Tito 1:10 - Kaqchikel Santo Domingo (Xenacoj)

¹⁰ Porque ekꞌiy ri eyakatajneq chirij ri utzulej tijonik y ndikikꞌut tzij ri ma jun keqalen ri achoq kikꞌin ngechꞌakatin. Y ri más ngebꞌanun keriꞌ ja ri nuwinaqul israelitas ri ngebꞌiꞌin chi ri ndikajoꞌ ngekolotej, ndikꞌatzin chi ndikibꞌen circuncidar kiꞌ.

နောက်ထပ်ဗားရှင်းများ

Kaqchikel Santa Maria de Jesus

¹⁰ Ruma icꞌo iqꞌuiy ri man ncaꞌniman ta tzij. Joꞌc tzij ri man jun quikalien niquitzijuoj y ncaꞌquiꞌan maña chica ri vinak. Y ri más ncaꞌbꞌano quireꞌ, ja ri ncaꞌeꞌn chi tiꞌan ri circuncisión chica ri hermanos achiꞌaꞌ.

Kaqchiquel Bible

¹⁰ Roma ek'o e k'iy ri man yeniman ta tzij. Ri winaqi' ri' nikitzijoj ch'abel ri man jun rejqalen y kan yekiq'ol ri ch'aqa' chik winaqi'. Y chikikojol rije' ek'o nuwinaq judío.

Kaqchikel Central Guatemala

¹⁰ Roma e q'uiy ri man yeniman ta tzij. Y chiquicojol rije' ec'o-vi ri yebin chi c'o chi niban ri circuncisión chique richin yecolotej. Ja ri tzij ri que tak ri', ri xa man jun quejkalen. Y yequik'ol ri vinek.

Re C'ac'a Testamento pa Kach'abal

¹⁰ Roma je q'uiy re man ye'niman-ta tzij. Y chiquicojol reje' jec'o-va re ye'bin che tiene que niban re circuncisión chique chin ye'colotaj chach re quimac. Ja tzij qui tak re', re xa man jun quijkalen. Y ye'quik'ol re vinak.

Kaqchikel Western Solola

¹⁰ Ruma yec'o ye q'uiy ri ma yeniman ta tzij. Ri winek ri' niquitzijoj ch'abel ri majun rejkalen y can yequik'ol wi ri winek. Y ri más yebano queri', xa ye ri nuwinak aj Israel ri yebin chi ri kach'alal achi'a' can rajawaxic chi niban ri circuncisión chique riche (rixin) chi yecolotej.

Tito 1:10 ပူးပေါင်းရင်းမြစ်များ

San Mateo 23:14

¡Juyo iwech rix tijonelaꞌ chin ri ley y rix fariseos, ri xa kaꞌiꞌ ipalej! Porque chikiqꞌaꞌ ri malkaꞌ teq ixoqiꞌ ndiwelesaj nojel ri kichajin, y chin ma kixnabꞌex chi rix machꞌikilik, layaj ndibꞌen orar. Y roma ri keriꞌ ndibꞌen, más nim castigo ndiyoꞌox chiwa.

Hechos 11:2

Y atoq ri Pedro xbꞌa chi e pa tinamit Jerusalén, xbꞌix chare koma ri israelitas ri kitaqin ri Ajaw chi ma utz ta ri xubꞌen,

Hechos 15:1

Pero jujun teq israelitas chin ri rochꞌulew Judea xebꞌeqaqa pa tinamit Antioquía, y chupan ri tijonik ndikiyaꞌ chake ri hermanos kereꞌ ndikibꞌij: Si ma ndibꞌen ta circuncidar iwiꞌ achel ndubꞌij ri ley xyoꞌox chare ri Moisés, maneq cheꞌel ngixkolotej, ngechajeꞌ.

Hechos 15:24

Xuqaqa rutzijol qikꞌin chi jujun teq achiꞌaꞌ ri ekꞌo chiqakajal xbꞌekitzijoj jun tijonik ri xubꞌen chiwa chi ma utz ta xinaꞌ y xusuqꞌ inoꞌoj. Pero ri wineq riꞌ, ma roj ta taqayon e kichin.

