Marcos 15:44 - Re C'ac'a Testamento pa Kach'abal

⁴⁴ Pero re Pilato man nunimaj-ta che can cha'nin-yan xcom re Jesús. Mare' reja' xrayoj re capitán, y xuc'utuj cha vo xa katzij che quiminak chic re Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁴ Pero ri Pilato ma ndutaqij ta chi ri Jesús xken yan, romariꞌ xroyoj ri ki-jefe 100 soldados y xukꞌutuj razón chare si qetzij chi ri Jesús xken yan.

Kaqchikel Santa Maria de Jesus

⁴⁴ Pero ri Pilato can xchapataj chi chaꞌnin yan xcon ri Jesús. Rumareꞌ jajaꞌ xrayuoj ri capitán, y xucꞌutuj cha xa ketzij chi ya xcon ri Jesús.

Kaqchiquel Bible

⁴⁴ Jak'a ri Pilato kan xumey-qa chi ri Jesús kan chi'anin xken-qa. Roma ri' xroyoj ri aj-raqen kichin ri aj-labal, y xuk'utuj chire wi qitzij chi kamineq chik ri Jesús.

Kaqchikel Central Guatemala

⁴⁴ Pero ri Pilato man c'a nunimaj ta chi can ta chanin yan xquen (xcom) ri Jesús. Romari' rija' xroyoj ri Capitán, y xuc'utuj chire vi kitzij chi caminek chic ri Jesús.

Kaqchikel Western Solola

⁴⁴ Yac'a ri Pilato man c'a nunimaj ta chi can xcom yan chanin ri Jesús. Rumari' riya' xusiq'uij (xroyoj) ri capitán, y xuc'utuj chare wi kitzij chi caminek chic ri Jesús.

Marcos 15:44 ပူးပေါင်းရင်းမြစ်များ

San Mateo 8:10

Y tak xuc'axaj quire' re Jesús, can anchique-la xuna' y xubij chique re je'tzakatal chij: Can katzij nimbij chiva che re jun ache re', can katzij rubanon confiar-ri' viq'uin. Y man jun chique re nuvinak israelita re nvilon re can rubanon-ta confiar-ri' viq'uin, ancha'l re jun ache re'.

Marcos 15:43

jare' tak xapon jun ache rubini'an José, y reja' aj pa tenemit Arimatea. Reja' jun ache quichibil re achi'a' re pa camon ye'bano juzgar, y reja' camas ruk'ij chiquicojol reje'. Reja' jun ache re can ruyaben c'a jampa' tak re Dios xtuban gobernar. Y reja' xapon riq'uin re Pilato chupan re hora re', chuc'utuxic re ru-cuerpo re Jesús chin numuk. Re José man xuxibij-ta-ri' tak xba chuc'utuxic re ru-cuerpo re Jesús.

Marcos 15:45

Y tak re capitán xubij che katzij xcom-yan re Jesús, c'are' re Pilato xuya' k'ij cha re José che no'rmuku' can re ru-cuerpo re Jesús.