Gálatas 4:26 - Re C'ac'a Testamento pa Kach'abal

²⁶ Pero re vinak chin re jun chic tenemit Jerusalén re c'o chila' chicaj, can je libre-va. Y yoj re kaniman chic re Jesucristo yoj richin re jun tenemit re'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁶ Pero ri teꞌej rubꞌiniꞌan Sara ri kin libre wi, ndiqajunumaj rikꞌin ri aj chikaj Jerusalén, y ja rijaꞌ ri kin achel jun teꞌej chaqe roj ri qataqin ri Jesús y roj libre chuwech ruchuqꞌaꞌ ri ley.

Kaqchikel Santa Maria de Jesus

²⁶ Pero ojreꞌ ri oj ral ri jun chic tanamet Jerusalén ri richin chicaj, can oj libre.

Kaqchiquel Bible

²⁶ Jak'a ri Sara nuk'exewachuj ri tinamit Jerusalem, ri richin ri chila' chikaj. Y roj kan oj ral k'a rija' y kan oj totajineq chik.

Kaqchikel Central Guatemala

²⁶ Pero man e que ta ri' ri e aj pa tinamit Jerusalem, ri richin chila' chicaj. Ri vinek ri richin ri tinamit ri' e libre. Y can jac'a roj ri kaniman chic ri Jesucristo ri oj richin ri tinamit ri'.

Kaqchikel Western Solola

²⁶ Yac'a riyoj ri yoj ral ri jun chic tinamit Jerusalem riche (rixin) chicaj, ma que ta ri' kabanon ruma yoj totajnek chic chuxe' rutzij ri ley.

Gálatas 4:26 ပူးပေါင်းရင်းမြစ်များ

Hebreos 12:22

Jac'a yoj re kaniman chic re Jesucristo, chuxe' re loma re rubini'an Sion yoj-aponak-va-apo, yojc'o chic nakaj cha re tenemit chin re c'aslic Dios, re nibex Jerusalén cha y chila' chicaj c'o-va. Y yojc'o chic-apo quiq'uin pa mil ángeles.

Filipenses 3:20

Jac'a yoj can yoj richin chic chila' chicaj. Y chila' c'o-va re Ajaf Jesucristo re xticola kachin jumul chach re mac, y xaxe chic kayaben re k'ij tak xtipa chakac'amic.

Apocalipsis 21:2

Y xintz'at chuka' re lok'olaj tenemit, re c'ac'a Jerusalén. Xintz'at che re tenemit re' nika-pa chila' chicaj riq'uin re Dios. Y can jabal rubanic banom-pa y vekom-pa, can ancha'l nuban jun k'apoj ixok tak jabal nuvak-ri' chin che más jabal nika chach re ala' re anchok riq'uin nic'ule-va.

Apocalipsis 3:12

Y re jenipa' xque'ch'acon, xtimban chique che can xque'oc pilares chin re rachoch re nu-Dios. Y can chire' riq'uin re Dios xque'c'ue-va nojel tiempo. Y chiquij reje' xtintz'ibaj-va re rube' re nu-Dios y re rube' re rutenemit reja'. Y re tenemit re' ja re c'ac'a Jerusalén, re nika-pa chila' chicaj riq'uin re nu-Dios. Y chire' chiquij re pilares re' xtintz'ibaj-va chuka' re c'ac'a nube' yen.

Gálatas 4:22

Roma re Moisés rutz'iban can che re Abraham xe'c'ue' je ca'e' ruc'ajol. Re jun ruc'ajol xalax riq'uin re raj-ic' re lak'on chin samaj. Y re jun chic ruc'ajol, xalax riq'uin re ruxayil, re ixok re' can libre-va.

Romanos 6:18

Jac'a vocame man chic yixc'o-ta pa ruk'a' re mac, xa can yix rusamajela' chic re Dios y can ic'uan chic jun c'aslen choj.

Romanos 6:14

Re mac, can man jun chic ruk'a' chaka, roma xojcolotaj-yan. Man chic nakaban-ta confiar-ki' riq'uin re ley, xa ja chic riq'uin re utzil pitinak riq'uin re Dios.

San Juan 8:36

Mare' vo xa yen re Ruc'ajol re Dios yincola ivichin, can katzij-va xquixel libres.

1 Pedro 2:16

Yex yix libres chic roma iniman chic re Dios, pero man roma-ta che yix libres chic, mare' c'a nibanala' re itzel tak banabal. Xa can quixc'ue' chuxe' rutzij re Dios.

Gálatas 5:1

Can rurayibal-va re Jesucristo che yoj yojoc libre. Mare' tak xojrucol chach re ley chin re Moisés. Y mare' tibana' confiar-ivi' nojel tiempo riq'uin re Cristo. Y man tiya' can chin nitzekelbej nic'aj chic costumbres. Roma vo xa quire' niban, yixc'ue' chuxe' rutzij re ley chin re Moisés.

Apocalipsis 17:5

Y re ixok re' nic'aj-rach tz'iban-va re rube'. Y re rube' reja' man can-ta k'alaj andex ndel-va che tzij, pero ja quire' nubij: Re namalaj tenemit Babilonia, quite' re k'apoji' re man otz-ta quic'aslen y quite' chuka' re vinak re ye'bano etzelal chach re Dios.

Gálatas 4:25

Re xuban re ixok Agar, can ancha'l re trato re xban pa rue' re loma rubini'an Sinaí, re pa nación rubini'an Arabia. Re Agar can man libre-ta. Y re nuvinak israelitas re aj-Jerusalén, re can jec'o-va chuxe' re ley chin re Moisés, reje' chuka' man je libre-ta. Xa can je ancha'l re ixok Agar re aj-ic' lak'on.

Apocalipsis 12:1

Y c'are' chicaj xk'alajim-pa jun ixok. Y re ru-forma re ixok re', can man jun bey tz'eton, roma can ancha'l nitzu'un re k'ij quire' titzu'un re rutziak y ja re ic' re aconak rupilibal. C'o c'a jun corona rucusan, y re corona re' ruc'uan doce ch'umil.