Hechos 20:29

Riyin wetaman chi atoq ma yinkꞌo chi ta chiꞌikajal, ngetuqaqa wineq chiꞌikajal ri eꞌachel utiwaꞌ, ri ma ngekipoqonaj ta kiwech ri hermanos ri eꞌachel karneꞌl chin ri Dios.

Gálatas 2:4

Ri Tito kin ma xbꞌan ta wi circuncidar, maske ekꞌo jujun achiꞌaꞌ ri xkajoꞌ keriꞌ. Rejeꞌ chilaqꞌel xeꞌok chiqakajal y kiqꞌabꞌan kiꞌ chi e-hermanos, pero xaxe chin ndikinachaj ri ndiqabꞌen roj ri xe jun qabꞌanun rikꞌin ri Cristo Jesús, si ndiqabꞌen o naq ri ndubꞌij ri ley xyoꞌox chare ri Moisés, roma xkajoꞌ xojkiyaꞌ chik chuxeꞌ ruchuqꞌaꞌ ri ley riꞌ.

Gálatas 3:1

Rix aj rochꞌulew Galacia, xa rix achel nakaneq teq wineq keriꞌ. ¿Achike xchꞌakatin iwichin chin ma nditaqij ta chik ri qetzij? Rix hasta xkꞌut chiwech chin xitzꞌet rikꞌin iwech ri achike rubꞌanik xbꞌan chare ri Jesucristo atoq xkamisex cho cruz.

Efesios 4:14

Chin keriꞌ, ma roj chi ta achel ri ma ekꞌiyineq ta pa kikꞌaslen chiraqen ri Dios. Porque rejeꞌ xa achike na ndikitaqij, y ngeꞌukꞌuꞌex roma jalajaj teq tijonik ri ma eqetzij ta ri ngekiyaꞌ achiꞌaꞌ ri kin ketaman ndikikanoj rubꞌeyal chin ngechꞌakatin.

1 Timoteo 1:4

y chi ma tikiyaꞌ kixikin rikꞌin tzij ri ngetzijox pa kiwiꞌ ri tzaq teq wineq ri xekꞌojeꞌ e chochꞌulew ojer, tzij ri eyoꞌon qa ruqꞌa-raqen, y ma jumbꞌey ngekꞌis, ri ndikibꞌen chake ri wineq chi ndikichuquchaꞌ kiꞌ pa ruwiꞌ ri xa ma jun reqalen. Tzij achel riꞌ ma ngerutoꞌ ta ri wineq chin ta más ndikikuqubꞌaꞌ kikꞌuꞌx rikꞌin ri Dios chubꞌanik ri ndirajoꞌ rijaꞌ.

1 Timoteo 1:6

Porque ekꞌo jujun sachineq chikiwech chi jariꞌ ri ndirajoꞌ ri Dios chake, y xa xbꞌa kánima chirij tzij ri ma jun utz ndukꞌen pe.

1 Timoteo 1:9

Porque ri Dios xuyaꞌ pe ri ley ma koma ta ri wineq chojmilej kikꞌaslen, xa xuyaꞌ pe koma ri ngeqꞌajo ruwiꞌ ri ley, koma chuqaꞌ ri ma ngeniman ta, koma ri maneq Dios pa kiwech, ri ngebꞌanun mak, ri ngeqasan ruqꞌij rubꞌiꞌ ri Dios y ma jun reqalen ndikibꞌen chare, ri ndikikamisaj ri kitataꞌ, ri ndikikamisaj ri kiteꞌ, ri ndikikamisaj xa achike na chi wineq.

2 Timoteo 3:13

Pero ri wineq itzel kinoꞌoj y echꞌakatinelaꞌ, más itzel ndubꞌen qa ri kinoꞌoj. Ngekichꞌakatij ri wineq, y rejeꞌ chuqaꞌ ngechꞌakatix.

