Hechos 27:40 - Re C'ac'a Testamento pa Kach'abal

⁴⁰ Mare' xquikupila' can re colo' re ac'ayon chin re anclas, y re anclas xe'ba can chuxe' ya'. Y xe'quisol re ndoc chin nic'uan re barco pa rue-ya'. C'are' xquijotoba' re jun moma' tziak re c'o-apo chach re barco, y re cak'ik' xutz'am runimic re barco chuchi-ya'.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁰ Xekiqupilaꞌ ri soposeq teq lazo achoq ikꞌin eximon ri anclas, chin xekisoqꞌopij kan pa yaꞌ, y xekikorobꞌij chuqaꞌ ri lazos ri achoq chare ngekiseloj ri tzꞌalen ri ekꞌo chuxeꞌ ri barco ri eꞌokuneq ru-timón. Kꞌateriꞌ xekijotobꞌaꞌ chikaj ri nimaꞌq teq kꞌul chin ri barco, y eqal-eqal xbꞌa apu chin ngebꞌeꞌel chuchiꞌ ri yaꞌ.

Kaqchikel Santa Maria de Jesus

⁴⁰ Rumareꞌ xaꞌquikupij ri caloꞌ richin ri anclas, y ri anclas xaꞌa-ka chuxieꞌ ri mar. Y xaꞌquiquir can ri paletas ri ncaꞌcꞌuan richin ri barco. Cꞌajareꞌ xquijotobꞌaꞌ ri jun mamaꞌ tziak ri cꞌo choch ri barco, y ri cakꞌiekꞌ xutzꞌom runimic ri barco chuchiꞌ ri mar.

Kaqchiquel Bible

⁴⁰ Roma ri' xkiqupila' kan ri kolo' ri kichin ri ancla, y ri ancla xek'oje' kan chuxe' ya'. Y xekisol kan ri uk'uabel richin ri nima-barco. K'ari' xkijotoba' ri nimalej tzieq ri k'o-apo chuwech ri nima-barco, y ri kaq'iq' xuchop runimik k'a chuchi' ri ya'.

Kaqchikel Central Guatemala

⁴⁰ Romari' xquikupila' can ri colo' ri richin ri anclas, y ri anclas xebe can chuxe' ya'. Y xequisol can ri uc'uabel richin ri barco. C'ari' xquijotoba' ri jun nimalej tziek ri c'o-apo chuvech ri barco, y ri cak'ik' xuchop runimic ri barco chuchi' ri ya'.

Kaqchikel Western Solola

⁴⁰ Rumari' xquikupila' ca ri colo' riche (rixin) ri anclas, y ri anclas xebe ca chuxe' ri mar. Y xequisol ca ri k'abet riche (rixin) ri barco. C'ac'ari' xquijotoba' ri jun nimalaj tziek ri c'o apo chuwech ri barco, y ri cak'ik' xuchop runimic ri barco chuchi' ya'.

Hechos 27:40 ပူးပေါင်းရင်းမြစ်များ

San Mateo 4:18

Y jun k'ij tak re Jesús binak chuchi' re lago rubini'an Galilea, xe'rutz'at je ca'e' achi'a' quichak'-qui'. Re jun ja re Simón re nibex chuka' Pedro cha, y re jun chic ja re Andrés. Y reje' je aj-tz'amoy-car, mare' tak niquiya-ka re quiya'l chapabal-car pa ya'.

Hechos 27:17

Y tak re lancha c'o chic pa barco, re achi'a' re je'ac'ayon re barco re', xquijitz' re barco cha chavon tak colo' y chavon quipan chin che man tijakataj rupan re barco. Y roma je'jotoban chicaj re moma' tak tziak chin re barco, re cak'ik' ye'runem chupan re ya' co'ol rupan re rubini'an Sirte, mare' xe'pa re je'ac'ayon chin re barco xe'quikasaj re tziak, chin che man xe'beka-ta chire'. Roma reje' camas niquixibij-qui' ye'beka chire'.

Hechos 27:41

Y c'amaje-na rutzijol che yojapon chuchi-ya', tak xbakela' jun tinitec rion sanayi' c'o chuxe' ya' y chire' xbo'rnima-va-ri' rutza'n re barco, ja chire' xk'ate-va can y man chic xsilon-ta. Y re jun parte chij can re barco can tijok'ok' xba roma re ya' can riq'uin ruchuk'a' no'rpaxij-ri' chij.