Tito 3:12 - Kaqchikel Santo Domingo (Xenacoj)

¹² Atoq niteq e ri hermano Artemas o ri hermano Tíquico apeꞌ ratkꞌo, chimanchiꞌ kabꞌiyin chinukꞌulik pa tinamit Nicópolis, porque nubꞌanun ruwech chi chiriꞌ niqꞌasaj ri tiempo chin tew.

နောက်ထပ်ဗားရှင်းများ

Kaqchikel Santa Maria de Jesus

¹² Y inreꞌ xtintak-el ri hermano Artemas o ri hermano Tíquico aviqꞌuin. Y antok xtiꞌka aviqꞌuin jun chiquivach ijejeꞌ, tatijaꞌ akꞌij chi ncapa tanamet Nicópolis. Ruma nubꞌanun pensar chi nquibꞌacꞌujieꞌ chireꞌ pa ru-tiempo ri jobꞌ.

Kaqchiquel Bible

¹² Y yin xtinteq-el ri Artemas awik'in ó ri Tíquico. Y toq xtapon awik'in, tatija' aq'ij chi yinabewila' pa tinamit Nicópolis, roma nuch'obon chi yibek'oje' chiri' chupan ri q'ij richin tew.

Kaqchikel Central Guatemala

¹² Y yin xtintek-el ri kach'alal Artemas aviq'uin o ri kach'alal Tíquico. Y tok xtapon aviq'uin jun chique rije', tatija' ak'ij yabe pa tinamit Nicópolis. Roma nuch'obon chi yibec'oje' chiri' ri tiempo richin tef.

Re C'ac'a Testamento pa Kach'abal

¹² Y yen xtintak-a re hermano Artemas aviq'uin o re hermano Tíquico. Y tak xtapon aviq'uin jun chique reje', can tatija' ak'ij yaba pa tenemit Nicópolis. Roma yen ninojin che yinc'ue' chire' pa Nicópolis chupan re tiempo chin tef.

Kaqchikel Western Solola

¹² Y riyin xtintek el ri kach'alal Artemas awuq'ui o ri kach'alal Tíquico. Y tek xtapon awuq'ui jun chique riye', chanin yape pa tinamit Nicópolis. Ruma nch'obon chi yibec'oje' chiri' pa ruk'ijul ri job.

Tito 3:12 ပူးပေါင်းရင်းမြစ်များ

Hechos 20:4

Ri xkachibꞌilaj e ri Pablo atoq xel pe pa rochꞌulew Grecia, ja ri Sópatro rukꞌajol jun achi rubꞌiniꞌan Pirro aj tinamit Berea, ekaꞌiꞌ aj tinamit Tesalónica kibꞌiniꞌan Aristarco y Segundo, ri Gayo aj tinamit Derbe, ri Timoteo y ekaꞌiꞌ aj rochꞌulew Asia kibꞌiniꞌan Tíquico y Trófimo.

1 Corintios 16:6

Nuyoꞌon pa wánima chi niwojoꞌ ngibꞌekꞌojeꞌ jun jarupeꞌ qꞌij iwikꞌin o xtinqꞌasaj ri tiempo chin tew chiriꞌ. Y keriꞌ, atoq nuqꞌasan chik ri tiempo chiriꞌ chiꞌikajal, rix nginitoꞌ e rikꞌin ri ndikꞌatzin chuwa atoq xtintzꞌen chi e nubꞌey apeꞌ na xkibꞌa.

Efesios 6:21

Ri hermano Tíquico ri tzꞌan niwojoꞌ nderutzijoj chiwa ri rubꞌanun ri nukꞌaslen, y ri ax cheꞌel yinkꞌo. Rijaꞌ xe jun rubꞌanun rikꞌin ri Ajaw y rikꞌin nojel ránima ndubꞌen rusamaj ri Ajaw.

Colosenses 4:7

Ri hermano Tíquico ri tzꞌan niwojoꞌ nderuyaꞌ rutzijol chiwa nojel ri achike rubꞌanun ri nukꞌaslen. Rijaꞌ jun wachibꞌil ri kin rikꞌin nojel ránima ndubꞌen rusamaj ri Ajaw.

2 Timoteo 4:12

Xinteq chuqaꞌ ri hermano Tíquico pa tinamit Éfeso.

2 Timoteo 4:21

Y rat Timoteo, tatijaꞌ aqꞌij kapuꞌun waweꞌ apeꞌ yinkꞌo, nabꞌey chi nditzꞌukutej pe ri tiempo chin tew. Ndikiteq ruxunaqil awech ri hermano Eubulo, keriꞌ chuqaꞌ ri Pudente, ri Lino, ri Claudia, y konojel ri hermanos waweꞌ.

2 Timoteo 4:9

Rat Timoteo, tatijaꞌ aqꞌij chi nganuꞌatzꞌetaꞌ yan.