1 Timoteo 6:16 - Re C'ac'a Testamento pa Kach'abal

¹⁶ Y can xe reja' re man nicom-ta. Reja' can pa sakil c'o-va, y man jun nitiquir ndoc riq'uin. Y man jun vinak tz'eteyon-ta richin, y man jun chuka' nitiquir nitz'eto. Reja' c'o pa kave' konojel chin nojel tiempo y chuka' can chin nojel tiempo xtuc'ul ruk'ij. Amén.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Y ja rijaꞌ ri jumul kꞌo rukꞌaslen, y kꞌo pa jun lugar apeꞌ nojel ndiyikꞌan, apeꞌ nixta jun wineq nditiker ndeqaqa, y chuqaꞌ nixta jun wineq tzꞌeteyon richin y nixta xtitzꞌetetej. ¡Ja rijaꞌ ri tinimrisex rubꞌiꞌ y pa ruqꞌaꞌ rijaꞌ tikꞌojeꞌ jumul nojel uchuqꞌaꞌ! Amén.

Kaqchikel Santa Maria de Jesus

¹⁶ y joꞌc jajaꞌ ri man nicon ta. Jajaꞌ can pa sakil cꞌo-ve, y man jun nitiquir ntuoc riqꞌuin. Ni man jun vinak tzꞌatayuon, y man jun jeꞌ nitiquir nitzꞌato richin. Y jajaꞌ cꞌo ru-autoridad richin nojiel tiempo y tiyoꞌx jeꞌ rukꞌij richin nojiel tiempo. Amén.

Kaqchiquel Bible

¹⁶ Y kan xaxe rija' ri man kamel ta. Rija' kan pa saqil k'o-wi, ri kan man jun nitikir nijel-apo rik'in. Man jun achike ta wineq tz'eteyon, ni man jun chuqa' nitikir nitz'eton. Ri ruchuq'a' rija' xtik'oje' ta pa qawi' richin jantape', y kan xtuk'ul ta ruq'ij richin jantape'. Keri' ta k'a.

Kaqchikel Central Guatemala

¹⁶ Y can xe rija' ri man camel ta. Rija' can pa sakil c'o-vi, y man jun nitiquir noc riq'uin. Ni man jun achique ta vinek tz'eteyon richin, ni man jun chuka' nitiquir nitz'eton. Rija', c'o c'a pa kavi' konojel richin jantape' y chuka' can richin jantape' xtuc'ul ruk'ij. Que ta c'a ri'.

Kaqchikel Western Solola

¹⁶ Y can xu (xe) wi Riya' ri ma camel ta. Riya' can pa jun nimalaj sakil c'o wi, rumari' majun nicowin ntoc riq'ui. Ni majun achique winek ri tz'eteyon ta riche (rixin), ni majun chuka' nicowin nitz'eto. Riya' c'o pa kawi' konojel chi pak'ij chi chak'a' y can xtiya'ox (xtya') ta c'a ruk'ij ruc'ojlen, riche (rixin) xtibe k'ij xtibe sek. Amén.

1 Timoteo 6:16 ပူးပေါင်းရင်းမြစ်များ

1 Timoteo 1:17

Mare' nakaya' ruk'ij re Dios chin nojel tiempo. Ja reja' re Rey re pa'al pa kave' chin nojel tiempo. Reja' man jun bey xticom. Reja' man nitz'et-ta. Xaxe reja' re Dios y rutaman ronojel. Y ja-ta c'a re Dios xtiya' ruk'ij chin nojel tiempo. Amén.

San Juan 1:18

Can man jun vinak re tz'eteyon chin re Dios, xa can xe re Ruc'ajol re tz'eteyon richin. Re Dios xa can xe c'a jun Ruc'ajol c'o y camas nrajo'. Y jare' re xbesekresan-ka re Dios chakavach vova' chach re ruch'ulef.

1 Juan 1:5

Y vocame nakatzijoj chiva re xubij can re Jesucristo chaka yoj, che re Dios jare' re sakil, y man jun k'oko'm c'o riq'uin.

Colosenses 1:15

Re Dios man nitz'et-ta, pero xa roma re Ruc'ajol tak yoj yojtiquir nakatz'at, roma re Ruc'ajol can Dios-va. Y re Dios can xuban cha re Ruc'ajol che ja reja' xbano ronojel cosas. Y mare' can jac'a re Ruc'ajol re nabey y más nem que chiquivach ronojel re xe'ruban, ronojel re c'o chila' chicaj y re jec'o vova' chach re ruch'ulef. Ronojel re' can roma re Ruc'ajol tak jec'o. Re ye'tz'et y re man ye'tz'et-ta, astapa' je ángeles, y re je autoridades, re camas quik'ij y re c'o poder pa quik'a', ronojel can ja re Ruc'ajol xbano quichin y chin che niquiya' ruk'ij.

