Santiago 3:13 - Kaqchikel Santo Domingo (Xenacoj)

¹³ Si chiꞌikajal rix kꞌo jun ri ruchajin nojibꞌel y kin kꞌes runoꞌoj, tukꞌutuꞌ kꞌa chi keriꞌ rikꞌin rukꞌuaxik jun chojmilej kꞌaslen, y rikꞌin chuqaꞌ ngerubꞌanalaꞌ ri utz chake chꞌaqa chik. Keriꞌ tubꞌanaꞌ rikꞌin jun ránima ri ukꞌuan roma ri nojibꞌel pataneq rikꞌin ri Dios, ri ndibꞌanun chare chi ma nim ta ngerunaꞌ chare.

နောက်ထပ်ဗားရှင်းများ

Kaqchikel Santa Maria de Jesus

¹³ Hermanos, ¿cꞌo came jun chicajol ri cꞌo runoꞌj y cꞌo qꞌuiy rataꞌn? Xa cꞌo, tucꞌutuꞌ chupan ri rucꞌaslien y otz runoꞌj tubꞌanaꞌ. Man tunaꞌ chi nem, xa manak-oc rakalien tunaꞌ riqꞌuin ri runoꞌj.

Kaqchiquel Bible

¹³ Wach'alal, wi ek'o chi'ikojol ri kan k'o kina'oj y k'o etamabel kik'in, kan ruk'amon chi nikik'ut chupan ri kik'aslen y rik'in ri utzilej taq kibanobal. Y re' k'o chi nuben rik'in qasanri'il.

Kaqchikel Central Guatemala

¹³ Vach'alal, ¿ec'o cami ri ec'o chi'icojol ri can c'o quina'oj y c'o etamabel quiq'uin? Vi queri', yalan utz. Pero can ruc'amon c'a chi niquic'ut chupan ri quic'aslen y riq'uin ri utzilej tak quibanobal. Man c'a tiquinimirisaj-qui', xa can tiquich'utinirisaj-qui' riq'uin etamabel.

Re C'ac'a Testamento pa Kach'abal

¹³ Hermanos, camas-ta otz xe-ta chi'icojol jec'o re c'o na'oj quiq'uin, pero can ruc'amon che niquic'ut chupan re quic'aslen y riq'uin jun quibanabal otz. Man tiquina' che c'o quik'ij, xa tiquibana' che manak quik'ij y can xtik'alajin che c'o quina'oj.

Kaqchikel Western Solola

¹³ Wach'alal, ri chicojol riyix, ¿yec'o cami ri can c'o quina'oj y c'o etamabel quiq'ui? Wi queri', sibilaj utz. Pero can tiquic'utu' c'a chi c'o utzil yetajin chubanic ruma quic'uan jun utzilaj c'aslen. Y ronojel ri utzil ri niquibanala' can tiquibana' riq'ui ch'uch'ujil, y riq'ui ri' nik'alajin chi c'o quina'oj.

Santiago 3:13 ပူးပေါင်းရင်းမြစ်များ

Gálatas 5:23

loqꞌ ránima y nditiker nduqꞌet ri ru-cuerpo chuwech ri itzel teq rayinik. Si keriꞌ ri ikꞌaslen ndikꞌuaj, nixta jun ley ri xtubꞌij chiwij chi ma utz ta ri ngixtajin rikꞌin.

Santiago 3:17

Pero ri wineq ri kichajin ri nojibꞌel pataneq rikꞌin ri Dios, kin qetzij chi kikꞌuan jun chꞌajchꞌaj kꞌaslen, ndikiqꞌet kiꞌ chuwech ri oyowal, utz kinoꞌoj ndikibꞌen chake chꞌaqa chik, chaj ndikikꞌuaj kiꞌ kikꞌin chꞌaqa chik, ngepoqonan y jabꞌel ngetoꞌon, ma ngekichaꞌ ta kiwech wineq, y ma kaꞌiꞌ ta kipalej.

San Mateo 5:5

Kin jabꞌel rokiqꞌij ri ndikiqasaj kiꞌ, Porque chake rejeꞌ xtiyoꞌox ri ulew rusujun ri Dios chi nduyaꞌ.

Colosenses 3:12

Ri Dios kin rix rojowan wi pe, y xixruchaꞌ chin xixok loqꞌolej rutinamit. Romariꞌ tiweqaꞌ iwiꞌ rikꞌin poqonaxik, rikꞌin chuqaꞌ ndibꞌen utz inoꞌoj, rikꞌin ndiqasaj iwiꞌ, rikꞌin loqꞌ iwánima, y rikꞌin ndikachꞌ nojel ri ndipuꞌun pa ikꞌaslen.

