Tito 3:5 - Kaqchikel Santo Domingo (Xenacoj)

⁵ xojrukal pe pa ruqꞌaꞌ ri mak. Y keriꞌ xubꞌen, pero ma roma ta kꞌo utz qabꞌanaloꞌon pe, xa kin roma xujoyowaj qawech, y xubꞌen chꞌajchꞌaj chaqe roma xuyaꞌ jun kꞌakꞌakꞌ qalaxik, y xujel ri qakꞌaslen roma ri samaj ndubꞌen ri Espíritu Santo pa qánima.

နောက်ထပ်ဗားရှင်းများ

Kaqchikel Santa Maria de Jesus

⁵ antok xojrucol chupan ri ka-pecados. Pero man ruma ta chi cꞌo otz kabꞌanun. Jajaꞌ xojrucol ruma xujoyovaj kavach y xuꞌon chika chi incheꞌl xojalax chic jun bꞌay ruma sak xuꞌon cha ri kánima. Y xuꞌon cꞌacꞌacꞌ cha ri kacꞌaslien, ruma ri Espíritu Santo xuoc riqꞌuin kánima.

Kaqchiquel Bible

⁵ rija' xojrukol k'a pe chupan ri qamak. Man roma ta yalan choj ri k'aslen qak'uan toq xojrukol-pe, xa kan roma xujoyowaj qawech. Roma ri rusamaj ri Loq'olej Espíritu, xuch'ej ri qánima, xojruch'ajch'ojirisaj y xuya' jun k'ak'a' k'aslen chiqe.

Kaqchikel Central Guatemala

⁵ Rija' xojrucol c'a pe chupan ri kamac. Man roma ta yalan choj ri kac'aslen kac'uan tok xojrucol-pe. Man que ta ri'. Xa can roma xujoyovaj kavech, y roma xuch'ajch'ojirisaj ri kac'aslen. Jun c'ac'a' c'aslen xuya' chike. Ri Lok'olej Espíritu xoc pa tak kánima. Y riq'uin ri' xjalatej ri kac'aslen.

Re C'ac'a Testamento pa Kach'abal

⁵ Reja' xojrucol-pa chupan re kamac, pero man roma-ta che camas choj re kac'aslen kac'uan. Man quire-ta. Xa roma xujoyovaj kavach, y roma xuch'ojersaj re kac'aslen. Jun c'ac'a c'aslen xuya' chaka. Re Espíritu Santo xoc pa tak kánma. Y riq'uin re' xjalataj re kac'aslen.

Kaqchikel Western Solola

⁵ tek xojrucol pe chupan ri kamac. Ma ruma ta chi c'o utz kabanon. Ma que ta ri'. Xa ruma xujoyowaj kawech. Y riche (rixin) chi xojrucol can xuben chake chi achi'el xojalex chic jun bey ruma ch'ajch'oj xuben chare ri kánima. Y xuben chuka' c'ac'ac' chare ri kac'aslen, ruma ri Lok'olaj Espíritu xoc pa tak kánima.

Tito 3:5 ပူးပေါင်းရင်းမြစ်များ

San Mateo 3:11

Qetzij wi chi riyin chare yaꞌ ngixinbꞌen bautizar, retal chi iyoꞌon kan ri mak y tzolijneq pe iwánima rikꞌin ri Dios. Pero chuwij riyin nduqaqa Jun ri más kꞌo uchuqꞌaꞌ pa ruqꞌaꞌ ke chinuwech riyin y nixta rukꞌulun chi ja ok riyin nginelesan e ri ruxajabꞌ chiraqen. Rijaꞌ kin xkixrubꞌen bautizar chare ri Espíritu Santo y chare qꞌaqꞌ.

San Lucas 1:50

Y ndujoyowaj kiwech konojel tzaq wineq ri ngekꞌojeꞌ chochꞌulew Ri kin kꞌo ruqꞌij rijaꞌ pa kiwech.

San Lucas 1:54

Rijaꞌ xuqaqa chutoꞌik ri tinamit Israel ri rusamajel, Porque ma rumestan ta chi ruyoꞌon rutzij chi jumul ndujoyowaj ruwech ri tinamit riꞌ,

San Lucas 1:72

Chin ndukꞌut chi rujoyowan kiwech ri ojer teq qatit-qamamaꞌ, Y chi ma rumestan ta ri loqꞌolej pacto rubꞌanun.

San Lucas 1:78

Y keriꞌ ndubꞌen ri qa-Dios, roma santienta ngojrajoꞌ y ndujoyowaj qawech. Roma kꞌa riꞌ, rijaꞌ chikaj nduteq pe ri Jun ri kin nduruyikꞌaj kikꞌaslen ri rutinamit achel ndiyikꞌan ri qꞌij atoq ndeꞌel pe.

Romanos 11:14

Keriꞌ nibꞌen chin rikꞌin ta riꞌ, ri nuwinaqul israelitas ndikirayij ri ruyoꞌon ri Dios chiwa rix, y ekꞌo ta jujun chikikajal ngekolotej.

