Tito 2:2 - Kaqchikel Santo Domingo (Xenacoj)

² Ri rijilej teq achiꞌaꞌ ndikꞌatzin chi kereꞌ ndiqꞌalajin pa kikꞌaslen: Ketaman ndikijekꞌ kiꞌ rikꞌin ri ndikibꞌij y ri ndikibꞌen, ndikikꞌuaj jun kꞌaslen ri utz nditzꞌetetej koma ri wineq, ndikinojij utz-utz ri ndikibꞌen, kuqul kikꞌuꞌx rikꞌin ri utzulej teq tijonik ruyoꞌon ri Dios ri kꞌutun kan chikiwech, ngeꞌojowan y ngekochꞌon chupan ri kꞌayew ndikiqꞌasaj pa kikꞌaslen.

နောက်ထပ်ဗားရှင်းများ

Kaqchikel Santa Maria de Jesus

² Ri chꞌitak mámix can ta niquiꞌan pensar otz ri ncaꞌquiꞌan, nicꞌatzin chi niquicꞌuaj jun utzulaj cꞌaslien chiquivach ri vinak, y niquiꞌan ta pensar otz ri niquiꞌan chi quireꞌ man niquiyaꞌ ta lugar cha ri pecado, can choj caꞌcꞌujieꞌ chupan ri cukbꞌal cꞌuꞌx, can ticꞌujieꞌ ri amor quiqꞌuin y ticꞌujieꞌ qui-paciencia.

Kaqchiquel Bible

² Ke'atijoj ri rijita'q taq achi'a' richin kan ta nikina' jebel ri yekiben, nikiben ta ronojel ri ruk'amon, y kan nikiq'et ta ki' chubanik ronojel ri man ruk'amon ta, kan ta k'o janila kuqubabel-k'u'x kik'in, janila ajowabel, y janila koch'onik chupan ri ruk'ayewal.

Kaqchikel Central Guatemala

² Ri rijita'k tak achi'a' can ta niquina' jebel ri yequiben, conojel ta yeyo'on quik'ij, man ta niquiya' k'ij chire ri mac, tiquicukuba' quic'u'x riq'uin ri kitzij tijonic ri kaniman, que'ajovan, y quecoch'on chuka'.

Re C'ac'a Testamento pa Kach'abal

² Re rejeta'k tak achi'a' can-ta niquina' jabal re ye'quiban, conojel-ta ye'yi'o quik'ij, man-ta niquiya' k'ij cha re mac, tiquibana' confiar-qui' riq'uin re otz tak enseñanzas, que'jovan, y que'coch'on chuka'.

Kaqchikel Western Solola

² Ri rijita'k tak achi'a' can tiquich'obo' jabel ri yequiben, nic'atzin chi niquic'uaj jun utzilaj c'aslen chiquiwech ri winek, y can tiquik'ila' qui' chare ri mac, can choj quec'oje' chupan ri quicukbel c'u'x, can tic'oje' ri ajowabel quiq'ui, y can quecoch'on.

Tito 2:2 ပူးပေါင်းရင်းမြစ်များ

Marcos 5:15

Ri wineq riꞌ xebꞌeqaqa chuwech ri Jesús, y ndikitzutzaꞌ ri achi xekꞌojeꞌ seqꞌ teq espíritu pa rukꞌaslen, chi tzꞌuyul, rukusan yan chik rutziaq, y kin pa ruxnaqil yan chik kꞌo. Y ri wineq xkixibꞌij kiꞌ.

San Lucas 8:35

Ja atoq riꞌ ri wineq xeꞌel e chutzꞌetik ri xbꞌanatej y atoq xebꞌeqaqa apeꞌ kꞌo ri Jesús, xkitzꞌet chi ri achi ri xeꞌel e ri seqꞌ teq espíritu pa rukꞌaslen, tzꞌuyul chiraqen ri Jesús, rukusan yan chik rutziaq y kin pa ruxnaqil yan chik kꞌo. Y ri wineq xkixibꞌij kiꞌ.

