2 Pedro 2:5 - Re C'ac'a Testamento pa Kach'abal

⁵ Y chuka' re Dios man xe'rucuy-ta chic re vinak re xe'macun ajuer can. Xa xuban che xpa jun job pa quive' re can manak tz'etal-va, re nibex diluvio cha. Roma re quic'aslen re vinak re' man choj-ta chach re Dios. Pero xe'rucol re Noé y je vuku' chic vinak más. Y ja re Noé re xsekresan chique re vinak re andex rubanic nic'uax jun c'aslen choj chach re Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Ri Dios chuqaꞌ ma xerukuy ta ri wineq xekꞌojeꞌ ojer kan, xa kin xuteq pe ri kamik chi jabꞌ pa kiwiꞌ konojel ri xkikꞌuaj itzel kꞌaslen. Pero xukal ri Noé, ri xtzijon rubꞌeyal ri chojmilej kꞌaslen y xerukal chuqaꞌ wuquꞌ chik wineq junan rikꞌin.

Kaqchikel Santa Maria de Jesus

⁵ Y ri Dios jeꞌ man xaꞌruꞌon ta perdonar ri vinak ri xquiꞌan pecado ojier can, xa xutak-pa jun diluvio pa quiveꞌ quinojiel, ruma ri vinak reꞌ man choj ta quicꞌaslien choch ri Dios. Pero xaꞌrucol ri Noé y i-siete (ivukuꞌ) chic vinak. Y ja ri Noé ri xtzijuon chica ri vinak ri chica manera niquicꞌuaj jun choj cꞌaslien incheꞌl nika choch ri Dios.

Kaqchiquel Bible

⁵ Y chuqa' ri Dios man xerukoch' ta ri winaqi' ri xemakun ri ojer kan pa ruq'ijul ri Noé. Y roma ri' xuben chi xmuqutej ri ruwach'ulew chi ya', richin chi xek'is konojel. Jak'a xekolotej kan e wuqu' winaqi' y ri Noé; ja rija' ri xq'alajirisan chikiwech ri winaqi' ri ruk'uaxik jun k'aslen choj chuwech ri Dios.

Kaqchikel Central Guatemala

⁵ Y chuka' ri Dios man xerucoch' ta chic ri vinek ri xemacun ri ojer can. Xa xutek-pe jun camic job pa quivi' conojel, roma ri quic'aslen can man choj ta chuvech rija'. Pero xerucol ri Noé y vuku' chic vinek más. Y ja ri Noé ri xk'alajirisan chique ri vinek ri ruc'uaxic jun c'aslen choj chuvech ri Dios.

Kaqchikel Western Solola

⁵ Y chuka' ma xucuy ta chic quimac ri winek ri xemacun ri ojer ca. Xa xutek pe jun nimalaj k'ekal job pa quiwi' quinojel ri ma utz ta quic'aslen xquic'uaj chuwech Riya'. Pero xucol ri Noé y ri wuku' chic winek. Y ya ri Noé ri xya'o rubixic chique ri winek achique ruc'uaxic jun c'aslen choj chuwech ri Dios.

2 Pedro 2:5 ပူးပေါင်းရင်းမြစ်များ

Hebreos 11:7

Re Noé xuban confiar-ri' riq'uin re Dios. Re Dios xubij cha che xtuban jun namalaj job pa rue' re ruch'ulef re nibex diluvio cha. Y tak re Dios xubij quire' cha, reja' can xunimaj-va astapa' c'amaje-na tutz'at. Re Noé can xuban-va re xubij re Dios cha. Y xuban jun namalaj barco chin xe'rucol re jec'o pa rachoch. Y riq'uin re quire' xuban re Noé, xbek'alajim-pa che re nic'aj chic vinak man otz-ta xquiban, roma man xquinimaj-ta re Dios. Y riq'uin ronojel re xuban re Noé, re Dios xuban cha che man jun rumac xel, roma can xuban-va confiar-ri' riq'uin re Dios.

2 Pedro 3:6

Pero jun k'ij re ya' re' xq'uiy roma re jun namalaj job xuban re nibex diluvio cha, y re vinak re jec'o chach re ruch'ulef re man xquinimaj-ta re Dios, xe'q'uis roma re ya'.