Hebreos 4:7 - Re C'ac'a Testamento pa Kach'abal

⁷ Y tak k'axnak chic q'uiy tiempo, re Dios xusuj chic jun bey re uxlanen re' chique re vinak. Y ja re Rey David re xucusaj y xuya' pa ránma re ch'abal re nbin chic-ka, y ja quire' nubij: Vo xa xtic'axaj re ruch'abal re Dios vocame, man ticoversaj re ivánma. Quire' re ch'abal re xuya' re Dios pa ránma re David.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Porque atoq qꞌaxneq chik kꞌiy tiempo, ri Dios xuchaꞌ chik jun qꞌij chin nduyaꞌ uxlanen, romariꞌ xuyaꞌ pa ránima ri David chin xubꞌij: Si wokami ndiwakꞌaxaj ri ndubꞌij ri Dios chiwa, Ma tikowrisaj ri iwánima, xchajeꞌ.

Kaqchikel Santa Maria de Jesus

⁷ Y antok kꞌaxnak chic qꞌuiy tiempo, ri Dios xuꞌej chic jun bꞌay chi nuyaꞌ ri uxlanien chica ri vinak. Y xuyaꞌ pa ránima ri David ri tzij ri eꞌn chic ri nuꞌej: Xa xtivaxaj ri ruchꞌabꞌal ri Dios vacame, man tiꞌan cof cha ri ivánima. Quireꞌ ruꞌeꞌn can.

Kaqchiquel Bible

⁷ Y k'iy k'a q'ij chikij-pe ri qati't-qamama', ri Dios xusuj chik jun bey ri uxlanen chike ri winaqi'. Y xubij chik chire ri rey David: Wi niwak'axaj wakami ri ruch'abel ri Jehová. Man k'a tikowirisaj ri iwánima, nicha'.*f14*

Kaqchikel Central Guatemala

⁷ Y q'uiy c'a tiempo chiquij pe ri kati't-kamama', ri Dios xusuj chic jun bey ri uxlanen chique ri vinek. Y xuya' pa ránima ri rey David ri tzij ri xkatz'et yan ka, ri nubij: Vi xtivac'axaj ri ruch'abel ri Dios vacami, man ticovirisaj ri ivánima. Quere' ri ch'abel ri xuya' ri Dios pa ránima ri David.

Kaqchikel Western Solola

⁷ Y q'uiy chic tiempo quek'ax wi el ri kati't kamama' chuwech re ruwach'ulef, tek ri Dios xutzuj (xusuj) chic jun bey ri uxlanen chique ri winek. Y xuya' pa ránima ri rey David ri tzij ri xkatz'et yan ka, ri nubij: Wi xtiwac'axaj ri ruch'abel ri Dios wacami, man c'a ticowirisaj ta ri iwánima. Quec'ari' ri ch'abel ri xuya' ri Dios pa ránima ri David.

Hebreos 4:7 ပူးပေါင်းရင်းမြစ်များ

Hebreos 3:15

Roma chupan re ruch'abal re Dios nubij: Vo xa xtic'axaj re ruch'abal re Dios vocame, man ticoversaj re ivánma ancha'l xquiban re ivinak xe'c'ue' ajuer can, tak xe'yacataj chij re Dios.

San Mateo 22:43

Y re Jesús xubij chique: ¿Pero anchique roma tak re Rey David xubij Vajaf cha re Cristo? Roma ja re Espíritu Santo xbin cha che tubij quire':

Hechos 28:25

Y roma man junan-ta quivach xquiban-ka, xquijo' xe'ba. Pero c'a xquic'axaj-na-a re ruq'uisibal tak tzij re xubij re Pablo. Reja' xch'o chij re xubij re Isaías re rusamajel re Dios re xc'ue' ajuer can, re xbex profeta cha. Y reja' xubij: Re ch'abal re xuya' re Espíritu Santo cha re Isaías chin che xubij chique re kavinak xe'c'ue' ajuer can, y re' can otz chuka' nuban chiva yex, roma re Espíritu Santo xubij quire':

Hechos 2:31

Y re David, can ancha'l xa xutz'at-yan re xque'banataj. Xch'o chij che xtic'astaj re Cristo, che re ránma man xtic'ue-ta can chire' chiquicojol re anama'i', y re ru-cuerpo man xtic'ue-ta can chuka' chire' che nik'ay-ka.

San Lucas 20:42

Tak xa can ja re Rey David biyon can chupan re jun libro rubini'an Salmos: Che re Ajaf Dios xubij cha re Vajaf re Cristo: Catz'uye-pa vajquik'a'.

Marcos 12:36

Tak xa can ja re Rey David xbin re xbex cha roma re Espíritu Santo. Re David ja quire' rubin can: Re Ajaf Dios xubij cha re Vajaf re Cristo: Catz'uye-pa pa vajquik'a', y xque'nya' pan ak'a' re ye'tzelan avichin. Quire' xubij re Dios cha re Cristo.

Hechos 2:29

Y ja chuka' re' tak re Pedro xubij: Nuvinak, yex itaman che re jun kamoma', re Rey David xcom y xmuk. Y re anche' mukun-va, c'a c'o chupan re tiempo re'.