Hechos 24:25

Pero atoq ri Pablo xubꞌij chi ndikꞌatzin ndakꞌuaj jun chojmilej kꞌaslen, chi ndikꞌatzin ndaqꞌet awiꞌ chikiwech ri itzel teq achike, y chi jun qꞌij más apu chiqawech, ri Dios nduqꞌet tzij pa qawiꞌ roj wineq chin nduyaꞌ rukꞌexel chaqe, ri Félix xuxibꞌij qa riꞌ y xubꞌij chare: Wokami kabꞌiyin, y atoq xtijamajoꞌ jubꞌaꞌ nuwech, ngatinwoyoj chik.

Romanos 12:3

Riyin roma ri favor ruyoꞌon ri Dios pa nuwiꞌ chin nibꞌen ri rusamaj, nibꞌij chiwa chiꞌijununal: Ma tinaꞌ chare chi más nim iqꞌij ke chuwech ri rubꞌanun ri Dios chiwa. Pa rukꞌexel riꞌ, xa kin tinojilaꞌ utz-utz achike rubꞌanun ri ikꞌaslen, y ri ndinojilaꞌ, kin ta rukꞌuan riꞌ rikꞌin ri janipeꞌ rix kꞌiyineq chupan ri kuqubꞌel kꞌuxlaj ruyoꞌon ri Ajaw chiwa chiꞌijununal.

1 Corintios 15:34

Kixnojin chik jumbꞌey pa rubꞌeyal, y ma tibꞌen chik mak. Keriꞌ nibꞌij chiwa, porque ekꞌo jujun chiꞌikajal ri ma ketaman ta runoꞌoj ri Dios, y ri keriꞌ nibꞌij chiwa, xa chin ngixinkꞌixbꞌisaj jubꞌaꞌ.

1 Corintios 9:25

Konojel ri ndikitijlaꞌ kanin pa jun etzꞌanin, ndikijekꞌ kiꞌ chuwech ri ma utz ta ndubꞌen chare ri ki-cuerpo. Keriꞌ ndikibꞌen chin ndikichꞌek jun premio ri xa ndikꞌis, jakꞌa roj ndiqatij qaqꞌij chi ndiqachꞌek jun nimalej rajel-rukꞌexel ri ma ndikꞌis ta.

2 Corintios 5:13

Porque si kꞌo ngojkitzꞌet achel ta ngojchꞌujuyaj, riꞌ kin chin ndiqayaꞌ ruqꞌij ri Dios, pero si ngojtzꞌetetej chi pa ruchojmil ndiqabꞌen rusamaj ri Dios, riꞌ kin chin ndukꞌen pe utz chiwa rix.

Gálatas 5:23

loqꞌ ránima y nditiker nduqꞌet ri ru-cuerpo chuwech ri itzel teq rayinik. Si keriꞌ ri ikꞌaslen ndikꞌuaj, nixta jun ley ri xtubꞌij chiwij chi ma utz ta ri ngixtajin rikꞌin.

Filipenses 4:8

Hermanos, ri jun chik achike niwojoꞌ nibꞌij chiwa, jareꞌ: Kixnojin pa ruwiꞌ ri qetzij, pa ruwiꞌ nojel ri utz chi ndinimrisex rubꞌiꞌ, pa ruwiꞌ nojel ri kin chojmilej chuwech ri Dios, pa ruwiꞌ nojel ri ndukꞌen pe chꞌajchꞌaj kꞌaslen, pa ruwiꞌ chuqaꞌ nojel ri achike utz chi ndibꞌa iwánima chirij, pa ruwiꞌ nojel ri kꞌo utz rutzijol, pa ruwiꞌ ri kꞌo utz ndukꞌen pe chare ri iwánima, y pa ruwiꞌ nojel ri utz chi ndiyoꞌox ruqꞌij.

1 Tesalonicenses 5:6

Romariꞌ ma tiqabꞌen achel ndikibꞌen ri wineq ri kꞌo kikꞌaslen pa qꞌequꞌ ri xa achel ngewer keriꞌ. Qojkꞌaseꞌ pa ruwiꞌ ri qakꞌaslen y tiqabꞌanaꞌ nojel pa quxnaqil.

