Santiago 3:17 - Kaqchikel Santo Domingo (Xenacoj)

¹⁷ Pero ri wineq ri kichajin ri nojibꞌel pataneq rikꞌin ri Dios, kin qetzij chi kikꞌuan jun chꞌajchꞌaj kꞌaslen, ndikiqꞌet kiꞌ chuwech ri oyowal, utz kinoꞌoj ndikibꞌen chake chꞌaqa chik, chaj ndikikꞌuaj kiꞌ kikꞌin chꞌaqa chik, ngepoqonan y jabꞌel ngetoꞌon, ma ngekichaꞌ ta kiwech wineq, y ma kaꞌiꞌ ta kipalej.

နောက်ထပ်ဗားရှင်းများ

Kaqchikel Santa Maria de Jesus

¹⁷ Pero xa ja ri noꞌj ri patanak chicaj ri cꞌo iviqꞌuin, can xtivucꞌuaj jun cꞌaslien sak, man xtiꞌan ta ayoval, otz inoꞌj xtiꞌan quiqꞌuin quinojiel, xtivaxaj jaꞌal y xtiꞌan pensar otz ri chica nicajoꞌ ri vinak chiva, y xtijoyovaj quivach quinojiel. Can xtiꞌan jeꞌ nojiel ri otz, man cacaꞌ ta icꞌuꞌx, ni man caꞌyeꞌ ta jeꞌ ipalaj.

Kaqchiquel Bible

¹⁷ Jak'a wi ja ri etamabel ri peteneq chila' chikaj rik'in ri Dios ri k'o iwik'in, re' nuben k'a chiwe chi nik'uaj jun k'aslen ch'ajch'oj, chi man niben ta oyowal, utz niben kik'in konojel, niwak'axaj jebel ri achike nikajo' ri winaqi' chiwe, y chi kan nijoyowaj kiwech konojel. Kan niben ronojel ri utz; man niben ta rukojol, ni man ka'i' ta ipalej chuqa'.

Kaqchikel Central Guatemala

¹⁷ Pero vi ja ri etamabel ri petenek chila' chicaj riq'uin ri Dios ri c'o iviq'uin, nuben c'a chive chi nic'uaj jun c'aslen ch'ajch'oj, chi man niben ta oyoval, utz niben quiq'uin conojel, nivac'axaj jebel ri achique nicajo' ri vinek chive, y chi can nijoyovaj quivech conojel. Can niben c'a ronojel ri utz, man ca'i' ta ic'u'x, ni man ca'i' ta ipalej chuka'.

Re C'ac'a Testamento pa Kach'abal

¹⁷ Pero vo xa ja re otz na'oj re pitinak chila' chicaj riq'uin re Dios re c'o iviq'uin, nuban chiva che nic'uaj jun c'aslen ch'ajch'oj, man niban-ta ayoval, niban re otz quiq'uin conojel, nic'axaj jabal re andex niquijo' re vinak chiva, y can nijoyovaj quivach conojel. Can niban ronojel re otz, tak niban jun cosa can riq'uin ronojel ivánma niban y man riq'uin-ta ca'e' ipalaj.

Kaqchikel Western Solola

¹⁷ Pero wi ya ri na'oj ri petenak chila' chicaj riq'ui ri Dios ri c'o iwuq'ui, nabey nuben c'a chiwe chi nic'oje' jun iwánima ch'ajch'oj, c'ac'ari' nuben chiwe chi ma niben ta oyowal, utz ina'oj niben quiq'ui quinojel, ye'ic'ul y ye'iwac'axaj jabel ri winek, y nijoyowaj quiwech quinojel. Can nuben chi niwachin jabel ri ic'aslen, ma ca'i' ta ic'u'x, ni ma ca'i' ta ipalej chuka'.

