1 Pedro 2:7 - Dios Chani

⁷ Jabi naa Maxax icanai ca ó quëëriacani quiha chahahuacanaibo, jama, chahahuayamacanaibo qui mahitsa ja nori rë. “Oquëria ca maxax ja iqui quiha naa yosibá niaha ca Maxaxa ra” ii quiha Quënëhacanish cabo.

1 Pedro 2:7 ပူးပေါင်းရင်းမြစ်များ

Mateo 21:42

Jatsi Jesú jato yoaniquë: —¿Quënëhacanish cabo ó ca ma jisyamani naa yoati na? “Oquënaxëhi quiha yosibá niaha ca Maxaxa ra. Oquë-oquëria ca manëxëhi quiha ra. Diós aca ca tsi xo naa ra. Noqui jia quiha” ii quiha.

Lucas 2:32

Carayanabo qui ja raahacaquë ra, mia ja cahëcano iquish na jato ri. Mi Israél ca nohiria qui ja raahacaquë ra, jato oquëhuaxëna —nëa tsi quiha Simeón nëcaniquë.

Lucas 2:34

Jatsi María, José, jato baquë, tihi cabo bax Simeón bëhoxniquë, Diós jato shomahuano. Bëhoxhax tsi quiha Jesu jahëhua qui ja chaniniquë: —Mi Baquë Diós biniquë ra. Ja iqui tsi bënoxëhi quiha huëstima ca Israél cabo. Jasca, ja iqui tsi rani-ranixëhi quiha huëstima cabo. Jabi Dios quima ca jisti ixëhi quiha mi Baquë. Ja pasomaha chanixëhi quiha huëstima cabo rë. Jasca, Dios quinia nohiria bo jismaxëhi quiha.

Lucas 20:17

Jatsi Jesú jato tsayaniquë. Tsayahax tsi quiha ja nicaniquë: —¿Jënihi ni naa Quënëhacanish cabo ó ca chani ra? “Oquënaxëhi quiha yosibá niaha ca Maxaxa ra. Oquë-oquëria ca manëxëhi quiha ra” ii quiha.

Juan 4:42

—Jia tsi xo noqui mi yoahitahana. Jama, jaboqui chahahuariaqui noa, naa joni no nicaha quëshpi na. Nohiria bo Xabahamati Ibo yoi ja nori ca cahëqui noa ra —i yoxa qui jaca niquë.

Hechos 26:19

‘Jabi toca tsi naipá ca Ibo chaniquë tsi “Jo” i ja qui ë niquë. Ja iqui tsi jodiobo, carayanabo, tihi cabo qui ë caniquë jahuë Chani yoahi na, rey Agripá.

Romanos 10:21

Jama, “Nicamisxëni ca ëa pasomaha ca nohiria bo qui joi ama-amaquia, jato mëbicasquí na; mahitsa quiha” i Dios ni quiha Israél ca nohiria yoati na.

Romanos 15:31

Jatsi ë bax bëhoxcana, jodioba maí ca nicamisxëni cabo quima ë paxano iquish na. Jasca, bëhoxcana, ë bohai ca parata ranixo tsi Jerusalén ca chahahuacanaibá bino ra.

Colosenses 2:10

Ja tsi xo toa Dios jabi-jabiria jayaria xo. Mana ca yonahai ca chama jaya ca ángel bo Rëquëniniti Ibo-iboria ca Cristo tsi xo naa. ¿Tsayayamacanai? Anomaria tsi xo noba Cristo ra.

Tito 3:3

Mi shina-bënoyamano. Chahahuanox pari tsi ¿yoyoxëni ca nicamisxëniria ca nohiria bo no iyamayamani, noqui ri? ¿Toatiyá tsi janyama no mëpihacayamayamani? Jishopë, toatiyá tsi jatiroha ca jocha yoi cabá noqui yonapaoniquë, naa yoi cabo ó no quëëni cato. Jocha ó tsi no bësopaoniquë ra. Anoma ini quiha toa no a-apaonina. Huëtsa bo qui caxaxëniria no i-ipaoniquë. Jasca, nomëria ri caxa no i-ipaoniquë, noqui ri. Toca tsi no i-ipaoniquë pë.

Hebreos 11:31

Dios qui chitimiyoiniquë toa yacatá ca joni mëtsaxëniria ca carayana ca Rahab yamabo ri. Toa barí tsi quiha Dios nicamisxëniria cabo ya ja quëyohacayamaniquë, jia tsi toa jotamiscanai ca Israél ca joni bo ja joihuani iqui na.

Hebreos 4:11

Jatsi no bamayamano ra, toa joiti iti qui cahëti. Jabi Dios joiti iti qui cahëti toa jodio nohiria bá narisniquë rë. Jatsi quiniacaxëcahuë ma tocayamano mato ri ra.

1 Pedro 1:8

Jasca, anomaria tsi xo toa Jesucristo ma noihai ri, mato bëroma ja iquë ri. Tsayahaxma ri tsi ja qui chitimiriaqui mato ra. Ja iqui tsi rani-raniqui mato. Yoanoma tsi xo toca ca no ranihaina iquia.

1 Pedro 2:4

Ibo qui bëcahuë, naa noqui xabahamati Maxax icanai cato. “Mahitsa tsi xo toa Maxaxa” ii quiha nohiria bo rë tëtiahi na. Jama, naa Maxax Diós biniquë ra. Ja qui copixëniria xo.

1 Pedro 2:8

Jasca, “Nohiria bá yoshihuahai ca Maxax tsi xo naa” ii quiha. Ja yoshihuahacacani quiha ra, Dios Chani ja nicacasyamacani iqui na. Jato shinari ja ini quiha.