Romanos 11:6

Y ri xojchaꞌox, ma roma ta kꞌo utzulej teq achike xeqabꞌanalaꞌ, porque xa ta xojchaꞌox roma kꞌo utz qabꞌanaloꞌon pe, ri favor yoꞌon pa qawiꞌ chi xojchaꞌox, man ta ndiqꞌalajin chi favor ruyoꞌon pe ri Dios.

Romanos 12:2

Ma tibꞌen rix achel ndikibꞌen ri wineq bꞌaneq kánima chirij ri ndusuj ri rochꞌulew, xa kin tiyaꞌ qꞌij chare ri Dios chi tuyaꞌ jun kꞌakꞌakꞌ nojibꞌel chiwa chin ndijalatej ri ikꞌaslen, y keriꞌ ndiwetamaj ri rurayibꞌel ri Dios, rayibꞌel ri kin utz, kin tzꞌaqet y kin ndiqaꞌ chuwech chi ndibꞌan.

Romanos 3:20

Roma kꞌa riꞌ, maske jun wineq ndubꞌen ri ndubꞌij ri ley, ma roma ta riꞌ ma jun rumak ndireqalej chuwech ri Dios, porque ri ley ndukꞌut chiqawech chi roj qonojel roj aj mak.

Romanos 3:28

Porque roj qataqin chi jun wineq nixta jun rumak ndireqalej chuwech ri Dios kin xe roma ndutaqij ri Cristo, y ma roma ta ndubꞌen ri ndubꞌij ri ley. Porque nixta jun nditiker ndubꞌen nojel ri ndubꞌij ri ley.

Romanos 4:5

Jakꞌa jun wineq ri ndutaqij ri Dios, kin ndibꞌan chare chi nixta jun rumak ndireqalej chuwech, maske ma jun utz rubꞌanun chin ta rukꞌulun chi ndibꞌan keriꞌ chare. Y keriꞌ ndibꞌan chare, porque ri Dios hasta chake ri wineq maneq Dios pa kiwech, ndubꞌen chi nixta jun kimak ndikeqalej chuwech atoq ndikitaqij rijaꞌ.

Romanos 9:11

Porque atoq kꞌajani keꞌalex ri tioxiꞌ ralkꞌuaꞌl ri Isaac, y kꞌajani tikibꞌen ri utz o ma utz ta, ri Dios xuchaꞌ jun chikiwech ri kaꞌiꞌ akꞌolaꞌ, y chiriꞌ nditzꞌetetej chi pa ruqꞌaꞌ ri Dios kꞌo chin ngeruchaꞌ ri ngeꞌok ralkꞌuaꞌl.

Romanos 9:16

Y rikꞌin ri keriꞌ xubꞌij, nditzꞌetetej chi ma roma ta jun wineq ndirajoꞌ o nduxikꞌ riꞌ, roma ta riꞌ ndijoyowex ruwech roma ri Dios. Ndijoyowex ruwech xa kin xe roma ri Dios ndirajoꞌ ndujoyowaj ruwech.

Romanos 9:30

¿Achike ndiqabꞌij pa ruwiꞌ nojel reꞌ? Nojel reꞌ ndukꞌut chiqawech chi ri ma israelitas ta, maske ma ndikitij ta kiqꞌij chi nixta jun kimak ndikeqalej chuwech ri Dios, kin ja yan chik rejeꞌ xkil chi nixta jun kimak ndikeqalej chuwech, y riꞌ roma xkitaqij ri Jesucristo.

1 Corintios 6:11

Y ekꞌo jujun chiꞌikajal ri keriꞌ kikꞌaslen jumbꞌey kan, pero wokami chꞌajon ri ikꞌaslen, chꞌajchꞌojrisan ri iwánima, y bꞌanun chiwa chi nixta jun chik mak iweqalen chuwech ri Dios. Nojel re favor reꞌ yoꞌon chiwa roma ruchuqꞌaꞌ ri Ajaw Jesucristo y roma chuqaꞌ ri rubꞌanun ri Espíritu Santo chin ri qa-Dios pa ikꞌaslen.

Gálatas 2:16

Pero qetaman chuqaꞌ chi jun wineq ma roma ta ndubꞌen ri ndubꞌij chupan ri ley xyoꞌox chare ri Moisés, kin ta romariꞌ nixta jun rumak ndireqalej chuwech ri Dios, xa kin roma ndutaqij ri Jesucristo. Y roma chuqaꞌ riꞌ, roj israelitas xqataqij ri Cristo Jesús, chin keriꞌ nixta jun qamak qeqalen chuwech ri Dios, y riꞌ ma roma ta ndiqabꞌen ri ndubꞌij ri ley. Porque nixta jun wineq roma ta ndubꞌen ri ndubꞌij ri ley, ma jun rumak ndireqalej chuwech ri Dios.

Efesios 2:4

Pero ri Dios ri kin santienta ndijoyowan, xojrajoꞌ rikꞌin ri nimalej rajowabꞌel rijaꞌ.