Santiago 3:17 ပူးပေါင်းရင်းမြစ်များ

Santiago 3:15

Ma tibꞌij chi kꞌo inojibꞌal, porque jun nojibꞌel keriꞌ, ma pataneq ta rikꞌin ri Dios, xa aj rochꞌulew, xa kichin wineq y xa rikꞌin ri itzel pataneq wi.

Romanos 12:9

Kixojowan rikꞌin nojel iwánima, tiyaꞌ kan roꞌiwacheq chuwech ri ma utz ta y kin tiwoqaj ri utz.

Santiago 1:17

Chikaj rikꞌin ri Dios pataneq nojel ri utzulej teq achike y nojel ri loqꞌolej teq sipanik. Ja rijaꞌ bꞌanayon kichin nojel ri chꞌumilaꞌ ri ndujalalaꞌ riꞌ ri luz ndikiyaꞌ, pero rijaꞌ ma jumbꞌey ndijalatej ruwech y maneq qꞌequꞌ rikꞌin.

Santiago 1:5

Y si kꞌo jun chiꞌikajal ri maneq ok runojibꞌal, tukꞌutuj nojibꞌel chare ri Dios, y kin xtiyoꞌox wi pe chare. Porque ri Dios nduyaꞌ nojibꞌel chake konojel ri ngekꞌutun chare, ma ndukꞌekꞌej ta y ma nabꞌey ta ndukꞌusalaꞌ tzij pa ruwiꞌ ri ndikꞌutun, y kꞌaja ta riꞌ xtuyaꞌ.

1 Juan 3:18

Rix ri kin achel rix walkꞌuaꞌl keriꞌ, ma xe rikꞌin qachiꞌ tiqabꞌij chi ngeqajoꞌ ri hermanos, xa kin qetzij qojojowan rikꞌin ri utz ri ngeqabꞌanalaꞌ chikitoꞌik.

1 Pedro 1:22

Wokami roma iniman ri qetzij, rix ichꞌajchꞌojrisan ri ikꞌaslen chin ngeꞌiwojoꞌ ri hermanos rikꞌin nojel iwánima. Romariꞌ, rikꞌin chꞌajchꞌaj iwánima santienta tiwojoꞌ iwiꞌ chiwech.

San Mateo 5:8

Kin jabꞌel rokiqꞌij ri chꞌajchꞌaj kánima, Porque kin xtikitzꞌet ruwech ri Dios.

1 Juan 3:3

Y konojel ri koyobꞌen chi keriꞌ ndibꞌanatej, jumul ndikichꞌajchꞌojrisaj ri kikꞌaslen, chin ndikibꞌen chare achel rukꞌaslen ri Jesucristo, ri kin chꞌajchꞌaj wi.

San Lucas 21:15

Porque riyin ngiyoꞌon tzij pa ichiꞌ y nojibꞌel chiwa, y nixta jun chikiwech ri wineq ri koyowal chiwa xtikaney runoꞌoj chin ta xtutzolij ruwech itzij.

San Lucas 6:36

Rix tipoqonaj kiwech ri wineq, achel ri Itataꞌ Dios rujoyowan iwech rix.

Hebreos 12:14

Titijaꞌ iqꞌij chi ndikꞌojeꞌ uxlanen chiwech kikꞌin konojel wineq, y titijaꞌ iqꞌij chi ndikꞌuaj jun chꞌajchꞌaj kꞌaslen, porque nixta jun nderutzꞌetaꞌ ruwech ri Ajaw, si ma chꞌajchꞌaj ta rukꞌaslen.

2 Timoteo 2:24

Y jun rusamajel ri Ajaw ma ndutzeq ta riꞌ pa oyowal, xa kin ndikꞌatzin chi utz runoꞌoj ndubꞌen chake konojel. Y ndikꞌatzin chuqaꞌ chi rijaꞌ jun utzulej tijonel y ngerukachꞌ ri altíra kinoꞌoj.

