsi xo naa carayana chitimihaina ra. Jodiobá mai tëquë ó yama tsi xo nëca ca jodio chitimihai ca jasca cato rë.

Marcos 8:25

Jatsi joni bëro Jesú motsatëquëniquë. Ja bëpëquëquë tsi quiha jënima jahuë bëro iniquë. Bëroria quiha jatiroha ca ini quiha.

Hechos 10:4

Jatsi ángel Cornelió tais-taisniquë raquëhax na. Jatsi, —¿Jahuë ni, Taitá? —i Cornelio niquë. Jatsi angél quëbiniquë: —Mi bëhoxhaina, noitiria cabo mi mëbihaina, tihi cabo Dios qui jia quiha. Jaboqui mia shinahi quiha Dios.