1 Corintios 11:5 - Dios Chani

⁵ Jama xo yoxa bo. Mapoti ja sahuëxëti ca xo, nohiria bësojó tsi bëhoxpiquí na. Jasca, Dios Chani yoapiquí tsi mapoti ja sahuëti ca xo. Tocapiyamaquí tsi jato bënë bërabihuacaxëcani quiha pë.

1 Corintios 11:5 ပူးပေါင်းရင်းမြစ်များ

Lucas 2:36

Jasca, tobi quiha arati xobó tsi yoxa iniquë, naa Ana icanai cato. Dios Chani yoanish ca yoxa ja ini quiha. Fanuel jahi ja ini quiha, naa Aserbo icanai ca maxo quima conish cato. Jabi sirixëni Ana iniquë. Siete año roha no tsi bënë ja jayani quiha.

Hechos 2:17

“Jaroha ca barí tsi nohiria bo tëquë qui noho Shina japaxëquia ra” ii quiha Dios. “Jasca, ëa yoati tsi chanicaxëcani quiha mato baquë bo, mato jahi bo ri. Jasca, tënamëcaxëcani quiha mato shinapayo bo. Jasca, namacaxëcani quiha mato siri bo.

Hechos 21:9

Jasca, cuatro ca bënë yama ca jahi bo ja jayani quiha, naa Dios Chani yoacanaibo.

1 Corintios 11:4

Jatsi quiniacaxëcahuë. Nohiria bësojó tsi bëhoxpiquí tsi Dios Chani yoapiquí tsi mapoti joní sahuëyamano ra. Sahuëpiquí tsi jahuë Ibo Jesu bërabihuahi quiha pë.

1 Corintios 11:6

Joni jisiria tsi jato boo maxcohacaxëti xo iquia, naa mapoti sahuëyamahai ca yoxa bo. Bërabiria tsi xo yoxa maxcohacahaina. Bërabipiquí tsi mapoti ja sahuëcano.

1 Corintios 14:34

Jatsi ma arano tsi pasixëti xo yoxa bo iquia. Ja chaniyamacano, “Nohiria ja rëquëniniyamacano” i Quënëhacanish cabo ai quëshpi na.