Apocalipsis 14:7 - Dios Chani

⁷ Yoapama tsi quiha joi pistiamá tsi ja quënaquë: —Dios qui raquëcaxëcahuë. Dios oquëhuacaxëcahuë ra. Tsëquëquë nohiria bo copiti xabaca ra. Naipa, mai, iahua, jatiroha ca huahuahai ca jënë iti, tihi cabo Nëhohuanish ca qui aracaxëcahuë —i ángel quë.

Apocalipsis 14:7 ပူးပေါင်းရင်းမြစ်များ

Mateo 25:13

‘Japi jaha bësocahuë, ë johai ca bari ma cahëyamahai quëshpi na —nëa tsi Jesu nëcaniquë chani yoahi na—.

Lucas 17:18

¿Jaroha ca “Gracias” iquii ca ni naa carayana pa? ¿Bëyamacahi ni tëxë bo rë, “Gracias” ixëna? —i Jesu niquë.

Hechos 14:15

—Ayamacahuë, joni bá. Maí ca nohiria yoi bo xo noa ra, naa mato jascaria. Chani jia ca yoahi no johitaquë ra. Mato mahitsa ca jahuë bo quima bëso ca Dios quiri, naa naipa, mai, ia bo, tihi cabo nëhohuanish ca quiri bësocana iqui noa ra.

1 Pedro 4:7

Jatsi quiniacaxëcahuë. Basima tsi xo jahuë rëso. Ja iqui tsi jaha bësocana. Jia tsi shinacana jahuëcara anox pari. Tihi ca tsi ma ati xo oquë tsi bëhox-xëna.

Apocalipsis 11:13

Jatsi ja tëronocaquë tsi quiha yajo-yajoquë mai. Anomaria toa yajohai ca iquë ra. Toatiyá tsi poxoquë yacatá ca xobo bo, naa décima ca xatë. Jasca siete mil ca nohiria bo acacaquë. Jatsi naipá ca Dios qui ara-aracaquë nohiria tëxë, mëmëhi na.

Apocalipsis 11:18

Mi qui caxaxëniria xo nohiria bo ra, naa jato copiti bari tsëquëha iqui na. Jasca, tsëquëquë rësonish cabo copiti xaba ri. Copihacaxëhi quiha mi yonati bo, naa mi Chani yoacanaibo. Copihacaxëhi quiha chahahuacanaibo, naa mi qui aracanaibo. Copihacaxëhi quiha chahahuahai ca chama bo, chamayama cabo tëquë. Tsëquëquë ra mai yoshihuacanaibo quëyoti bari ra —nëa tsi veinticuatro ca yosibo nëcaquë.

Apocalipsis 15:4

Mi qui raquëcani quiha jatiroha cabo ra, iqui noa, noba Ibobá. Mia oquëhuacaxëcani quiha nohiria bo tëquë. Mia roha tsi xo toa mëstëxëni cato. Mi qui bocaxëcani quiha jatiroha ca maí cabo, mia bësojó tsi mënixëna. Tocacaxëcani quiha ra, mi acai ca mëstëxëni ca ja jiscana iqui na —tihi tsi ja icaquë quëquëhi na.

Apocalipsis 16:9

Jahuë huaó tsi quiha nohiria bo mëshoyoquë. Mëshohax tsi quiha Dios pasomaha ja chanicaquë, toa tënëti bo raati ibo ja iqui iqui na. Jishopë. Jari jato jocha quima ja casocasyamacaquë Dios oquëhuaxëna.

Apocalipsis 18:10

Ja tënëhai ca qui raquëhi tsi basi ax tsi manicaxëcani quiha araxëna. —Aquërama. Noitiria xo mia ra, chamaxëniria ca Babiloniá. Oquë-oquëria ca mi iquë rë. Huësti ca hora roha tsi mi quëyohacaquë rë —icaxëcani quiha toa mani cabo.

Apocalipsis 18:17

Huësti ca hora roha tsi jahuë jahuë-jahuëria bo tëquë quëyohacaquë rë —icaxëcani quiha toa comerciante bo. Jatsi basi xo tsi tsaya-tsayacaxëcani quiha barco ba capitán bo, jato yonati, jato pasajero bo.

Apocalipsis 18:19

Araconapama tsi jato mapo qui mai niacaxëcaqui cohuëriaquí na. Anomariaxëhi quiha ja huini-huinicanaina. —Aquërama. Jishopë. Noitiria tsi xo noba yaca-yacaria ra. Toa xo tsi ganancia-gananciariabo jahuë barco bo ibobá ayoquë ra. Toanahax ja riconariacaquë. Huësti ca hora roha tsi ja quëyohacaquë rë —icaxëcani quiha toa barco ibo bo.

Apocalipsis 19:5

Jatsi trono ax johai ca joi ë nicaquë: —Noba Dios qui “Gracias” icahuë, mato jahuë yonati nori cabá. “Gracias” icahuë, ja qui raquëcanaibá, naa chama bo, yonati bo, tihi cabo tëquëtá —i joi quë.

Apocalipsis 4:11

“Noba Ibo, noba Dios xo mia ra. Jia tsi xo toa oquë, chama, tihi cabo mi bichiina. Tocaxëti xo, jatiroha ca jahuë bo mi nëhohuani iqui na. Mi shinaná tsi ja nëhohuahacaniquë. Mia iqui tsi iicani quiha ra” i veinticuatro ca yosibo a quiha tronó tsaho ca qui.

Apocalipsis 4:9

Jia tsi quiha tronoriá ca tsahohai ca bëso-bësopaohai ca ja ocahuariacaquë, naa cuatro ca bësohai ca jahuëcara bo. Toa tsahohai ca ja oquëhuacana quiha. Jasca, “Gracias” i ja qui jacana quiha, ja ani quëshpi na.

Apocalipsis 8:10

Jatsi tercer ca angél jahuë trompeta xoohaquë. Xoohajahuaquë tsi quiha huishti-huishtiria, naa riri-ririhai ca jotati jisiria ca paquëquë nai ax na. Ani bo, toroco bo, tihi cabo qui ja paquëha quiha.