1 Tesalonicenses 5:8

Pero roj ri roj richin ri qꞌij ri ndiseqresan, tiqabꞌanaꞌ nojel pa quxnaqil, tiqakuqubꞌaꞌ qakꞌuꞌx rikꞌin ri Cristo y tiqajoꞌ qiꞌ chiqawech, porque riꞌ ngojrutoꞌ chin ndiqabꞌen cuenta ri qánima, achel ndubꞌen jun perepik chꞌichꞌ chorukꞌuꞌx jun soldado. Y jumul chuqaꞌ tiqoyobꞌej ri qꞌij atoq ngojkolotej e chin jumul, porque riꞌ ngojrutoꞌ achel jun casco ndutoꞌ rujolon jun soldado.

1 Timoteo 1:10

Xyoꞌox chuqaꞌ koma ri ndikikꞌamalaꞌ qa kiꞌ xa achoq na ikꞌin chin ndikibꞌen mak, ri achiꞌaꞌ ri ndikikꞌamalaꞌ qa kiꞌ chi achiꞌaꞌ chin ndikibꞌen mak, ri ngekitzꞌen wineq chin ngekikꞌayij, ri ngereqꞌon, ri ngeꞌukusan rubꞌiꞌ ri Dios chin ngereqꞌon, y koma chuqaꞌ ri eyakatajneq chirij ri utzulej teq tijonik ruyoꞌon ri Dios,

1 Timoteo 1:14

Pero ri Qajaw tzꞌan favor xuyaꞌ pa nuwiꞌ, y xuyaꞌ pa wánima chi kuqul nukꞌuꞌx rikꞌin y chi nginojowan roma nutaqin ri Cristo Jesús.

1 Timoteo 1:2

Nitzꞌibꞌaj e re wuj reꞌ chawa rat Timoteo, ri kin qetzij rat achel nukꞌajol roma ataqin ri Cristo. Ri Qatataꞌ Dios y ri Qajaw Cristo Jesús kin ta xtikiyaꞌ ki-favor pa awiꞌ, xtikijoyowaj awech, y xtikiyaꞌ uxlanen pa awánima.

1 Timoteo 1:5

Nojel re nuchilabꞌen chawa chi ndabꞌij, chin kin ta konojel ngeꞌojowan rikꞌin chꞌajchꞌaj kánima, chin chuqaꞌ ndikinaꞌ pa kánima chi ma jun mak keqalen chuwech ri Dios, y chin qetzij kuqul kikꞌuꞌx rikꞌin ri Dios.

1 Timoteo 3:11

Keriꞌ chuqaꞌ ri ixoqiꞌ ndikꞌatzin chi kereꞌ ndiqꞌalajin pa kikꞌaslen: Kikꞌuan jun chojmilej kꞌaslen chikiwech ri wineq, man ta chuqaꞌ eꞌixokiꞌ ri ma ndikiqꞌet ta kiꞌ rikꞌin ri kaqꞌ chikij wineq, ketaman ndikiqꞌet kiꞌ rikꞌin ri ngekibꞌanalaꞌ, y kuqul kikꞌuꞌx ri hermanos kikꞌin chi pa ruchojmil ndikibꞌen ri samaj.

1 Timoteo 3:2

Pero ri ukꞌuey bꞌey, ndikꞌatzin chi kereꞌ ndiqꞌalajin pa rukꞌaslen: Man ta jun itzel ndibꞌix chirij ri kꞌaslen rukꞌuan, xaxe jun rixjayil kꞌo, retaman nduqꞌet riꞌ rikꞌin ri ngerubꞌanalaꞌ, kin ndikaney runoꞌoj, kin utz nditzꞌetetej rukꞌaslen koma chꞌaqa chik, jabꞌel ndukꞌen apu kiwech pa rachoch ri epataneq jukꞌan chik apeꞌ, jabꞌel nditiker nduyaꞌ tijonik pa ruwiꞌ ri rutzij ri Dios,

1 Timoteo 3:4

Ndikꞌatzin chuqaꞌ chi utzulej ukꞌuey bꞌey chikiwech ri aj pa rachoch, y chi ri eralkꞌuaꞌl ndikinimaj rutzij y kikꞌuan jun chojmilej kꞌaslen.

