Hebreos 3:18 - Re C'ac'a Testamento pa Kach'abal

¹⁸ Mare' re Dios can xuban jurar chique che cama-va xque'oc-ta chupan re uxlanen re nuya' reja'. Roma re vinak re' cama-va xquinimaj-ta rutzij.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ ¿Y achoq chake xubꞌen jurar ri Dios chi ma la chuwaꞌq ma la kabꞌij xkeꞌok chupan ri uxlanen rusujun? Chake ri ma xeniman ta.

Kaqchikel Santa Maria de Jesus

¹⁸ ¿Y choj chica xuꞌon jurar ri Dios chi man xcaꞌuoc ta chupan ri uxlanien ri nuyaꞌ jajaꞌ? ¿Man chica ta came ri man xaꞌniman ta?

Kaqchiquel Bible

¹⁸ ¿Achike ta k'a winaqi' ri xa kan xuya' rutzij ri Dios chike chi kan man xke'ok ta chupan ri uxlanen ri nuya'? Ja ri winaqi' ri xa man xeniman ta tzij.

Kaqchikel Central Guatemala

¹⁸ ¿Achique ta c'a vinek ri xa can xban jurar chique roma ri Dios chi can man xque'oc ta chupan ri uxlanen ri nuya'? ¿Man chique ta cami ri vinek ri xa man xeniman ta tzij?

Kaqchikel Western Solola

¹⁸ ¿Achique cami winek ri can xban jurar chique ruma ri Dios chi can ma xque'oc ta chupan ri uxlanen ri nuya' Riya'? Ri' chique ri winek ri xa ma xeniman ta tzij.

Hebreos 3:18 ပူးပေါင်းရင်းမြစ်များ

San Juan 3:36

Y re vinak re xtiniman chin re Ruc'ajol re Dios, xtic'ue' ruc'aslen re man niq'uis-ta. Jac'a re vinak re man nunimaj-ta re Ruc'ajol re Dios, man c'a xtic'ue-ta ruc'aslen re man niq'uis-ta. Roma re vinak re man nunimaj-ta, can c'o chic re ruyoval re Dios pa rue'.

Romanos 11:30

Rubanon can, yex re man yix israelitas-ta man xinimaj-ta re Dios. Jac'a tak re nuvinak israelitas xquiya' can re Dios, reja' xusuj re utzil chiva yex, y yex can xic'ul.

Hebreos 3:11

Y roma xpa voyoval chique, mare' ximban jurar y ximbij: Can katzij nimbij che man jun bey xque'oc-ta chupan re uxlanen re ninya'. Quire' xubij re Dios.

Hebreos 4:11

Can takatija' kak'ij chin yojoc chupan re uxlanen re' y man takaban ancha'l xquiban re kavinak xe'c'ue' ajuer can, reje' man xquinimaj-ta re xubij re Dios chique, y mare' man xe'oc-ta chupan re uxlanen re'.

Hebreos 4:2

Roma re utzulaj ch'abal chin re Dios tzijon chaka yoj, can ancha'l xtzijos chique re kavinak xe'c'ue' ajuer can. Pero chique reje' man jun xoc-va re utzulaj ch'abal chin re Dios, roma reje' man xquinimaj-ta.

Hebreos 4:6

Roma re kavinak xe'c'ue' ajuer can, xquic'axaj re utzulaj ch'abal chin re Dios, pero reje' man xquiban-ta re xquic'axaj, y mare' man xe'oc-ta chupan re uxlanen re nuya' re Dios. Jac'a yoj can yi'on k'ij chaka che yojtiquir yojoc chupan re uxlanen re'.