1 Pedro 2:12

Tikꞌuaj jun utzulej kꞌaslen chikikajal ri ma kitaqin ta ri Dios, chin keriꞌ maske ndikibꞌij chiwij chi rix bꞌanuy itzel teq achike, rejeꞌ roma ndikitzꞌet chi rix ndibꞌen ri utz chikitoꞌik ri wineq, kin xtikiyaꞌ ruqꞌij ri Dios chupan ri qꞌij atoq rijaꞌ nduyaꞌ qꞌij chake chi ndikitaqij ri utzulej teq tzij chin kolotajik.

Tito 3:2

chi ma itzel kechꞌaꞌa chirij jun wineq, y ma tikibꞌen oyowal. Utz kinoꞌoj y loqꞌ kánima tikibꞌanaꞌ chikiwech konojel.

2 Timoteo 2:25

Ki-kiꞌ awánima takꞌutuꞌ ruchojmil ri rutzij ri Dios chikiwech ri ndikipabꞌaꞌ kiꞌ chuwech ri qetzij, kolopeꞌ ri Dios xtisamej pa kánima chin ndijalatej ri kinoꞌoj y keriꞌ ndikiyaꞌ yan chik pa cuenta ri qetzij,

Filipenses 1:27

Ri más ndikꞌatzin, ja ri rukꞌuaxik ri ikꞌaslen kin ta achel ndubꞌij ri utzulej teq tzij ri ndichꞌaꞌa pa ruwiꞌ ri kolotajik ri nduyaꞌ ri Cristo. Keriꞌ nibꞌij chiwa, chin keriꞌ si xkibꞌeqaqa o ma xkibꞌeqaqa chi ta chiꞌitzꞌetik, kin ta nduqaqa rutzijol wikꞌin chi kaw rixkꞌo chiraqen ri Ajaw, jumul jun iwánima ibꞌanun, junan ngixsamej chin nditaqix ri utzulej teq tzij chin kolotajik,

1 Timoteo 6:11

Pero rat Timoteo, rat jun achi rusamajel ri Dios. Katanimej chuwech nojel ri ngetajin rikꞌin rejeꞌ. Takꞌuaj jun chojmilej kꞌaslen, tabꞌanaꞌ ri ndiqaꞌ chuwech ri Dios, takuqubꞌaꞌ más akꞌuꞌx rikꞌin rijaꞌ, katojowan, kakochꞌon y loqꞌ awánima tabꞌanaꞌ chake konojel.

Santiago 2:18

Naq xa kꞌo jun ri kereꞌ xtibꞌiꞌin chuwa: Riyin nutaqin ri Ajaw, jakꞌa rat ndabꞌen ri utz chake chꞌaqa. Chare ri jun riꞌ, kereꞌ nibꞌij: Rat ndabꞌij chi ataqin ri Ajaw, pero ma ndabꞌen ta ri utz chake chꞌaqa. Takꞌutuꞌ kꞌa chinuwech achike modo chi qetzij ataqin ri Ajaw, si ma ndabꞌen ta ri utz. Y riyin nikꞌut chawech chi qetzij nutaqin ri Ajaw rikꞌin ri utz nibꞌen chake chꞌaqa chik.

1 Pedro 2:9

Pero rix, rix jun tinamit chaꞌon roma ri Dios, rix sacerdotes ri ndibꞌen rusamaj ri Dios ri nimalej Rey, rix jun loqꞌolej tinamit y rix loqꞌon roma ri Dios. Keriꞌ rubꞌanun ri Dios chiwa, chin nditzijoj ri nimalej teq achike erubꞌanun rijaꞌ ri xoyon iwichin chin xixrelesaj pe chupan ri qꞌequꞌ y xixruyaꞌ chupan ri nimalej ru-luz rijaꞌ.

Santiago 1:21

Romariꞌ, tiwelesaj e pa ikꞌaslen nojel ri ndichꞌabꞌaqrisan richin y nojel ri itzel teq achike kꞌo pa iwánima. Tiqasaj iwiꞌ chuwech ri Dios chunimaxik ri rutzij tikon kan pa iwánima, porque ri utzulej teq tzij riꞌ kꞌo ruchuqꞌaꞌ chin ngixrukal.

1 Timoteo 4:12

Man ta jun ri xtubꞌen chawa chi ma jun aweqalen roma kꞌa rat kꞌajol. Pero chin ma tibꞌanatej keriꞌ, katok ejemplo chikiwech ri hermanos rikꞌin ri tzij ngeꞌel pa achiꞌ, rikꞌin chuqaꞌ akꞌuan jun chojmilej kꞌaslen, rikꞌin ngatojowan, rikꞌin kuqul akꞌuꞌx rikꞌin ri Dios, y rikꞌin akꞌuan jun chꞌajchꞌaj kꞌaslen.