Efesios 4:23

Rix xixtijox chuqaꞌ chi ndikꞌatzin ndiyaꞌ qꞌij chare ri Espíritu Santo chin nduyaꞌ jun kꞌakꞌakꞌ nojibꞌel chiwa chin ndijalatej ri ikꞌaslen, y keriꞌ pa ruchojmil ngixnojin pa ruwiꞌ nojel.

Efesios 5:26

Y achel ndikusex ri yaꞌ chin ndibꞌan chꞌajchꞌaj chare jun achike, ri Cristo ja ri rutzij ri Dios xukusaj chin xuchꞌajchꞌojrisaj ri qakꞌaslen, chin keriꞌ xubꞌen loqꞌolej chaqe,

Colosenses 3:10

Wokami tiweqaꞌ ri ikꞌaslen rikꞌin ri kꞌakꞌakꞌ kꞌaslen ruyoꞌon ri Dios chiwa. Ri kꞌaslen riꞌ ndubꞌen chare ri ikꞌaslen chi qꞌij-qꞌij ndijalatej bꞌaneq, y más utz ndubꞌen pe chin ndok ri inoꞌoj achel runoꞌoj ri bꞌanayon iwichin. Y keriꞌ ndiwetamaj utz-utz nojel ri achike rijaꞌ.

2 Timoteo 1:9

Ri Dios xojrukal, y xojroyoj chin ndiqakꞌuaj jun chꞌajchꞌaj kꞌaslen. Rijaꞌ xojroyoj ma roma ta chi kꞌo utz qabꞌanun. Xa kin roma ri nimalej ru-favor rijaꞌ, y roma chuqaꞌ keriꞌ runojin pe xe pa nabꞌey atoq kꞌajani tubꞌen ri rochꞌulew. Xe jampeꞌ atoq riꞌ runojin chi nduyaꞌ ru-favor chaqe roj ri xe jun qabꞌanun rikꞌin ri Cristo Jesús.

Tito 3:4

Pero atoq ri Dios ri Qakolonel xuqꞌalajrisaj ri utzulej runoꞌoj y xuqꞌalajrisaj chuqaꞌ chi ngerajoꞌ konojel wineq,

Hebreos 10:22

Romariꞌ qojjel apu chuwech ri Dios rikꞌin nojel qánima y ma kaꞌiꞌ qakꞌuꞌx tiqabꞌen, y kin ta chꞌajchꞌojrisan ri qánima chuwech ri itzel ndiqanaꞌ chare roma ri ma utz ta eqabꞌanaloꞌon pe, y kin ta chꞌajon ri qa-cuerpo rikꞌin loꞌx yaꞌ.

Hebreos 4:16

Y roma chikaj kꞌo wi ri más nimalej ruqꞌij qa-Sacerdote, kuqul qakꞌuꞌx tiqakꞌutuj qatoꞌik chare ri Dios ri tzꞌuyul pa ru-trono, chin keriꞌ ndiqil rujoyowaxik qawech y ri ru-favor ri Dios atoq ndikꞌatzin chaqe.

Hebreos 6:6

si rejeꞌ maske bꞌanun nojel reꞌ kikꞌin, xkimalij kan ri Dios, maneq cheꞌel xtitzolix chi pe kánima rikꞌin ri Dios, porque xa castigo ndikoyoj chikij roma xa achel ndikibꞌajij chik jumbꞌey ri Rukꞌajol ri Dios cho cruz y ndikikꞌixbꞌisaj chikiwech ri wineq.

1 Pedro 1:3

Kin ta xtiyoꞌox ruqꞌij ri Dios, ri ru-Dios y Rutataꞌ ri Qajaw Jesucristo, ke roma ri nimalej rujoyowaxik qawech, xubꞌen chi xojalex chik jumbꞌey, roma ri Jesucristo xkꞌastajbꞌex pe chikikajal ri animaꞌiꞌ. Reꞌ ndubꞌen chaqe chi kuqul qakꞌuꞌx qoyobꞌen ri rusujun kan.

1 Pedro 2:10

Rix jumbꞌey kan, nixta rix rutinamit ri Dios, pero wokami rix rutinamit. Jumbꞌey kan, ri Dios ma rujoyowan ta iwech, pero wokami kin rujoyowan iwech.

1 Pedro 3:21

Y achel xkibꞌen ri wineq ojer ri xkikal kiꞌ chupan ri yaꞌ, roj wokami ndiqabꞌen bautizar qiꞌ, chin ndiqakꞌut chi xojkolotej yan chuwech ri castigo nduyaꞌ ri Dios. Ri bautismo ma chin ta nduchꞌajchꞌojrisaj ri qa-cuerpo. Ri bautismo ndukꞌut chi ndiqajoꞌ chi jumul utz rubꞌanun ri qánima chuwech ri Dios, y chi rijaꞌ roj rukolon roma ri Jesucristo xkꞌastej pe chikikajal ri animaꞌiꞌ.