1 Pedro 2:1

Romariꞌ, rix tiyaꞌ kan nojel ri itzel teq achike kꞌo pa iwánima chikij chꞌaqa, tiyaꞌ kan nojel ruwech chꞌakatinik, ri kaꞌiꞌ ipalej, ri itzel ndinaꞌ chare roma utz kibꞌanun chꞌaqa chik, y nojel itzel teq tzij ri ndikusaj chin ndiqasaj kiqꞌij chꞌaqa.

Santiago 2:4

Atoq keriꞌ ndibꞌen, ndiqꞌalajin chi ngeꞌichaꞌ kiwech wineq, y xa ngixok qꞌatoy teq tzij ri rix ukꞌuan roma itzel teq noꞌoj, porque ma junan ta kiwech ngeꞌitzꞌet ri wineq.

Hebreos 12:11

Kin qetzij chi atoq xkꞌajisex qawech, ma utz ta xqanaꞌ chare, xa xqꞌaxa chaqe, pero si xqetamaj ri xrajoꞌ xukꞌut ri Dios chiqawech, ndikꞌojeꞌ uxlanen pa qánima y ndiqetamaj ndiqabꞌen ri utz chuwech rijaꞌ.

Colosenses 1:10

Chin keriꞌ ndikꞌuaj jun kꞌaslen achel ndirajoꞌ ri Ajaw, y nojel ri ndibꞌen kin ta ndiqaꞌ chuwech, kin ta kꞌiy utz ngeꞌibꞌanalaꞌ chake chꞌaqa chik, kin achel jun cheꞌ ri yalan ndiwachin, y kin ta más ngixkꞌiy pa ikꞌaslen roma ndiwetamaj ri utzulej runoꞌoj ri Dios.

Romanos 15:14

Nu-hermanos, riyin kin kuqul nukꞌuꞌx chi bꞌaneq iwánima chubꞌanik ri utz, y kin kꞌiy iwetaman pa ruwiꞌ ri rutzij ri Dios, y ngixtiker chuqaꞌ ndipixabꞌaj iwiꞌ chiwech pa ruwiꞌ ri utz chi ndibꞌen.

1 Corintios 12:8

Porque chake jujun, ri Espíritu Santo nduyaꞌ chi ngechꞌaꞌa rikꞌin nojibꞌel pataneq rikꞌin ri Dios. Chake chꞌaqa ri Espíritu Santo nduyaꞌ pa kánima tzij chin ngechꞌaꞌa nimalej teq etamabꞌel pataneq rikꞌin ri Dios.

Santiago 4:8

Kixjel apu rikꞌin ri Dios, y ri Dios kin xtijel pe iwikꞌin rix. ¡Rix aj mak, tichojmirisaj ri ikꞌaslen! ¡Y rix ri ndiwojoꞌ ndiyaꞌ ruqꞌij ri Dios, pero xa ndibꞌanalaꞌ chuqaꞌ itzel teq achike, tichꞌajchꞌojrisaj kꞌa ri iwánima!

1 Timoteo 5:21

Y chuwech ri Dios y ri Cristo Jesús y chikiwech ri ángeles echaꞌon, nibꞌij chawa chi tabꞌanaꞌ nojel ri nubꞌiꞌin e chawa, ma nabꞌey tanojij jun achike chirij jun si ma awetaman ta chaj ri bꞌanatajneq, y junan kiwech kaꞌatzꞌetaꞌ konojel.

Hechos 11:24

Keriꞌ xubꞌij ri Bernabé, porque kin utz runoꞌoj, kuqul rukꞌuꞌx rikꞌin ri Dios, y nojneq ránima rikꞌin ri Espíritu Santo. Ri qꞌij riꞌ, ekꞌiy xkitaqij ri Ajaw.

San Mateo 23:28

Ndibꞌananej chikiwech ri wineq chi chojmilej kꞌaslen ikꞌuan, pero ri iwánima xa nojneq rikꞌin itzel teq achike, y xa kaꞌiꞌ ipalej.