2 Timoteo 4:4

Ri tiempo riꞌ, ri wineq xa ndikiyaꞌ kan rokacheq chuwech ri qetzij, chin ndikiyaꞌ kixikin rikꞌin tzꞌukun y nojin teq tzij eyoꞌon qa ruqꞌa-raqen.

Tito 1:6

Y jun ri ndok ukꞌuey bꞌey chikiwech ri ndikimal kiꞌ pa rubꞌiꞌ ri Dios, ndikꞌatzin chi rukꞌuan jun chojmilej kꞌaslen, chin keriꞌ ma jun itzel ndilitej pa rukꞌaslen. Y ndikꞌatzin chi xaxe jun rixjayil kꞌo y chi kitaqin chuqaꞌ ri Jesucristo ri eralkꞌuaꞌl, y man ta ndibꞌix chikij ri eralkꞌuaꞌl chi kikꞌuan xa apux chi kꞌaslen o ma ngeniman ta.

Santiago 1:26

Si kꞌo jun ndunojij chi qetzij runiman ri Ajaw, pero xa ma nduqꞌet ta riꞌ rikꞌin ri ngerubꞌilaꞌ, xa ruyon chuwech nduchꞌakatij qa riꞌ, y ma qetzij ta ri ndunojij chi runiman ri Ajaw.

1 Juan 2:18

Rix ri kin achel chꞌuteq wíta akꞌolaꞌ keriꞌ, iwetaman chi rojkꞌo chik chupan ri rukꞌisibꞌel tiempo chin ri rochꞌulew. Y achel iwakꞌaxan chi nduqaqa ri jun ri ndiyakatej chirij ri Cristo, wokami ekꞌiy chik ri eyakatajneq chirij ri Cristo, romariꞌ qetaman chi xa rojkꞌo chik chupan ri rukꞌisibꞌel tiempo chin ri rochꞌulew.

1 Juan 2:4

Pero si kꞌo jun ndubꞌij chi retaman runoꞌoj ri Dios, y ma ndubꞌen ta ri ndubꞌij ri ru-mandamientos, xa ndireqꞌon y maneq ri qetzij pa ránima.

1 Juan 4:1

Rix ri tzꞌan ngixinwojoꞌ, nibꞌij chiwa chi nabꞌey keꞌitojtobꞌej ri ngebꞌiꞌin chi rikꞌin ri Dios pataneq ri ndikibꞌij, chin nditzꞌet si qetzij ri ndikibꞌij o xa eꞌukꞌuan roma jun espíritu ri ma richin ta ri Dios. Keriꞌ nibꞌij chiwa porque chochꞌulew ebꞌaneq ekꞌiy ri ndikiqꞌabꞌaj kiꞌ chi eru-profetas ri Dios.

Apocalipsis 2:14

Pero ekꞌo achike pa akꞌaslen ri ma ndiqaꞌ ta chinuwech, roma ayoꞌon qꞌij chi ekꞌo jujun chiꞌikajal ri koqan rutijonik ri Balaam, ri xukꞌut chuwech ri Balac achike rubꞌeyal xubꞌen chake ri israelitas chin xkiyaꞌ kan ri Dios. Ri Balaam xubꞌij chare chi kerutaqchiꞌij ri israelitas chin ndikikꞌux ri rikil sujun chikiwech tiox, y kerutaqchiꞌij chuqaꞌ chin ndikikꞌamalaꞌ qa kiꞌ xa achoq na ikꞌin chin ndikibꞌen mak.

Apocalipsis 2:6

Pero kꞌa kꞌo achike ri ndabꞌen pa akꞌaslen ri ndiqaꞌ chinuwech, chi itzel ndatzꞌet chare ri ndikibꞌanalaꞌ ri wineq ri ndibꞌix nicolaítas chake, y ri ndikibꞌanalaꞌ rejeꞌ, itzel chuqaꞌ nitzꞌet chare riyin.