San Juan 6:46

Pero man roma-ta che c'o jun vinak re tz'eteyon rach re Dios. Xaxe yen re yimpitinak chila' chicaj riq'uin reja' re yintz'eteyon rach.

Apocalipsis 22:5

Chire' chupan re tenemit re', man jun bey xtik'ukumar-ta che nik'ok'a-ta-ka. Y conojel re jec'o chupan re tenemit re', camanak xtoc-va chique re rusakil jun lámpara o re rusakil re k'ij. Roma can ja re Dios re Ajaf re xtisekresan quichin. Y re jec'o chire', jare' re xque'bano gobernar chin nojel tiempo.

Apocalipsis 4:11

Ajaf Dios, can ruc'amon che niya' ak'ij y nibex che camas yat nem y chuka' c'o a-poder, roma xaxe rat re c'o ak'ij y c'o a-poder y camas yat nem. Ja rat re xabano ronojel re c'o, roma can ja quire' xajo' rat.

Apocalipsis 1:6

Y konojel yoj re kaniman re Jesucristo, xuban chaka che xojoc reyes y sacerdotes, chin che nakaban rusamaj re Dios re Rutota' re Jesucristo. Y ja re Jesucristo re c'o ruk'ij y c'o ru-poder nojel tiempo y man jun bey xtiq'uis. Amén.

Judas 1:25

Can xe c'a reja' re Dios re camas na'oj riq'uin, y ja chuka' reja' re nicola kachin chach re kamac. Y can xe-va reja' re niya' ruk'ij, y xe chuka' reja' re c'o autoridad pa ruk'a' y poder, vocame y nojel tiempo. Amén.

Efesios 3:21

Y koma yoj re kaniman re Jesucristo re nibex iglesia chaka, reja' nuc'ul-ta ruk'ij chin nojel tiempo. Amén.

Apocalipsis 7:12

Y tak quibin chic amén, c'are' xquibij: Can otz che nibixax rube' re Dios. Y can ruc'amon che nibex cha che camas nem. Reja' c'o runa'oj y ja chuka' cha reja' re otz che nitioxix. Reja' c'o ruk'ij, c'o ru-poder chin nojel tiempo, ronojel nitiquir nuban. Amén, ye'cha'.

Hebreos 13:8

Re Jesucristo can man nujal-ta-ri'. Can ancha'l re ivir, can quire' chuka' vocame, y can quire' chuka' re tiempo chakavach-apo.

Apocalipsis 21:3

Y jare' tak xinc'axaj che c'o jun re cof nich'o-pa chila' chicaj y nubij: Tatzu-na-pa', vocame re Dios can chiquicojol la vinak c'o-va. Ja reje' re je rutenemit, y ja reja' re qui-Dios. Can junan xque'c'ue' chin nojel tiempo.

San Juan 14:9

Y re Jesús xubij cha: Felipe, ¿la man como ataman-ta noch? Yen can q'uiy-yan tiempo quinc'ue-va iviq'uin. Re tz'eteyon vichin yen, rutz'eton chuka' re Nata'. ¿Anchique roma tak rat nabij che ninc'ut re Nata' chivach?

Apocalipsis 1:8

Re Kajaf, ronojel poder c'o pa ruk'a', reja' can c'o-va tak xtz'ucutaj-pa ronojel, ja chuka' reja' re c'o vocame, y ja chuka' reja' re xtic'ue' re tiempo-apo. Y reja' nubij: Ja yen re nabey y re ruq'uisibal, can ancha'l re nabey y re ruq'uisibal letra.

San Juan 8:58

Pero re Jesús xubij chique re achi'a' re': Can katzij nimbij chiva che yen can yinc'o-va-pa, tak c'amaje-na rutzijol che nalax re Abraham, xcha'.

Filipenses 4:20

Re Karta' Dios can c'o ruk'ij chin nojel tiempo. Amén.

Santiago 1:17

Roma chila' chicaj riq'uin re Dios, ronojel otz nika-pa. Riq'uin reja' pitinak-va ronojel re sakil. Ancha'l re k'ij, re ic' y re ch'umil, re niquijalala-qui' ronojel tiempo. Y xa can xe c'a re Dios re man nujal-ta-ri'.

1 Juan 1:7

Re Dios can c'o-va pa sakil, y vo xa yoj chupan re kac'aslen yojbiyin pa sakil, can junan kavach quiq'uin re quiniman chic re Jesucristo re Ruc'ajol re Dios. Y chuka' re ruq'uiq'uel re Jesucristo nulisaj ronojel re kamac.

1 Juan 4:12

Roma vo xa nakajo-ki', can k'alaj che re Dios c'o pa tak kánma, astapa' reja' man nitz'et-ta. Y chuka' reja' roma camas nijovan nuban chuka' chaka yoj che camas yojovan.