2 Corintios 3:13 - Re C'ac'a Testamento pa Kach'abal

¹³ Tak nakatzijoj chique re vinak, man nic'atzin-ta chic che nakaban ancha'l xuban re Moisés. Reja' can xutz'apij rupalaj cha jun tziak, chin che re israelitas man tiquitz'at ruk'ij y re rusakil, re xaxe chin jun tiempo yi'om-pa y c'are' xa niq'uis-a.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Y ma ndiqabꞌen ta achel xubꞌen ri Moisés, ri xkꞌatzin chi xutzꞌapij ruwech rikꞌin jun kꞌul, chin keriꞌ ri israelitas ma ndikitzꞌet ta atoq ndikꞌis qa ri ndiyikꞌan chupalej.

Kaqchikel Santa Maria de Jesus

¹³ Antok nakatzijuoj chica ri vinak, man nicꞌatzin ta nakaꞌan incheꞌl xuꞌon ri Moisés. Jajaꞌ xutzꞌapij rupalaj cha jun tziak, chi quireꞌ ri israelitas man xquitzꞌat ta rusakil ri rupalaj, y reꞌ xa xqꞌuis-el.

Kaqchiquel Bible

¹³ Y roma man k'isel ta, man nik'atzin ta chik chi niqaben achi'el xuben ri Moisés, ri xutz'apej ruwech rik'in jun tzieq, richin chi ri ruwinaq man nikitz'et ta toq nik'is-qa ri ruq'ij-ruk'ojlen ri Dios, ri k'o rik'in.

Kaqchikel Central Guatemala

¹³ Tok nikatzijoj c'a chique ri vinek, man nic'atzin ta chic chi nikaben achi'el xc'atzin chi xuben ri Moisés. Rija' xc'atzin chi xutz'apej ruvech riq'uin jun tziek, richin chi ri israelitas man c'a tiquitzu' ri ruk'ij y ri rusakil, ri xaxe richin jun tiempo yo'on-pe y c'ari' xa niq'uis-el.

Kaqchikel Western Solola

¹³ Tek nikatzijoj c'a chique ri winek, ma rajawaxic ta chi nikaben achi'el xuben ri Moisés. Riya' xc'atzin chi xutz'apij rupalej riq'ui jun tziek, riche (rixin) chi ri israelitas man c'a niquitzu' ta tek niq'uis el ri sakil chupalej.

2 Corintios 3:13 ပူးပေါင်းရင်းမြစ်များ

2 Corintios 3:7

Re trato re tz'iban chach tz'alam tak aboj, nuc'ut chakavach che nika re camic pa kave'. Pero man ndel-ta che tzij che re trato re' man jun ruk'ij, roma re trato re' can c'o-va ruk'ij. Can xk'alajin re ruk'ij y re rusakil re Dios tak xban re trato re', roma re sakil re xtz'et can nuchup pan avach. Y re sakil re' riq'uin re Moisés xk'alajin-va, mare' re vinak israelitas can man xe'tiquir-ta xquitzu' rupalaj re Moisés, roma re sakil can nuchup pan avach, astapa' re sakil re' can xq'uis-va.

Colosenses 2:17

Y ronojel re' can xe'oc-va, roma riq'uin re' xkatamaj andex rubanic re Cristo. Y ronojel re cosas re' can je rumuch'uch'il-va re Cristo re xe'c'ue' kaq'uin. Jac'a vocame, can ja chic re Jesucristo re c'o kaq'uin y man chic ndoc-ta re rumuch'uch'il.

Romanos 10:4

Tak xtane' re ley ja tak xbeka re Jesucristo. Quire' xbanataj chin che xabanchique vinak re xtiniman richin re Jesucristo man jun rumac ndel chach re Dios.

Marcos 8:25

Y re Jesús xuya' chic jun bey re ruk'a' chuchi' tak nak'arach re ache. Can xuban cha re ache che xtzu'un. Y re ache xtzu'un jabal. Can jabal ye'rutz'at ronojel, che naj che nakaj.