Hebreos 2:6 - Re C'ac'a Testamento pa Kach'abal

⁶ Chupan re ruch'abal re Dios re tz'iban can, c'o c'a jun re biyon can: Ajaf Dios, jun vinak camanak-va rajkalen, pero rat can ne'ka cha'c'o'x, jun vinak camanak-va ruk'ij, pero rat can nanataj-pa.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Porque chupan ri rutzij ri Dios kꞌo jun ri kereꞌ rubꞌiꞌin kan chare ri Dios: ¿La kꞌo kami jun wineq ri kin utz rukꞌaslen chin ta ndakꞌuxlaꞌaj? ¿La kꞌo kami jun wineq ri kin utz rukꞌaslen chin ta ndayaꞌ ri a-favor pa ruwiꞌ?

Kaqchikel Santa Maria de Jesus

⁶ Ruma chupan ri ruchꞌabꞌal ri Dios ri tzꞌibꞌan can, cꞌo jun ri bꞌiyuon can: Dios, ¿chica cꞌa oc rakalien ri ache chi nanataj? ¿Y chica jeꞌ oc rakalien jun ri xa riqꞌuin jun chic vinak alaxnak-ve chi nanataj?

Kaqchiquel Bible

⁶ Jak'a chupan ri ruch'abel ri tz'ibatel kan, k'o k'a jun ri biyon kan:*f6* Ajaw Dios, ¿achike ta k'a ri wineq richin chi naquqa-pe rij y richin chi nachajij?

Kaqchikel Central Guatemala

⁶ Chupan ri ruch'abel ri Dios ri tz'ibatel can, c'o c'a jun ri biyon can: Ajaf Dios, ¿achique ta c'a rejkalen jun vinek richin noka' chi'ac'u'x? ¿Y achique ta c'a chuka' ruk'ij jun ri xa riq'uin vinek alaxinek-vi, richin nanataj-pe?

Kaqchikel Western Solola

⁶ Ruma chupan ri ruch'abel ri Dios ri tz'ibatal ca, c'o c'a jun achi ri biyon ca: Ajaf Dios, ¿achique ta c'a ruc'ojlen ri winek riche (rixin) chi can noka chac'u'x? ¿Y achique ta c'a chuka' ruk'ij ri xa riq'ui winek alaxnek wi, riche (rixin) chi can nanataj pe?

Hebreos 2:6 ပူးပေါင်းရင်းမြစ်များ

Hebreos 4:4

Y re' kataman roma chupan re ruch'abal re Dios re tz'iban can, nubij: Re Dios xuxlan chupan re ruvuk k'ij, tak xuq'uis rubanic ronojel re ruch'ulef y re rocaj.

1 Pedro 1:11

Camas xquijo' xquitamaj-ta más chij re xubij-yan re Espíritu Santo chique. Roma re Espíritu Santo re c'o pa tak cánma xubij chique che re Cristo can xtuk'asaj tijoj-pokonal, y tak ruk'asan chic re tijoj-pokonal, xtic'ue' ruk'ij. Pero man xk'alajin-ta anchique tiempo y anchique vinak re', y reje' jare' re camas xquijo' che xquitamaj-ta.

San Lucas 7:16

Tak re vinak xquitz'at re xbanataj, camas xquixibij-qui'. Y xquiya' chuka' ruk'ij re Dios, y niquibila': Vocame xbec'ulum-pa jun namalaj ache chakacojol, rusamajel re Dios re nibex profeta cha. Vocame re Dios xutak-pa jun re nicola kachin yoj re yoj israelitas re rutenemit, xe'cha' re vinak.

San Lucas 1:78

Y re', xaxe roma re ka-Dios yojrajo' y camas nujoyovaj kavach. Mare' nutak-pa re Jun re ne'sekresan-ka chakavach re can ancha'l nuban re k'ij tak nitzu'un chach re ruch'ulef, quire' xtuban tak xtika-pa chila' chicaj.

San Lucas 1:68

Camas-ta xtiya' ruk'ij re Ajaf Dios, re ka-Dios yoj re yoj israelitas, roma yojrunataj-pa yoj re yoj rutenemit, y yojrucol.

1 Tesalonicenses 4:6

Man takak'ol jun chique re hermanos xaxe chin che yojc'ue' riq'uin re ruxayil. Roma vo xa nakaban jun mac quire', re Ajaf xtuya' re castigo pa kave'. Quire' xkabij chiva tak xojc'ue' iviq'uin: Che vo xa yojmacun, can xtipo-va re castigo pa kave'.