San Mateo 17:25 - Re C'ac'a Testamento pa Kach'abal

²⁵ Y re Pedro xubij: Ja', reja' can nutoj. Y tak re Pedro xapon pa jay, ja re Jesús jare' re xch'o-pa nabey y xubij cha: Simón Pedro ¿andex nanojij rat? ¿Re reyes vova' chach re ruch'ulef, anchok chique como niquic'utuj-va re impuesto? ¿La ja como chique re cajc'ual-ka reje' o la ja como chique re xa man je cajc'ual-ta? xcha' re Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

²⁵ Y ri Pedro xubꞌij chake: Jaꞌn, ndutaj wi. Ja atoq riꞌ ri Pedro xok apu pa jay, pero ri Jesús nabꞌey chi xchꞌaꞌa apu ri Pedro, xubꞌij chare: Rat Simón Pedro, ¿achike ndabꞌij? Ri reyes ekꞌo chochꞌulew, ¿achoq chake ndikikꞌutuj impuestos? ¿Chake ri ekiwinaq, o chake ri fueranos ri ekiyoꞌon chuxeꞌ kitzij?

Kaqchikel Santa Maria de Jesus

²⁵ Y ri Pedro xuꞌej: Nutoj. Y antok ri Pedro xuoc pa jay, ja ri Jesús xbꞌachꞌo-pa cha naꞌay y xuꞌej cha: ¿Chica naꞌej atreꞌ Simón Pedro? ¿Ri reyes ri icꞌo choch-ulief, choj chica niquicꞌutuj ri impuestos y ri contribuciones? ¿Chica ri calcꞌual o chica ri man calcꞌual ta? xchaꞌ ri Jesús.

Kaqchiquel Bible

²⁵ Y ri Pedro xubij chi ja', nuya'. Toq rija' xapon ri pa jay, kan jari' toq xbech'on-pe ri Jesús nabey, y xubij: ¿Achike nach'ob rat Simón? Ri nima'q taq q'atoy-tzij chuwech re ruwach'ulew, nikik'utuj ri k'o chi nitoj chike. ¿Chike kami ri kiwinaq rije' nikik'utuj-qa o chike ri ch'aqa' chik ri xa man e kiwinaq ta?, xcha' ri Jesús.

Kaqchikel Central Guatemala

²⁵ Y ri Pedro xubij: Ja', nuya'. Y tok ri Pedro xapon ri pa jay, nabey ri Jesús xbech'on-pe y xubij chire: Simón Pedro ¿achique na c'a ri nach'ob rat? ¿Ri nima'k tak k'atoy-tzij chuvech re ruvach'ulef, achok che c'a niquic'utuj-vi ri alcaval y ri impuestos? ¿Chique ri calc'ual ka rije' o chique ri ch'aka' chic ri xa man e calc'ual ta? xcha' ri Jesús.

Kaqchikel Western Solola

²⁵ Y ri Pedro xubij: Ja' (je), nuya'. Y tek ri Pedro xapon ri pa jay, nabey ri Jesús xbech'o pe y xubij chare: Simón Pedro, ¿achique nabij riyit? Ri aj k'atbel tak tzij chuwech re ruwach'ulef, ¿achoj chare c'a niquic'utuj wi ri alcawal o ri impuestos? ¿Chique ri calc'ual ka riye' o chique ri nic'aj chic ri xa ma ye calc'ual ta? xcha' ri Jesús.

San Mateo 17:25 ပူးပေါင်းရင်းမြစ်များ

San Mateo 22:21

Y reje' xquibij cha re Jesús: Chin re César. Y re Jesús xubij chique: Titojo' c'a re impuestos cha re César riq'uin re mero re ruc'amon che niya' cha reja'. Y tiya' cha re Dios, ronojel re ruc'amon che niya' cha re Dios.

San Mateo 22:19

Tic'utu-pa re mero re nicusas chin nitoj re impuestos, xcha' chique. Y reje' can jare' xquic'ut-apo re mero chach, y re mero re xquic'ut-apo chach jac'a re niquibij denario cha.

San Mateo 22:17

Y vocame nakajo' nakac'axaj andex re xtabij chaka. Roma yoj nakanojij y nakabij: ¿Can ruc'amon como che nakatoj re impuestos re nubij re César che nakatoj o xa man ruc'amon-ta? xe'cha'.

San Mateo 3:15

Pero re Jesús xubij cha re Juan Bautista: Yoj can ruc'amon che nakaban ronojel re nubij re Dios chaka. Mare' vocame nic'atzin che rat yinaban bautizar. C'ajare' tak re Juan Bautista xuban bautizar re Jesús.

San Mateo 17:26

Xpa re Pedro xubij cha re Jesús: Re reyes vova' chach re ruch'ulef xa ja chique re man je cajc'ual-ta niquic'utuj-va re impuestos, xcha'. Y re Jesús can jare' xubij: Yen man ruc'amon-ta che nintoj re impuesto, roma yen can yin Ruc'ajol re Dios.

San Lucas 20:22

Tabij c'a chaka: ¿Can ruc'amon como che nakatoj re impuestos re nubij re César che nakatoj, o xa man ruc'amon-ta? xe'cha' cha re Jesús.