1 Tesalonicenses 2:7

Roj kꞌo ta cheꞌel xqabꞌen mandar chiwa chi kin nim qeqalen qojitzꞌetaꞌ, porque roj apóstoles chin ri Cristo, pero pa rukꞌexel riꞌ, xa kin xqabꞌen chare ri qánima achel ránima jun akꞌual chiꞌikajal, xixqajoꞌ achel jun teꞌej ri ngerilij y ngerukꞌiytisaj ri ral.

Filipenses 4:8

Hermanos, ri jun chik achike niwojoꞌ nibꞌij chiwa, jareꞌ: Kixnojin pa ruwiꞌ ri qetzij, pa ruwiꞌ nojel ri utz chi ndinimrisex rubꞌiꞌ, pa ruwiꞌ nojel ri kin chojmilej chuwech ri Dios, pa ruwiꞌ nojel ri ndukꞌen pe chꞌajchꞌaj kꞌaslen, pa ruwiꞌ chuqaꞌ nojel ri achike utz chi ndibꞌa iwánima chirij, pa ruwiꞌ nojel ri kꞌo utz rutzijol, pa ruwiꞌ ri kꞌo utz ndukꞌen pe chare ri iwánima, y pa ruwiꞌ nojel ri utz chi ndiyoꞌox ruqꞌij.

Filipenses 1:11

xa kin ngixuꞌilitej chi pa ruchojmil ibꞌanaloꞌon nojel, roma ri rubꞌanun ri Jesucristo pa ikꞌaslen. Y keriꞌ ndinimrisex y ndiyoꞌox ruqꞌij ri Dios.

Hechos 9:36

Ri tiempo riꞌ, pa jun chik tinamit rubꞌiniꞌan Jope, kꞌo jun ixaq rubꞌiniꞌan Tabitá, ri pa chꞌabꞌel griego ndubꞌij tzij Dorcas. Ri ixaq riꞌ santienta utz ndubꞌanalaꞌ chake ri wineq, y ngerutoꞌ ri maneq ok kichajin.

San Juan 1:47

Pero atoq naqaj chik kꞌo ri Natanael chin ndeqaqa apeꞌ kꞌo ri Jesús, ri Jesús xutzꞌet pe y xubꞌij: Titzꞌetaꞌ re jun achi reꞌ. Rijaꞌ kin qetzij chi israelita y ma jun chꞌakatinik kꞌo pa ránima.

San Juan 1:14

Ri Jun ri ndiqꞌalajrisan runoꞌoj ri Dios xuqaqa chochꞌulew, xkꞌojeꞌ jun ru-cuerpo achel qa-cuerpo roj wineq y rijaꞌ xkꞌojeꞌ chiqakajal. Roj xqatzꞌet ri nimalej ruqꞌij ri kin chin wi ri junayon Rukꞌajol ri Tataꞌaj Dios ri nojneq ránima rikꞌin ri qetzij y rikꞌin ri ru-favor ri Dios.

Tito 3:2

chi ma itzel kechꞌaꞌa chirij jun wineq, y ma tikibꞌen oyowal. Utz kinoꞌoj y loqꞌ kánima tikibꞌanaꞌ chikiwech konojel.

Tito 1:15

Ri wineq chꞌajchꞌaj kikꞌaslen, chꞌajchꞌaj chuqaꞌ ndikitzꞌet chare nojel. Jakꞌa ri wineq ma chꞌajchꞌaj ta kikꞌaslen y ma kitaqin ta chuqaꞌ ri Dios, nojel ma chꞌajchꞌaj ta ndikitzꞌet chare, porque nixta ri achike ndikinojij, nixta ri kánima ma chꞌajchꞌaj ta chuwech ri Dios.

Romanos 12:18

Tibꞌanaꞌ ri janipeꞌ ngixtiker ndibꞌen chin utz ndikꞌuaj iwiꞌ kikꞌin konojel wineq.