1 Timoteo 3:8

Y keriꞌ chuqaꞌ ri diáconos, jareꞌ rubꞌeyal kikꞌaslen ndikꞌatzin ndikikꞌuaj: Ndikꞌatzin chi chojmilej kikꞌaslen, ma kaꞌiꞌ ta ruwech kitzij ndikiyaꞌ, ndikiqꞌet kiꞌ chuwech rutijik yaꞌ, y ma bꞌaneq ta kánima chirij rubꞌanik itzel teq achike chuchꞌakik méra.

1 Timoteo 5:1

Si jun hermano rijilej chi ok y ma ja ta ndajin rikꞌin, ma tachꞌolij, xa relik tapixabꞌaj, achel kin ta chare atataꞌ ngachꞌaꞌa keriꞌ. Y keriꞌ chuqaꞌ ri kꞌajolaꞌ, kaꞌapixabꞌaj achel kin ta achaqꞌ-animal awiꞌ kikꞌin keriꞌ.

Tito 1:13

Y kin qetzij ri xubꞌij kan. Roma kꞌa riꞌ, rat Tito, kaꞌachꞌolij chin tikiyaꞌ kan nojel ri tijonik ri ma pa rubꞌeyal ta y tikitaqij ri qetzij.

Tito 1:8

Ndikꞌatzin chuqaꞌ chi jabꞌel ndukꞌen apu kiwech pa rachoch ri epataneq jukꞌan chik apeꞌ, bꞌaneq ránima chubꞌanik ri utz, ndunojij utz-utz ri ndubꞌen, rukꞌuan jun chojmilej kꞌaslen, chꞌajchꞌaj rukꞌaslen, y nditiker nduqꞌet riꞌ chuwech ri mak.

Tito 2:7

Y nojel ri ndabꞌen, takꞌutuꞌ rikꞌin ri akꞌaslen ri utz ri ndikꞌatzin chi ndikibꞌen ri kitaqin ri Ajaw. Y atoq ngaꞌatijoj rikꞌin ri rutzij ri Dios, kin pa ruchojmil tayaꞌ ri tijonik, y tiqꞌalajin chuqaꞌ chi kin kꞌo reqalen ri ndabꞌij.

Filemón 1:9

pero ma niwojoꞌ ta nibꞌen mandar chawa. Xa más utz nikꞌutuj kamelal chawa roma ri ajowabꞌel chin ri Ajaw kꞌo pa qánima. Takꞌuxlaꞌaj chi yin rijilej chik achi, y pa ruwiꞌ riꞌ, wokami chuqaꞌ yin tzꞌapel pa cheꞌ roma nitzijoj ri rutzij ri Cristo Jesús.

1 Pedro 1:13

Roma kꞌa riꞌ, utz rukusaxik tibꞌanaꞌ ri inojibꞌal, y kin pa iwuxnaqil tibꞌanaꞌ nojel. Nojel iwánima tiwoyobꞌej ri favor rusujun ri Dios chin nduyaꞌ chiwa chupan ri qꞌij atoq nduruqꞌalajrisaj chik riꞌ ri Jesucristo.

1 Pedro 4:7

Ri rukꞌisibꞌel chin nojel ri ndajin chochꞌulew nduqaqa yan, romariꞌ titzꞌetaꞌ utz-utz ri ndibꞌen pa ikꞌaslen, y titijaꞌ iqꞌij chi jumul ndibꞌen orar.

1 Pedro 5:8

Pa iwuxnaqil tibꞌanaꞌ nojel y tichajij utz-utz ri ikꞌaslen, porque ri itzel royowal chiwa, y achel jun koj ndisikꞌin ndukanoj achike ta jun nduqetzelaꞌ chi eyaj.

2 Pedro 1:6

Y pa ruwiꞌ ngixkꞌoxoman utz-utz, ndiqꞌet chuqaꞌ iwiꞌ chuwech ri mak, y pa ruwiꞌ ndiqꞌet iwiꞌ chuwech ri mak, ngixkochꞌon, y pa ruwiꞌ ngixkochꞌon, ndikꞌuaj jun kꞌaslen achel ndirajoꞌ ri Dios,