Apocalipsis 14:11 - Dios Chani

¹¹ Jatsi mana tërono-tëronopaoxëhi quiha jato chihicohini. Barihani, baquicha, tihi tsi tënë-tënëpaocaxëcani quiha toa yohinahua, jahuë estatua, tihi cabo qui aracanax cabo. Joitimaxëni icaxëcani quiha. Tënëyocaxëcani quiha toa jahuë janë́ tsi quënëhacanish cabo ra.

Apocalipsis 14:11 ပူးပေါင်းရင်းမြစ်များ

Mateo 11:28

E qui bëyocana mato joicanaibá. E qui bëcana, ihuë ca jabi papicanaibá. Mato joimaxëquia ra.

Mateo 25:41

Jaquirëquë mëxojó ca nohiria bo qui chanixëquia: “Tori bocahuë. Yoshihuahacati xo mato ra. I-ipaohai ca chihi, naa Yoshini, jahuë ángel yoixëni bo, tihi cabo bax rohahuahacani ca chihi qui bocata.

Mateo 25:46

Jatsi raahacacaxëcani quiha naabo. Tënë-tënëpaocaxëcani quiha. Jama, bëso-bësopaocaxëcani quiha mëstëhuahacahax cabo ra —nëa tsi Jesu nëcaniquë.

Hebreos 1:8

Jama, nëca tsi jahuë Baquë chama yoati tsi Dios chanini quiha: “Naama-naamapaoxëhi quiha mi otohaina, Diós, Mëstë tsi jatiroha cabo yonaxëqui mia ra.

Apocalipsis 11:15

Jatsi quiha toa séptima ca angél jahuë trompeta xoohaquë. Xoohajahuaquë tsi quiha naipá ca quënahai ca joi bo ë nicaquë. —Jaboqui mai xo tsi yonati chama biqui noba Ibo ra, naa Diós mai qui raani cato. Yona-yonapaoxëhi quiha ra —i jaca quë.

Apocalipsis 13:12

Huajaxo tsi quiha jariapari ca yohinahua ja mëbiquë, jahuë yonati ja iqui quëshpi na. Mëbixo tsi quiha toa jariapari ca yohinahua qui maí ca nohiria bo tëquë ja aramaquë. Ja iqui tsi toa acacahax ca bësotëquëmahacahax ca yohinahua qui aracaxëcani quiha nohiria bo tëquë.

Apocalipsis 13:15

Jaquirëquë ja acacana ca estatua, naa toa jariapari ca yohinahua jaria-jaria ca ja bësomaquë ra, toa ati chama ja qui acacani iqui na. Jatsi chaniquë toa estatua ra. Jasca, ja qui aracasyamacanaibo tëquë ati mëtsa ja iquë ra.

Apocalipsis 13:17

Jaquirëquë yoba paxa ca ja aquë nohiria bo qui. Jatsi iniati, copiti, tihi tsi ati inox pari no tsi nohiria bo quënëhacati iqui quiha jahuë janë, jahuë número, tihi cabá no.

Apocalipsis 14:9

Jaquirëquë tercer ca ángel joquë. Joxo tsi quiha joi pistiamá tsi ja quënaquë jaa ri: —Copihacaxëti xo yohinahua, jahuë estatua, tihi cabo bësojó mënicanaibo. Jato mëquënë, jato bëpara, tihi cabo ó tsi jahuë janë́ tsi ja quënëhacacani quiha.

Apocalipsis 18:18

Yaca mëshohai ca chihicohini tsayapama tsi quënacaxëcani quiha jato ri: —Aquërama. Yama tsi xo naa yaca jasca cato rë. Jahuësti ca tsi xo naa ra —iquiina.

Apocalipsis 18:9

Quëyohacaxëhi quiha toa yoxa ra. Ja quëyohacaquë tsi araconacaxëcani quiha maí ca chama bo, naa ja bëta yoyobëquinacanaibo. Huini-huinicaxëcani quiha jahá racacanaibo ja mëshohai ca tsayahax na. Jahuë chihicohini tsayacaxëcaqui.

Apocalipsis 19:3

Jatsi ja quëquëtëquëcaquë. —Aleluya ra. Tërono-tëronopaoxëhi quiha jahuë chihicohini ra —i jaca na quiha.

Apocalipsis 20:10

Jatsi azufre chihi ca iahua qui niahacaxëqui Yoshini, naa jato parati ibo-iboria. Jabi toa chihi qui niahacana quiha yohinahua, jahuë mahitsa ca chani yoati ibo. Toá tsi tënë-tënëpaocaxëcani quiha, barihani, baquicha tëquë. Yama xo jahuë rëso.

Apocalipsis 22:5

Jasca, toa yamaxëqui tsëmohaina. Pëxë baayamacaxëcani quiha, Dios jato qui huahuahai ca nori quëshpi na. Bari yopayamacaxëcani quiha. Toa xo tsi yonapaocaxëcani quiha chahahuacanaibo ra.

Apocalipsis 7:12

Arahax ja nëcacana quiha: “Jia ra. Noba Dios nohiria bo oca-ocapaono ra. Ja oquëhuahacapaono ra. Tiisi ja jayano ra. Jasca ‘Gracias’ i Dios qui nohiria bo paono ra. Jasca, chama, coshi, tihi jaya ca tsi xo noba Dios ra. Jaha tsi xo. Amén” nëca tsi jaca na quiha.