Hechos 21:1 - Re C'ac'a Testamento pa Kach'abal

¹ Y tak xe'kaya' can re hermanos, yoj xojoc-a chupan re barco, y choj xojba chupan jun lugar rubini'an Cos y re lugar re' jun isla roma pa mar c'o-va. Y c'a pa ruca'n k'ij tak xojel-a chire', xojapon chupan jun chic lugar re pa mar chuka' c'o-va rubini'an Rodas. Y tak xojel-a pa Rodas, xojapon pa tenemit rubini'an Pátara.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Atoq xeqayaꞌ kan ri hermanos, xojok e pa jun barco, y chaj xojbꞌa pariꞌ ri yaꞌ, kꞌa xojbꞌeqaqa pa jun chꞌuti rochꞌulew rubꞌiniꞌan Cos ri kꞌo pa mar. Chukan qꞌij xojbꞌeqaqa pa jun chik chꞌuti rochꞌulew rubꞌiniꞌan Rodas ri kꞌo chuqaꞌ pa mar, y kꞌateriꞌ xojbꞌeqaqa pa tinamit Pátara.

Kaqchikel Santa Maria de Jesus

¹ Y antok kajachuon chic kiꞌ quiqꞌuin ri hermanos, choj xojꞌa chupan jun isla rubꞌinan Cos. Y chucaꞌn kꞌij xojiel-el chireꞌ, xojbꞌaka chupan ri isla rubꞌinan Rodas. Y antok xojiel-el chireꞌ, xojbꞌaka pa tanamet Pátara.

Kaqchiquel Bible

¹ Toq qach'aron chik qi', ri qach'alal xek'oje' k'a kan, y roj xojok-el pa barco, y choj xojbe k'a pa jun ti ruwach'ulew ri k'o pa ya' rubini'an Cos. Pa ruka'n q'ij toq xojel-el ri chiri', xojapon kan pa jun chik ti ruwach'ulew ri k'o chuqa' pa ya' y rubini'an Rodas. Toq xojel-el pa Rodas, xojapon k'a ri pa tinamit Pátara.

Kaqchikel Central Guatemala

¹ Y tok kach'aron chic ki', ri kach'alal xec'oje' c'a can, y roj xojoc-el pa barco, y choj xojbe c'a pa jun ti ruvach'ulef ri c'o pa ya' y rubini'an Cos. Pa ruca'n k'ij tok xojel-el ri chiri', xojapon can pa jun chic ti ruvach'ulef c'o chuka' pa ya' y rubini'an Rodas. Y tok xojel-el ri pa Rodas, xojapon c'a ri pa tinamit rubini'an Pátara.

Kaqchikel Western Solola

¹ Y tek kajachon chic ki' quiq'ui ri kach'alal, riye' xec'oje' c'a ca, y riyoj xoj-oc el pa barco, y can choj xojbe c'a pa jun ti ruwach'ulef ri c'o pa mar ri Cos rubi'. Pa ruca'n k'ij tek xoj-el el ri chiri', xojapon c'a pa jun chic ti ruwach'ulef ri pa mar c'o wi, ri Rodas rubi'. Y tek xoj-el el ri pa Rodas, xojapon c'a ri pa tinamit Pátara.

Hechos 21:1 ပူးပေါင်းရင်းမြစ်များ

1 Tesalonicenses 2:17

Hermanos, yoj camas yixkabisoj, roma c'o-yan chic ba' tiempo kojel-va-pa iviq'uin. Pero astapa' man yojc'o-ta-apo iviq'uin, nojel tiempo yixkanataj, y camas karayin che yoj, yoj-aponak-ta iviq'uin.

San Lucas 5:4

Tak re Jesús xtane-ka chuc'utic re ruch'abal re Dios chiquivach re vinak, reja' xubij cha re Simón: Jo-apo anche' más nem rupan re ya', y tiya-ka pa ya' re iya'l chin chapabal-car.

Hechos 27:2

Mare' yen Lucas, vichibil-a re hermano Aristarco, re aj pa tenemit Tesalónica re c'o pa Macedonia, xojba chij re Pablo. Xojoc-a pa jun barco re pitinak quila pa jun tenemit rubini'an Adramitio, y niba pa tak nic'aj chic tenemit re jec'o chuchi-mar chire' chupan re lugar rubini'an Asia.

San Lucas 8:22

Y jun k'ij, re Jesús je ruchibil-a re ru-discípulos, xoc-a pa jun canoa. Y c'are' xubij chique: Jo' c'a juc'an-apo ruchi' re lago. Y xe'ba.

Hechos 27:4

Xojoc chic-a chupan re barco, y xkaya' can re tenemit Sidón. Jac'a tak yojbinak, xbakac'ulu' jun cak'ik' camas ruchuk'a', y mare' tiene que xojak'ax chach re Chipre, re lugar re' isla roma pa mar c'o-va, y chire' xojak'ax-va roma man can-ta pa rubey cak'ik' c'o-va. Y pa ka-lado izquierdo xc'ue-va can.