2 Corintios 10:1

Riyin Pablo, rikꞌin ri loqꞌ ránima y jabꞌel runoꞌoj ri Cristo, kꞌo nukamelal niwojoꞌ nikꞌutuj chiwa, porque ekꞌo jujun chiꞌikajal ri ndikibꞌilaꞌ chi atoq yinkꞌo apu chiꞌikajal, xa niqasaj wiꞌ, pero atoq ma yinkꞌo ta chiꞌikajal, nim ninaꞌ chare.

San Mateo 11:29

Tiyaꞌ ri nu-yugo chirij iwiꞌ, y tiwetamaj ri nibꞌen riyin, porque riyin ma ninimrisaj ta wiꞌ y loqꞌ ok wánima, y keriꞌ rix ndiwil uxlanen chin ri iwánima.

Santiago 3:1

Nu-hermanos, ma ekꞌiy chiꞌikajal rix tirayij ngixok tijonelaꞌ kichin ri hermanos, porque si ma ndiqabꞌen ta ri ndiqakꞌut, más kꞌiy castigo nduyaꞌ ri Dios chaqe atoq nduqꞌet tzij pa qawiꞌ.

Efesios 4:2

Tiqasaj iwiꞌ, utz inoꞌoj tibꞌanaꞌ chake ri wineq, ma tikꞌo ikꞌuꞌx chupan ri ndiqꞌasaj, rikꞌin ajowabꞌel tikochꞌoꞌ iwiꞌ chiwech,

Gálatas 6:4

Roma kꞌa riꞌ, chiqajununal tiqatzꞌetaꞌ si utz ri ngojtajin rikꞌin. Si utz, kꞌo cheꞌel ndikikot qánima, y ma ndikꞌatzin ta ndiqajunumaj ri qasamaj rikꞌin ri samaj rubꞌanun jun chik.

Gálatas 6:1

Hermanos, si ndilitej jun ri ndajin rikꞌin mak, rix ri ukꞌuan ri ikꞌaslen roma ri Espíritu Santo, rikꞌin loqꞌ iwánima tibꞌochiꞌij ránima ri jun riꞌ chin nduyaꞌ kan ri mak y nditzolij ránima rikꞌin ri Ajaw. Pero tibꞌanaꞌ cuenta iwiꞌ, ma kꞌateꞌ kixtzaq chuqaꞌ rix pa mak.

2 Corintios 8:24

Roma kꞌa riꞌ, keꞌiwojoꞌ ri eꞌoxiꞌ hermanos riꞌ, chin keriꞌ ndiqꞌalajin chikiwech ri hermanos ri ndikimal kiꞌ pa rubꞌiꞌ ri Ajaw pa jalajaj teq kitinamit, chi ma xe ta ngixojowan, xa kin qetzij chuqaꞌ ri qabꞌiꞌin chiwij chi jabꞌel ikuqubꞌan ikꞌuꞌx rikꞌin ri Dios.

San Mateo 21:5

Tibꞌij chake ri israelitas ekꞌo pa tinamit Sión: Titzꞌetaꞌ chi ri i-Rey, ja pataneq, Y loqꞌ ránima tzꞌuyul pe chirij jun burro, Ral jun awej chin eqaꞌ, xchajeꞌ.

1 Pedro 3:4

Ri iweqbꞌel ndikꞌatzin, ja ri ndikꞌuaj jun jabꞌel yalan noꞌoj y ki-kiꞌ iwánima. Jun weqbꞌel keriꞌ, kin santienta reqalen chuwech ri Dios.

1 Corintios 6:5

Keriꞌ nibꞌij chiwa chin ngixkꞌix. ¿La maneq kꞌa jun hermano chiꞌikajal ri ndikaney runoꞌoj chin ndubꞌen rukꞌojlen jun oyowal chikikajal ri hermanos?

San Mateo 7:24

Romariꞌ, ri ndirakꞌaxaj ri tzij ngitajin chubꞌixik y ndubꞌen pa rukꞌaslen, nijunumaj rikꞌin jun achi ri kin ndikaney runoꞌoj. Ri achi riꞌ nej xukꞌat qa ri ulew chin xubꞌen qa ruxeꞌ ri rachoch pa xeq ulew.

Hebreos 13:5

Ma kixjamem chirij méra, kixkikot rikꞌin ri ruyoꞌon ri Dios chiwa. Porque ri Dios kereꞌ rubꞌiꞌin kan: Ma jumbꞌey xkatinyaꞌ kan, y ma jumbꞌey xtinmalij kan awech, xchajeꞌ.

1 Pedro 1:15

Pa rukꞌexel riꞌ, tikꞌuaj jun loqꞌolej kꞌaslen, porque ri Dios ri xoyon iwichin, kin loqꞌolej wi.