Efesios 5:9

Porque jun ri kꞌo pa luz, kin kereꞌ ndiqꞌalajin pa rukꞌaslen: Utz ndubꞌen chake chꞌaqa chik, kin rukꞌuan jun chojmilej kꞌaslen, y ja ri qetzij roqan.

2 Corintios 10:1

Riyin Pablo, rikꞌin ri loqꞌ ránima y jabꞌel runoꞌoj ri Cristo, kꞌo nukamelal niwojoꞌ nikꞌutuj chiwa, porque ekꞌo jujun chiꞌikajal ri ndikibꞌilaꞌ chi atoq yinkꞌo apu chiꞌikajal, xa niqasaj wiꞌ, pero atoq ma yinkꞌo ta chiꞌikajal, nim ninaꞌ chare.

2 Corintios 9:10

Ri Dios ri ndiyoꞌon ri semilla chare ri tikonel, y ri ruway chin ndiwaꞌ, kin xtubꞌen chi ndikꞌiyer ri janipeꞌ kꞌo iwikꞌin chin ngixtoꞌon y xtubꞌen chuqaꞌ chi ndikꞌiyer ri janipeꞌ utz ndukꞌen pe ri toꞌonik ndiyaꞌ.

San Mateo 5:9

Kin jabꞌel rokiqꞌij ri ndikitij kiqꞌij ndikitik uxlanen chikikajal ri wineq, Porque ri Dios kin xtubꞌij ralkꞌuaꞌl chake.

2 Corintios 6:6

Qatijon chuqaꞌ qaqꞌij chi titzꞌetetej chi roj rusamajelaꞌ ri Dios rikꞌin chꞌajchꞌaj chi kꞌaslen qakꞌuan, rikꞌin qetaman rubꞌeyal ri qetzij, rikꞌin qakochꞌon ri kibꞌanun ri wineq chaqe, rikꞌin rupoqonaxik kiwech ri wineq ngeqabꞌen, rikꞌin chuqaꞌ chi ukꞌuan qakꞌaslen roma ri Espíritu Santo, rikꞌin ri ngojojowan,

2 Corintios 7:11

¡Tiyaꞌ cuenta chare ri jarupeꞌ utz xukꞌen pe chiwa ri bꞌis ri xuyaꞌ qꞌij ri Dios chi xiqꞌasaj! Xubꞌen chi xichojmirisaj ri ma utz ta xbꞌanatej chiꞌikajal, chi xikꞌut chi ma ja ta rix ri kꞌo imak rikꞌin ri xbꞌanatej, chi ma xqaꞌ ta chiwech ri xbꞌanatej, chi xixibꞌij qa iwiꞌ. Xubꞌen chuqaꞌ chi xiwojoꞌ xinitzꞌet, chi ma xixkꞌojeꞌ ta chupan ri xbꞌanatej, y chi xiyaꞌ castigo chare ri xbꞌanun mak chin xkꞌaj ruwech. Y rikꞌin ri keriꞌ xibꞌen, xixqꞌalajin chi rix maneq imak rikꞌin ri xbꞌanatej chiꞌikajal.

Santiago 2:13

Porque si jun wineq ma ndupoqonaj ta kiwech wineq, ma ndijoyowex ta chuqaꞌ ruwech rijaꞌ chupan ri qꞌij atoq ri Dios nduqꞌet tzij pa kiwiꞌ ri wineq. Pero ri ndipoqonan, kin xtijoyowex ruwech chupan ri qꞌij riꞌ.

1 Pedro 2:18

Rix samajelaꞌ, chiꞌijununal tinimaj kitzij ri iwajaw chochꞌulew rikꞌin nojel iwánima, y ma xe tinimaj kitzij ri iwajaw ri ngixkajoꞌ y utz kinoꞌoj chiwa, xa kin ndikꞌatzin chuqaꞌ ndinimaj kitzij ri ma utz ta kinoꞌoj chiwa.